مبتعث جديد New Member
الصين
حلمي ابتعث مره وحده , ذكر. مبتعث جديد New Member. من السعودية
, مبتعث فى الصين
, تخصصى محاسبه
, بجامعة ماتحدد
- ماتحدد, ماتحدد
- السعودية
- Jun 2011
المزيدl August 26th, 2011, 06:42 AM
August 26th, 2011, 06:42 AM
السلام عليكم
كل عام وانتم بالف خير
ياشباب عندي كم استفسار ابيكم تساعدوني ولاتبخلون علي باراكم
1انا عسكري وابي افصل اكمل دراسه معي دبلوم محاسبه معدل فوق4 ولقيت الصين الافضل لانهم يرفعون لي بالبعثه من اول مااجي ايش رايكم افصل واروح او العسكريه
2 العقده الوحيده فاللغه الصينيه فهل ممكن اني اتقنها بصراحه متعقد منها ولاكن الدافع الطلاب الموجودين هناك فهل ممكن اتعلمها بسهوله
3ايش رايكم اكمل محاسبه او ادراة اعمال او تمريض
4 هل اجد جامعه تعادل لي فالدبلوم او اعيد من جديد
5 من المعروف بان الصين دوله غير اسلاميه فهل يوجد مساجد وكيف ممكن نؤدي الصلاه وصلاة الجمعه
6الصين كيف وضع الدراسه فيهلا هل اجوائها مشجعه للبقاء فيها او ممله
اتمنى من الطلاب ان لابخلو علينا باراهم
وعليكم السلام
هلا والله اخوي
اول شيء يوجد مساجد والحمدلله نصلي صلاة الجمعة لانه يوجد صينين مسلمين
ثاني شيء م يوجد جامعات تعادل لك الدبلوم
ثالث شيء صحيح اللغة صعبة لكن من بغى الصلاة مافاته تقدر تتعلم اللغة وذلك أنك تحب اللغة مهب كم شهر وتقول ملينا طفشت يبيلها مسألة وقت ومذاكره اول باول
رابع شيء بالنسبة للاجواء اغلبية وقتك ببيتك طبعا بداية الأمر تكون بسكن الجامعة بعدها اذا الله يسرلك امورك تقدر تستاجر برا شقة
تبي تسمع نصيحتي انت في الصين والصين جميع تخصصات الهندسة موجودة
أبعد عن أدراة الأعمال التمريض حلووو
خامس شيء عصفور باليد ولا عشرة فوق الشجرة = أحسبها زين قبل ماتفصل من العسكرية
مبتعث الصين August 26th, 2011, 08:33 AM
7 " حياك اخووووي
اللغة تتعلمها منوين
الجامعة الشارع وأختلاطك مع الناس وأيضا تجيب لكد مدرس يدرسك بالبيت وهذا توفره لك الجامعة مقابل مبلغ مادي تتفق عليه انت والمدرس
والمذاكرة الجيدة يعني كل درس أول باول
ولاتقول طفشت أومليت كل يوم خل في نفسك انك تبي تتعلم كم كلمة جديدة
وبالسنبة للوقت اذا انت رجال جاد مجتهد وراعي مذاكرة باذن الله سنة ال ولغة بجيبك
اقولك فيه معاي ناس لهم الان 6 شهور يتكلمون والله أزين من اللي له 3 سنوات بالصين
لأجل راعي ال6 شهور يوميا بعد الجامعة ساعتين فقط يراجع دروسه اللي خذاها
واللي له 3 سنوات راعي غياب راعي سهر لعاب
مايذاكر ولا يعرف الكتاب خير شرررر
طيب أخوي بالنسبة لشهادتك تقدر تتصل بالملحقية الثقافية بالصين وتسئلهم
أو عن طريق التعليم العالي بالرياض وهم يفيدونك
واي شيء تحتاجه انا حاضر
مبتعث الصين August 26th, 2011, 08:35 PM
7 " عليكم السلام ورحمه الله وبركاتة
وانت بصحه وسلامة والجميع
ماقصر اخوي مبتعث الصين بالاجوبة الكافيه حول التعليم
لكن بالنسبه لعملك اذا تبي نصيحه
افصخ البدله وتعوذ من ابليس وردوح دور مستقبلك
انا كنت عسكري وتركتها علما بأني كنت في افضل قطاع في العسكرية وبعد كلية يعني مرتاح مره
لكن المشكله مهما تسوي وتعمل تبقى مكانك تعقيد في طلب الدورات تعقيد في العمل على نفس التخصص تعقيد في كل شيء
ماعليك الا تربط عيونك وتشتغل الشغله اللي تأُمر بها
والدراسة ماعتقد فيه احد عاقل بيفرط في فرص مثل كذا
والله يطرح لك الرأي السليم
بالنسبه للمساجد في الصين
اعتقد ان الوحيده مساجد بكين يصلون على نهج اهل النسه والجماعه
