هل السعودي غيرمرغوب في الصين

فعلاً بدأت في الفترة الاخيرة تضهر الكثير من التصرفات الغريبة والغير لائقة من بعض الطلبة الله يسامحهم .. وضرتنا كثير في الجامعة ..

ووقفت على مشكلات بنفسي .. ولكن ما زال الطالب السعودية محبوب لدى بعض الجامعات التي تخلو من المشاكل والتي تضهر لهم صورة الطالب السعودية من ضمن المتفوقين ..
واذكر في جامعة في الصين زرتها ووجت انه وضعو صورة متر في متر لطالب سعودي متفوق من ضمن 4 صور اجانب متفوقين ...

اخي الغالي بإختصار الجامعات في الصين تختلف بالتعامل على حسب صورة الطالب السعودي وتصرفاته لديها في الجامعة ..

لا اريد الإطالة واتمنى ان تكون اتضحت لك صورة بسيطة ..

دمت بود

والله وانا اخوك انا ما زرت الصين لكن بحثت عن الجامعات الصينية لاني افكر ادرس ان شاء الله السنة الجاية فيها
بس اغلب المعلومات الي قريت عنها انو الطالب السعودي محبوب من الشعب اكرر سمعت مو متاكد .... وبعدين وانا اخوك بكل بلد في الصالح وفي الطالح
بحكم ان والدتي سورية اذهب الى سوريا كثير ولكن للاسف صورة السعودي والخليجي عند الاغلبية انو هو راعي بنات وشرب وانه كاش يعني يدفع من دون تفكير
وهذه الصورة بعض شبابنا للاسف هم الي عطو هالفكرة عنا بس في ناس محترمين طبعا انت ادخل مثلا ع اليوتيوب تلقى اغلب مقاطع الوساخة منزلها شبابنا يعني مثلا شوفو بنات سوريا ومصر و ...الخ
وهالشي يقهر اي واحد .... اسمع مني هالقصة صارت معي بسوريا الصيف الي راح اكرر صارت معي شخصيا ....
كنت مرة بسوق بالشام (دمشق) يشتهر بالحلويات مع ولد خالتي الكبير المهم ولد خالتي شاف صديقة الي يشتغل بمحل من هالمحلات من زمان ماشافه وجلسوا يتكلمون وانا معهم المهم من سالفه لسالفه قالي خوي ولد خالتي بقولك شي بس لا تزعل قلتله قل عادي قالي السعودي اذا دخل المحل يحسب الناس شحاديين واذا قلناله اي شي تلقاه مستحقرك ويقول ترا اشتريك واشتري اهلك والمحل مو الكل طبعا بس هالاصناف اثرت على البقية ........
شي يقهر يا اخواني بس ياريت كل واحد اذا سافر برا يغير وجه نظرة انو كل العالم عبيد وانا الافضل دائما بس لاني سعودي وفي ناس والله افتخر فيهم تشوف حريمهم مو باين منهم شي وماشيين بكل ثقة انا احترم هالناس الي ما تغير اسلوبها وعندها ثقة بنفسها ...... اوقات الواحد يسافر لدول عربية او اسلامية او دول من العالم الثالث مثلنا يعني تلقاه يستحقر الناس وحتى هالناس الي مستحقرها قد يكونون عرب ومسلمين بس اذا راح اوروبا او امريكا تلقاه يتميلح ويظبط نفسه وكلامه لانه في دول متقدمة هذا تفكير البعض للاسف ...... واسمعوا خالسالفة كنت اعبي بنزين لسيارتي بالثمامه وكان الي يعبي هندي له لحيه المهم جلست اسولف معاه لين يعبي قالي ان امس واحد طاقه قلتله خير قليانو عبي بنزين بسعر ما يذكرني وانا عبيتله بس مو بالسعر الي هو طلبه وانا طلبت منه فلوس الي هو طلب اني اعبيله بسعرة المعم شاف العداد ولقاه ناقص وانا نسيت مب قصدي بعدين جا وضربني ضرب وانتو تعرفون الهندي والاجانب بشكل عام نادر ما يدافعون عن انفسهم ولا سويتله شي وبعدين جاني ثاني يوم واعتذر وعطاني 100 ريال هدية وقالي انا كنت متزاعل مع زوجتي وكانت اخلاقي مب زينه امس قلتله خلاص سامحتك انا استغليت الموقف وقلتله انت قبل ما تجي السعودية وش كنت ما خذ عنها فكرة قال انا كنت احسبها اولاد الصحابة اي والله واقسم بالله قالي هالكلام انا بهالوقت تمنيت الارض تنشق وتبلعني تخيل واحد كان اخذ عنك هالموقف وهو ما خذه الي لانه عاش ببيئه تتبنا هالموقف تخيل اذا رجع كم بغير راي واحد كان ماخذ هالفكرة عنا بس ما اقول غير ليته ما جا السعودية واخذ هالفكرة بدل ما يعززها انكرها والله يهدي شبابنا وشباب المسلمين واولهم انا واسف على الاطاله .....
تقبلوا مروري

