لماذا ندرس بهذه اللغات ..!؟

.. السبب واضح جـداً وهو أن الدولة اللي بتبعث لهـا تشتـرط هـذا الشـي لان شعبهـم بالأغلب ما يتقـن الإنجليزية او حتـى ما يعرفهـا ..

.. وحتـى لو درسـت بالإنجليزي بالجامعـه ، ما راح تتجـرأ تـخرج مـع النـاس لانهـم مـا راح يفهمـوا عليـكم الا نـادراً ..

.. وشكراً ..

معقول يا عزيز !!!؟؟

فقط لأن الدولة مشترطة والشعب ما يتكلم انقليزي !!؟؟

طيب ومستقبلنا !!؟؟

من ينفعني اذا درست بالصيني وهلكت نفسي ورجعت السعودية ودفنت اللغة تحت الارض !؟

الشعب اللي ما يتكلم انقليزي او حكومتهم اللي مشترطة علي ادرس بلغتهم !؟

وليش تبتعثنا الدولة لهذي الدول اذا فقط السبب هو انها دول تشترط في جامعاتها الدراسة بلغتهم الاصلية او لأن الشعب لا يتحدث الانقليزية !!؟

سببك طلع غامض اكثر مما هو واضح اخوي عزيز مع الشكر الجزيل ..

حلووووووووووووووووووووو كلامك آنّون

من ابسط حقوقك تكون مميز

يعجبني الانسان المميز ..



لكن الشي المميز اللي معه ( اللي هو اللغة اليابانية او الصينية او غيرها ..)

كيف راح استفيد منها مستقبلاً ..!؟

هل هي مطلوبة في السعودية !؟

او فقط الدعوة تميز !؟

لاني اشوف ناس قاعده تتخذ قرارات متهورة وبسرعة جنونية !!

يخش الطالب اقرب ملتقى مبتعثين يقول يا شبااااب انا طالع الصين او اليابان او كوريا او غيرها

وش تنصحوني ادرس بأي لغة !؟

وتعال شف الردود

ادرس صيني

ادرس صيني

ادرس ياباني

ادرس كوري

طيب ليش !؟؟

على اي اساس نصحته ؟

اذا كان غرضك تتميز عن غيرك وهدفك هو يكون عندك شيء مختلف ( حلو .. بالعكس ارفع لك القبعة احتراماً ..

لكن ليش تضيع الطلاب اللي يدورون مستقبل يدورون وظيفة يدورون رزق ما يهمهم التميز

على بالكم اللغات هذي سهله

انا اعرف طالب

دخل كم منتدى

سأل عن الدراسة في الصين

قالوا ادرس صيني

صيني صيني

لا تفكر في غير الصيني

جا الطالب هنا

درس صيني

اربع شهور

جات الاجازة

بعد ما مرض وتعب وطفش وكره حياته

رجع السعودية

وهو ندمان

ويلعن اليووووم اللي طلع فيه للصين ودرس صيني

لا تقولون انت بنيت فكره على اساس رأي طالب واحد فقط وان اصابعك مو سوا

لا وربي هذا فيض من غيض

هذا واحد من العشرات

الغريب

انه اكتشف

بعد ان جاه المرض من هذه اللغة

ان اللغة اللي قاعد يدرس فيها

لن يستفيد منها في السعودية نهائياً !

وتخصصه طب

الآن فكرت ؟

بعد ما وصلت الصين ..



رسالة للجميع .. من القلب الى القلب .. فكر مليون مره

قبل اتخاذ قرار لغة الدراسة ..

اخي unknown

اللغة الانجليزية اللي جد جدتك يتقنها

فيه لها ناس تستخدمها معهم في السعودية

فيه لها مستقبل

اللي قلته انت ميزة وليس عيب

ايجابيات وليست سلبيات

ان يكون معي لغة يتقنها الجميع

افضل من ان يكون معي لغة لا يتقنها في محيط عملي الا انا !

والمحزن اني لم اتقن هذه اللغة الا بعد معاناة لا توصف

ويبقى رأيك وله احترامه ..

وشاكر لك تفاعلك .. وفي انتظار مزيد من الاراء

من قال اللغة العنقليزية عند كل السعوديين؟؟<<<كلام خطأ


الحين حتى للبقالة مطلوب عامل سعودي يجيد اللغة العنقليزية تحدثا وكتابة

أخوي كل لغة راح تلقى من يقبلها في السعودية

لا تحصر أهتمامك في مجالات محددة

أحد أقاربي راح يكمل الماستر في فرنسا وتعب حتى تعلم اللغة الفرنسية وأتقنها
وصار بوضع أفضل بكثير في شركته الفرنسية الأصل

عزيزي الآن الشركات الصينية بدأت تكتسح الصناعات في المملكة والشرق الأوسط عموما ً وحتى أفريقيا