اما الباقيه اعتقد انهم شيعه والله اعلم لان العلوم الاسلاميه كانوا يتلقونها من اقرب الدول لهم فالاقرب ابتداء من السعودية ومن ايران الى باكستان الى افغانستان ..الخ وعاد مرت على دول شيعيه
طبعا هذي من اكتشافي لاني رحت 3 مدن جوانزوا وداليان وسوجو
والله صلاتهم تختلف عن صلاتنا
فقررنا مجموعه من الشباب اننا نصلي الجمعه مع بعض افضل
واي مدينه تروح لها تلقى شباب واللي يبي يحافظ على صلاته بيصليها في اي مكان او زمان
بالنسبه للغة مثل ماوضح لك الاخ تقدر تتقنها ولكل مجتهد نصيب
ماهي صعبه وايضا ماهي سهله وكل شيء يجي بالجد والاجتهاد
واعتقد والله اعلم انك بتحقق نجاح في رحلتك التعليمية لعدة اسباب
اهمها انك بتطير العصفور اللي في يدك اللي هو وظيفتك من اجل الافضل واعتقد انك راح تجتهد وتعرف الفرق ان الواحد يجلس يستعد ويستريح والفرصه اللي جات له في اكمال تعليمية والطموح للافضل
والثانيه انك بتطلع وانت جاهز متأهل وهذا يعطيك دافع معنوي انك تجتهد لاجل اسعاد عائلتك فيما بعد بالنجاح الذي تحققه والحياة الكريمة
الثالثه طموحك للافضل
اتمنى لك التوفيق ان شاء الله
الشوقبي August 26th, 2011, 08:59 PM
7 " نعم ياخوي دراسة الطب والتمريض باللغة الأنجليزية
ماعدا تقريبا اول سنة اللي هي تحضيرية (تسمى سنة اللغة ) تتعلم فيها لغة صينية لأجل أنك تتخارج مع الشعب وتتفاهم وياهم
بعد ذالك التخصص يكون بأذن الله باللغة الأنجليزية
وسبب وضع أول سنة تعلم اللغة الصينية وهو منها لأن التعليم العالي يطلب يطلب ذلك وهو أنه تكون الدراسة بنفس بلد الأبتعاث
وثانيا شيء أبشرك تقدر تمدد باللغة إلى سنتين اذا قدرت تجيبها بسنة حلو على حلو وأذا ماقدرت يعطونك سنة ثانية تمديد وذلك من الملحقية
ثالث شيء تقريبا مدينة شنغهاي هي التي يوجد بها أغلبية جامعات الطب وتقدر ترجع لموضوع أسمه
(معاي قبول على 22/9 ............... الخ )
أنا هناك منزل جميع مواقع الجامعات بشنغهاي
وماعليك الصين بتجوز لك صدقني
وأخيرا نتمنى للجميع التوفيق من الله
مبتعث الصين August 27th, 2011, 06:22 AM
7 " الشوبقي
ومبتعث الصين
اله يوفقك ويسدد خطاكم كلامك يشفي الصدور ويرحي البال
انا لمى اخترت التمريض فقط لاجل انه يكون باللغه الانجليزيه وانا طبيعة ماعرف حتى بالانجليزي ولاكن بالمعهد واثق اني بفهمه باقصر وقت مشان كذا اخترت وماابي اطول بدراسه اللغه الوقت مكسب ابي استغله للدراسه والله يجيب الي فيه الخير
سؤال الحين مايمديني الفصل هذا اعمل شي لاني بقدم فصلي وماخلص الا بشهر 12 او 1 متى يمديني الحق الدراسه الترم الثاني او قبله ممكن او لا
حلمي ابتعث مره وحده August 27th, 2011, 07:37 AM
7 " 
LinkBack URL
About LinkBacks
August 26th, 2011, 06:42 AM
السلام عليكمكل عام وانتم بالف خير
ياشباب عندي كم استفسار ابيكم تساعدوني ولاتبخلون علي باراكم
1انا عسكري وابي افصل اكمل دراسه معي دبلوم محاسبه معدل فوق4 ولقيت الصين الافضل لانهم يرفعون لي بالبعثه من اول مااجي ايش رايكم افصل واروح او العسكريه
2 العقده الوحيده فاللغه الصينيه فهل ممكن اني اتقنها بصراحه متعقد منها ولاكن الدافع الطلاب الموجودين هناك فهل ممكن اتعلمها بسهوله
3ايش رايكم اكمل محاسبه او ادراة اعمال او تمريض
4 هل اجد جامعه تعادل لي فالدبلوم او اعيد من جديد
5 من المعروف بان الصين دوله غير اسلاميه فهل يوجد مساجد وكيف ممكن نؤدي الصلاه وصلاة الجمعه
6الصين كيف وضع الدراسه فيهلا هل اجوائها مشجعه للبقاء فيها او ممله
اتمنى من الطلاب ان لابخلو علينا باراهم