استفسار استفسار بخصوص السكن

عليكم السلام ورحمه الله وبركاتة

اي مدينة انت .؟

جامعه جيلين
مقاطعه جيلين
مدينة changchun

جزاك الله الف خير يا رب

انت معاي بنفس الجامعه هلا والله

ياخوي انا راح يوصلني القبول 5 رمضان لانه دراستي تبدا بعد العيد

المهم يا طويل العمر يمديك تسكن بسكن الطلاب عادي لانك طالب من طلاب الجامعه

وش تخصصك

انا طب بشري الله يعين بس

ويوفقنا اننا ننضم للبعثه

هذا ايميلي
almrwane07 على الهوتميل

امين ان شاء الله وياك

طيب بقولك طريقة اذا تحب تجلس رمضان وتعيد مع اهلك

وهو انك تراسل الجامعه وتقولهم ان عندنا مناسبه العيد واكيد يعرفون الشيء هذا وبالعادة صراحه جامعتنا معطيتنا الى يوم 5-9 وموضحين لنا ان عندنا عيد الفطر لازم نكون موجودين مع ان الدراسه تبدأ يوم 1-9
وراسل الجامعه وقولهم انا بحول مبلغ ..... مثلاً 2000 يوان او 1000 يوان على حساب الجامعه عشان ماجيكم الا على بداية الدراسة او يوم 5-9 تكون محضر عندهم
وشوف وش يردون عليك

هم يسوون الطريقة هذي التسيجل عشان يعرفون عدد الطلاب وتقسيم القاعات ...الخ وبما انك راح ترسلهم فلوس على حساب الجامعه

او بمعنى ممكن يقولون لك خلاص مايحتاج تجي حنا مصدقين انك تبي تدرس عندنا بس لا تتاخر عن يوم 5-9
وثانياً مدام معك قبول مايحتاج تروح الا لين تبدأ الدراسة

----- ان شاء الله فهمت البربرة اللي فوق

الحين نجي لنقطه مثلا لو انك مستعجل على الصين وتبي تروح
تروح لمكتب الجامعه اول شيء وبكتب لك العناوين تعطيها التاكسي اللي تركب معه عشان ماتتوهق لان نادر تلقى احد يتكلم انجليزي
هذا العنوان اذا ركبت تاكسي من المطار الى الجامعه
我想去吉林大学
تعني : اريد الذهاب الى جامعة جيلين

اذا تحب تروح فندق قريب من الجامعه تحط فيه اغراضك لين تخلص من امور الجامعه والسكن
اعطيهم هذا العنوان
我想去在吉林大学附近的旅馆
تعني : اريد ان اذهب الى احد الفنادق القريبة من جامعة جيلين

----
طبعاً تحط اغراضك في الفندق وتروح للجامعه عاد مايحتاج اقولك وش تقولهم لانهم بيتكلمون معك انجليزي
توصل تعطيهم قبولك
وفيه اشياء يجب الانتباه لها انك بتروح بفيزا طالب مدتها بالكثير شهر
يعني قبول ماتدفع الفلوس للجامعه تقولهم ابي تأشيرة طالب او اقامه طالب
وعلى حد علمي ان على قد ماتدفع لهم يعطونك الاقامه يعني تعطيهم حق فصل دراسي واحد يعطونك فيزا حقت فصل دراسي واحد وهكذا

نجي عند السكن يجب مراعاه ان اغلب الجامعات هذا اذ مو كلها ان السكن يغلق الساعه 11 الليل اذا ماكان 10
واحنا عاد متعودين ننام بالنهار ونصحى بالليل ندور الاكل والا مطعم لذلك فكر قبل ماتسكن بسكن الجامعه وتدفع لهم مبلغ السكن

طبعا ترى تقدر تتفاهم مع مكتب الجامعه انك تسكن شهر واحد فقط .. وانك راح تدور على سكن قريب من الجامعه واذا لقيت راح تطلع من سكن الجامعه
ومادري هل تسكن عندهم الفترة هذي اول مع علمي ان السكن فاتح على طول لان فيه طلاب اجانب عندهم اترام صيفيه ويجلسون في سكنهم

لكن شوف انت اذا مره مره ماتيسرت معك عادي كلم مكتب القبول يشوفون لك عادي ترى يخدمونك كثييييير وممكن يروحون معك يدورون لك سكن

ترى الصين طيبين وهذا الغالب فيهم

واذا تتكلم انجليزي يعني جيد في الانجليزي
راح تلقى ناس تتكلم معها ويقولون لك

وصراحه انا اعتب على طلاب مدينة جيلين اذا احد شاف الموضوع ومادخل قدم مساعدته لك لانهم اعرف مني بالمدينة

طبعا بكتب لك بعض الجمل عشان الاكل والاشياء هذي
الجملة : 我想去穆斯林饭店
المعنى : اريد ان اذهب الى مطعم للمسلمين او مطعم اسلامي

الجملة : 我想去麦当劳
المعنى : اريد ان اذهب الى ماكدونالدز

الجملة : 我想去肯德基
المعنى : اريد ان اذهب الى كنتاكي

طبعا اذا رحت كنتاكي او ماكدونالدز بتشوف الصور وتقرأ وش مكتوب
اهم شيء ابتعد عن اي شيء فيه pork او pig او 猪肉 هذي تعني لحم الخنزير

طبعا اذا رحت المطاعم الاسلاميه وتبي تطلب طبقي المفضل ههههههههههههههه
الجملة : 米饭鸡蛋一起，上面羊肉
المعنى : رز مع البيض , وفوقه لحم غنم
وبالعافيه ان شاء الله

عزيزي نعم بامكانك السكن داخل الجامعة

طبعا هذا موضح في استمارة اللي تعبية في القبول في الجامعة

الله يعطيكم العافيه جميع يا رب ولا يحرمكم الاجر

و ان شا الله الكل يتحقق طموحه

شاكر لكم الف شكر