إستفسار عن الدراسه بالصين

جميع التخصصات موجوده
كل مدينه لها صرفها اغلى المدن هونك كونك ثم شنغهاي و اضن بكين اسعار الشقق من 1500 ريال الى 3 الاف ريال بمكانك تسكن في سكن الجامعه بغرفه لك اما معك شخص او لحالك بالغرفه واتوقع السعر لحالك حوالي 5 الاف او 6 الاف ريال ومعك شخص ثاني نصف القيمه
التكلفه حسب رسوم الجامعه عندك من 4 الاف الى 100 الف ريال رسوم بعضها تاخذ 4 الاف وبعضها 5 الاف هذا وبعضها 6 وبعضها 8 الاف ريال وفيه اكثر
حسب الجامعه اما بالنسبه للمعيشه انت وصرفك ممكن تصرف الفين ريال بالشهر وممكن تصرف 10 الاف شوف صرفك عند اهلك وقارن لان بالنسبه للاكل اسعاره قريبه من السعوديه
ممكن تاكل ب 5 ريال غدا وممكن تاكل ب 100 ريال انت وكيفيه تصرفك بالفلوس
بعضهم يصرف 20 الف ريال مع رسوم الجامعه وسكن بالجامعه يكفيه 6 شهور وبعضهم يصرف 100 الف ولا تكفيه يعني كل شخص يعرف صرفه
بالنسبه للالتحاق اذكر حسب نسبتك يعني من 90 وفوق على طول يرفعون لك بالبعثه من تجي من 85 وفوق بعد شهر من 80 وفوق شهرين والباقي اخر الفصل الدراسي
الدراسه باللغة الصينيه ماعدا الطب والدراسات العليا ماجستير ودكتوراه مخيرين اما بالانجليزي او صيني
بخصوص النقل ممكن لك تنقل الى اليابان وكوريا الجنوبيه فقط باقي الدول ماتوقع الا اذا جبت لهم عذر بالرغم يقولون ممنوع النقل

اخوي كاسر النت الله يعطيك الف عافيه وماقصرت

بس بالنسبه للتخصصات << للحين مافهمت

الي اعرفه ان العلمي لهم تخصصاتهم والادبي لهم تخصصاتهم

والي اقصدهـ انه تعطيني التخصصات بالاسم مع امكانية التوظيف بالسعوديه

مثلا لو بدرس قانون << ممكن القى وظايف هنا بالسعوديه او لا ؟

واسف ع الاطاله والأسئله الكثيرهـ بتعبك معاي شوي ..

بس بيني وبينك للحين متخوف من الدراسه هناك وانه مالها مستقبل ومن هالكلام