ولك فرصة كبيرة في التوظيف لديهم


يا عزيزي أكيد أنت تعرف ينساب اللي جالس ينشئها في السعودية شركة صينية
وسابك أرسلت عشرات الطلاب والموظفين الجدد إلى الصين وقابلت بعضهم بعيني


نفس الشيء لطلاب هولندا وحتى سنغفورا مركز سابك للشرق الاقصى


يعني هذا راح يزيد فرص التوظيف

واتفق معاك أنها صعبة لكن مو على الكل


غير أنك ممكن تفتح شغل خاص فيك من خلال خبرتك في البلد
أعرف شخص يماني في ايو في الصين ماشاء الله عليه من خلال اللغة والخبرة في البلد بدأ التجارة وهو بخير كثير


من المعلوم أن كوريا لها باع طويل جدا ً في السعودية في مجال المقاولات والحقيقة ما أدري هل إلى الآن هي في المقاولات أو لاء لكن معظم الطرق العملاقة كورية الصنع


ماليزيا داخلة بقوة في مجال الصرف الصحي في المملكة أو الشركات الماليزية


أستراليا لها عقود بالمليارات في مجال سكة القطار الجديدة بجانب بن لادن والرشيد



كل دولة من اللي ذكرتهم راح تحصل لهم شركات كثيرة تعمل في السعودية ومنطقة الخليج
لا تتحسف على اللغة يمكن ربي يكتب فيها خير لك كثير


وهذا ما يقلل من أهمية اللغة الأنجليزية

لأنها الأهم وملحوق على اللغة الأنجليزية



بنفس الوقت أبي أقلك أن الشخص اللي ما يمارس اللغة مع الوقت راح ينساها


يعني المستقبل مبهم لكن هناك مستقبل بأذن الله

أهم شي تعرف الشركات اللي تعمل في السعودية وتقدر تكون على أطلاع معهم وتواصل معهم

وراح تلقاهم ماسكة مشاريع بالمليارات


أما عن الشركات الصينية اللي اعرفه انها دخلت في مجال النفط ومجال البتروكيمياء وفي مجال المقاولات ولها مصانع في جيزان للالمنيوم ولها مدينة للصناعات في الامارات والمنتجات الصينية طغت على الاسواق العالمية


تفائل وأدع ربك أنها تكون خيرة

والله يكتب لك التوفيق

كنت أتمنى الدراسة في الصين
لكن ماعندي أستعداد أتعلم لغة جديدة بالقوة تعلمنا أنجليزي

لكن في ناس قدها وقدود ومايعيقهم حاجز اللغة

ورحم الله امرء عرف قدر نفسه ووقف عند حده

وبالتوفيق اخوي

wanes

كلامك جميل ولو انك شطحت سته وسبعين شطحة لكن شطحات مفيدة تشكر عليها ..

اخي العزيز المصانع الصينية اللي بتفتح في السعودية .. معقول موظفهيا ما عندهم غير صيني !؟ ما عندهم انقليزي !؟

وش مهمة الموظف السعودي المتحدث بالصينية عندهم !؟


انا معك ان الصيني مفيد وله مستقبل ان شاء الله

لكن في تخصصات معينة

مو كل التخصصات اللي الوزارة قاعدة تبتعث الطلاب يدرسونها وبصيني !

بالله هندسة طيران تدرسها بالصيني ليش ؟؟

تخصصات كثير استغرب ليش يدرسها الطالب بالصيني ؟؟ في السعودية يحتاجون تخصصك باللغة الانقليزية مو بالصيني .. لانك انت الوحيد تقريباً اللي بيكون معك صيني .. يعني غير مفييييييد

بالعامي


الصيني

تعب على غير سنع !


مقتطفات من ردك اخي العزيز ..

تقول يمكن ربي يكتب فيها خير

يمكن

ما اختلفنا ان الامل بالله

وان شاء الله المستقبل افضل

لكن يمكن ؟

حبيبي انت لو درست الصيني

محادثة

وقراءة

وكتابة خصوصاً

وشفت صعوبته

ما راح تقول بدرسها

ويمكن !

استفيد منها مستقبلا !؟

هذي مخاطرة وربي

يعني اذا فيه مكان معين يحتاج الصيني ومخطط اني اروح له بعد التخرج اوكي

لكن مافيه ؟ فقط يمكن يفتح مستقبلاً

يمكن يكون فيه مستقبلاً

وانا ليش اخاطر بمستقبلي عشان يمكن

عشان شي ما صار ويمكن يصير





هذولا هم طلاب الصين واليابان وكوريا وغيرها

ما فيه مكان يمارسون اللغة فيه في السعودية .. وراح ينسونها

صدقني خطوة غبية من الوزارة وراح تندم عليها وترجع تشترط مره اخرى ان طلابها يدرسون بالانقليزي ..

شاكر مرورك وردك الجميل ..

طيب رح فهم الدولة اللي راح تبتعث لها اني ابي ادرس التخصص ذا باللغة الانجليزية وشف وش راح يردون عليك...........................؟