مبتعث جديد New Member
الصين
أبو مانع الشمري , ذكر. مبتعث جديد New Member. من السعودية
, مبتعث فى الصين
, تخصصى إدارة اعمال
, بجامعة الليقون داشويه
- الليقون داشويه
- إدارة اعمال
- ذكر
- ووهان, هوباي
- السعودية
- Feb 2011
المزيدl June 24th, 2011, 02:18 PM
June 24th, 2011, 02:18 PM
بسم الله الرحمن الرحيم
السلام عليكم ورحمة الله وبركاته
صباحــــ / مساء الخير يالشبابــــــــ
ففي الحديث عن أبي حمزة أنس بن مالك رضي الله عنه ، عن النبي صلى الله عليه وسلم قال :
(( لا يؤمـــن أحــدكم حتى يحـــب لأخيك ما يحبه لنفســك ))
.. رواه البخاري ومسلم ..
أبدا كلامي لكم بهذا الحديث العظيم فوا لله أني أحب لكم الخير وأحب أن لا تتعرقل أموركــــــم وتتوهقون مثل ما توهقنا
*** *** *** *** ***
هناك طلبة سعوديين مبتعثين بالصين يحسنُ بي أن اسميهم (( السماسرة السعوديين بالصين )) لأنهم يستغلون الطلاب الجدد الذين لا يعرفون شيء ويوهقونهم ويضحكون عليهم .
كل هذا على شان الفلوووووووس (( الدراهم - الكوايات ))
وهذا العمل ما يرضاه الله ولا خلقه
لأن الطالب اللي جاي يدرس هو بحاجة الفلوووووس مو اللي منظم للبعثة
المسكين جاي ومتسلف الفلوس ومبهدل أهل ورآه على شان ايش ؟
أبي أعطيكم العلم الوكــــاد (( خاصــة بالصين )) وأوجزها بنقاط وهي :
النقطة الأولى :
الجامعات هنا بالصين ما تأخذ على القبول إلا 200 - 400 كواي يعني ما يقارب 120 - 240 ريال سعودي، وأزيدكم من الشعر بيت الجامعات تعطي اللي يجيب القبول فلوس على شان أنه جاب لهم طالب . فالسماسرة السعوديين يأخذون 2000 ريال وهذا غش عينك عينك .
النقطة الثانية :
يقولون السماسرة السعوديين المكاتب نصابين يأخذون عليك من 3000 ألاف إلى 4000 ألاف وأنا اخذ عليك 2000 بس على شان القبول وهذه هي حجتهم .
(( يعني أنت يا الطالب او يالسعودي منت نصاب ))
*** * *** * *** * ***
طيب أنا أقول مو مشكله خله يأخذ فلوس مني !! بس أبي يخدمني برضه . مقابل الفلوس مو يقول هذي فلوس القبول ويتركني متوهق هنا ..
فاللي يأخذ فلوس يترتب عليه أمور كثيرة ..
سوف اذكرها لكم :
1- لازم يستقبلك بالمطار .
2- يأمن لك السكن بقرب الجامعة حتى تخلص أوراق سكن الجامعة ( الفندق ) .
3- يحول لك فلوس اللي معك من دولار إلى كواي صيني .
4- يعلمك وين المطاعم الإسلامية القريبة لك والبقالات.
5- يخلص لك الفحص الطبي .
6- يشري لك الكتب من مكتب الأجانب بالجامعة اللي أنت فيها .
7- يرفع أوراقك للملحقية ( يعني يفتح لك بوابه بموقع الوزارة ).
8- يفتح لك حساب بالبنك .
بعد كذا بيض الله وجهه ويستاهل الفلوس اللي خذاها وزود ..
وانتبه يا شبااااااب لا تعطيه فلوس وأنت بالسعودية .. يا جيت على خير أن شاء الله وخلص أمورك كلها عطه حقه كله .. وإذا مرمطك أو ما خلص أمورك لا تعطيه ولا ريال لأنه ما يستحقه ولا يستاهله .
