مدينه غير موقفه من قبل الملحقيه

هلا والله
دايم تحب تظلمني هههههههههههههههههه
ماعمري أخش موضوع الا واكتب فيه

والله ودي أخدمك بعيوني يابعد قلبي بس مدينتي لا يوجد بها أي نوع من انواع الطب

جميع التخصصات المطلوبة موجودة ماعدا الطب والتمريض

وعلى فكرة ترا الدراسة بتبدأ بعد العيد بأسبوع اذا لك نية حاول تستعجل وتروح

لأنه خلاص أغلبية الشباب بيرجعون انا تقريبا يعتبر اخر واحد بيرجع لأن رحلتي في 12 شوال

والجامعة بتبدأ الداوم في 8 شوال

حنا طالعين شنغهااي

في 21 سبتمر 24 شوال

في جامعة tonjgi و معي ثنين بيدرسون طب بشري بالانجليزي , ونا ماستر ادراة اعمال بالانجليزي , وقد القبولات معنا.

واذا تبي اذا وصلنا ندبرلك قبول ابشر ,, رغم ان روحتنا تعتبر متاخره لكن انشلله تتسهل


وشنغهاي اللي اعرف ان جوها معتدل وفي عز الصين ممكن توصل الحراره 36 يعنني معقوله مو مثلنا


لكن المدينه رائعه وفخمه وسمعت انهم يسمونها باريس الشرق واكثر مدينه ابراج بالعالم يعني المدينه حلوه بشكل عام والمعيشه راقيه وفيها اروربين واجد للذالك غاليه بس يقولون

عيبها : غاليه بالسكن ,,,لكن هل المعيشه غاليه بعد؟ مدري الله يستر<< لاوصلنا علمناك

مميزاتها : طبعا كثير بس يقول واحد من الشباب انه المواصلات سهله جدا المتروات كثيره يعني ماراح تخسر بالمواصلات

ملاحظه: طبعا الديره ماجيتها بس معلومات من هنا وهنا , ومخلينها على الله والله اللي يقضي الحاجات ياخوك

واي خدمه تراني حااااضر من من طبخة القهوه لا سنام القعود

طيب كم مدته السمستر ..؟؟؟؟

والتسسجيل بالجامعاات في اي وقت صح..؟؟

انت وشي مدينتك..؟؟

الله يعطيك العافيه اخوي بعيد الشبوح ماتقصر والله ارسسلي ايميلك برسساله خاصه لاهنت

مبتعث الصين

مدينتة دداليان وزي ماقالك ماعند تخصصات طبيه مرره ولامهوب مقصر

وابشر برسلك الايميل استلم

ولو لاقدر ماقدرت في شنغهاي بكلمك الشباب في ووهان ولامهوب مقصرين لان على كلامهم القبول مفتوح تقريبا اغلب الترم فلاتشيل هم

هلا والله .. وش دخل تشاكيل في السالفة : )
على العموم المدينة عندي مقفلة بالشمع الأحمر يعني لا تقربها : )

عندك شنغهاي مدينة حلوة وفيها كثير من الشباب ما راح يقصرون معك .. وما هي مقفلة من الملحقية
وممكن تجي أنت بفيزا سياحية وتحولها هنا إلى فيزا دراسية بعد انهاء إجراءات القبول .. هذا إذا ما جاك أي قبول .. حتى تلحق الدراسة مع هذه السنة
لأن الأسبوع الجاي تبدأ الدراسة في أغلب الجامعات إن شاء الله

أبعد عن المدن المقفلة ومنها بكين وسوجو تيانجين ووهان وتأكد من الملحقية عن غيرها .. لأن الإلحاق بالبعثة من شروطه ما تكون المدينة مقفلة

بالتوفيق

الله يوفقك يارب ويجزااك خير ... طيب فيه مدينه اسمها شاندونغ اتوقع هل احد يعرف عنها شي ..؟؟؟ وين مكانها وفيها جامعاات ..؟؟؟

shandong
المدينة تقع في الوسط الشرقي الأعلى أسفل بكين وتيانجين
أجواءها تميل للبرودة أكثر فصول السنة


فيها جامعة معترف فيها Shandong University
فيها طلاب سعوديين هالجامعة والمدينة ..
هذه المعلومات إللي عندي عنها

بالتوفيق

الصراحه المدينه الي تناسب مزاجك ما اتوقع راح تلاقيها في الصين مدامك ناوي تجي الصين وتبي تحول لامريكا او كندا وانت توك ما جيت الصين ولا عندك قبول وتسال اساله غريبه عجيبه،

المهم الله يوفقك

تحياتي