(( انا اقول هالكلام لأن الطالح خرب على الصالح ))
أخــوكم رابــح بــن عـــــراك الجــــربا
مبتعث على حسابي الخاص في مدينة ووهـان
أي استفسااار أنا مستعد يا شبااااااب
ويا هــــــــــــــــــــــــــــــــ لا بالجميع
بيض الله وجهك والله يكثر من امثالك
مغتربه بصين June 24th, 2011, 02:23 PM
7 " فعلا موضوع في وقته الموفوض يطرح في كل الاقسام لكل الدول المبتعثة ..
بحكم انه الطالب المستجد يحتاج توعية من هالنواحي حتى لا يقع في فخ الاستغلال ..
و بخصوص النقطة الأخيرة انا فعلا الاقي هالخدمات عن طريق مكتب من ناحية الاستقبال و توفير سكن و غيرها ..
و الله يوفق الجميع ..
متصفحة June 24th, 2011, 03:31 PM
7 " الله يعطيك العافية
وماهي غريبه عليك يابن الجربا
الله يطول بعمرك
وان شاءالله مانقابل هذه الفئات الظاله
sultan alhazmi June 24th, 2011, 03:50 PM
7 " اخوي رابح يعطيك العافية وجيت في وقتك
انا حاليا ناوي اكمل ماجستير في الصين وباللغه الصينية لكن ماعرفت ايش المطلوب اتمنى منك انك تساعدني (:
راح احط لك ايميلي اتمنى اننا نتواصل للضرورة لاني اريد شخص يعطيني المعلومات الكاملة قبل اتسرع في قراري
مع تمناتي لك بالتوفيق والنجاح
***
شارينجان June 24th, 2011, 04:02 PM
7 " بيض الله وجهك يالغالي واكثر الله من امثالك
اخوي ودي أسألك ,, انا خريج كلية التقنيه تخصص ميكانيكا انتاج
ودي اكمل هندسة ميكانيكيه ,, وابي جامعه تعادل شهادة الكليه وتدرس باللغه الانجليزيه ,, وماهو لازم انضم للبعثه بلا منتهم اضغط على نفسي وادرس على حسابي ماهي مشكله
بس اهم شي معترف بها ,, لان الماستر ان شاء الله بكملها بالمانيا ,, ولك جزيل الشكر
رماد احساس June 24th, 2011, 04:22 PM
7 " اخوي رابح يعطيك العافية كلامك صحيح وعين العقل .....
وانت مثل ما تفضلت الطالح خرب على الصالح ...
ولكن هناك من يطلب القبول ويلح بطلب القبول ويصر بانه لا تهمه الدراهم وحين اصدار القبول فانه لا يدفع اي ريال وياتي على قبول آخر يكون قد دفع عليه فلوس لشخص آخر
او انه عند استلام القبول فانه يبدأ في عدم الرد على الشخص اللذي اصدر القبول له ويحاول القدوم الى الصين بالقبول الصادر ويتوقع انه يستطيع انجاز كل امورة بنفسه لانه في
تفكيره بانه رجل .... ولكنه لا يعلم بان المرجلة لا تنفع مع الشعب الصيني ...
اخي انا احد الطلاب اللذين كنت اجلب قبولات للطلاب وكنت آخذ 500 دولار على الطالب ولكن الان فاني لا أجد الرغبة في اصدار القبول لاي طالب وذلك لبعض الطلاب في الاونه
الاخيرة جلبت لهم قبولات ولكن رايت اني اتعامل مع اشباه رجال وليس رجال انا الحمد لله سمعتي تشهد لي سواء في المنتدى او في غير هذا المنتدى ولله الحمد ولكن مثل ما تفضلت
انت ان الطالح خرب على الصالح ....
اتمنى التوفيق لك وللجميع ....
هاوي ابتعاث June 24th, 2011, 08:43 PM
7 "
June 24th, 2011, 02:18 PM
مبتعث على حسابي الخاص في مدينة ووهـان
ويا هــــــــــــــــــــــــــــــــ لا بالجميع