معليش على المداخله ياخوان

انا بتكلم عن الاغلبيه وفي ذمتي
القصه التي ذكرت ببداية الموضوع قصه حقيقية وهي لطم المسؤول
ولكن اذا عرف السبب بطل العجب ..!

اذا تم الاهتئزاء بك يجب انت تتصرف بصرامه واقصد ان يتم الاستهئزا بك اوبدينك او بدولتك
في اي مكان او زمان
اذا كنت رجال وتقدح من راسك وتعرف علوم الرجال تاخذ حقك من وقته
اما احد يحتقرك او يقلل من شأنك او شأن دينك أو دولتك فهذا امر غير مقبول عند الرجال المطاليق

وفي كل مكان او زمان الشعب السعودي يتعرض لمضايقات او تنقيص منه وهذا يعتمد على عدة اشياء
اولها بعض البلدان لهم عادات وتقاليد وطرق للمزح غريبة وغير مقبولة لدينا
وثانيها كل البلدان يوجد في الطيب والبلدان وهذي تتفاوت من كل بلد بعض البلدان سمعتها خايسة بسبب اغلب الشعب تعامله زفت والعكس صحيح
ثالثها ممكن تكون في موقف مع احد الاشخاص السيئين في اي بلد ويجب ان ترد الصاع صاعين وقتها

انا ما احرض على المشاكل
لكن على قولة المثل ان وصلت للحلق مايردها الا المشعاب

ولكن بصفه عامه بالنسبه للصين لاتقاس مثل اي دولة فهي لديها عادات وتقاليد وتمييز وهم ليس اشخاص مبرمجين
يعرفون الصح والخطأ ولهم نظرة في الشخص
مثل ماعندنا بالسعودية
مثلا لو صار مشكله مع طالب سعودي , من راح يستعدون لمساعدتهم في حل المشكله .؟
اكيد طالب اخر سعودي معروف لديهم
فهم يعرفون ان الناس تختلف اخلاقهم ولا يتم القياس بالدولة
فالسعودية معروفة بشعبها واخلاق شعبها وليس الصينين من يقيمون اخلاق الشعب السعودي
يكفي ان الملك عبدالله حفظه الله تبرع في زلزال شيسوان بمبلغ مادي 50 مليون دولار وهو الاعلى من قائمة المتبرعين هذا غير المواد الغذائية والادوات الطبيه


--------- تحت الملاحظه
بعض الجامعات يروح لها طالب يبي يسجل ويرفضونه فيه اسباب عديده للرفض امكن ماعجبهم الطالب او تصرف تصرف خاطيء او واضح على انه مشاكس ولعاب او يكون فيه بوادر شرانية او مكتفين الجامعه من الطلاب يعني لها عدة اسباب مو سبب واحد انت حصرت الموضوع الله يهديك في ان الطلاب السعوديين غير مرغوب فيهم

ترددت في كتابة تعليقي على الموضوع خوفا من ان يُفهم كلامي غلط أو اني اتهاجم ..
مع التغاضي على صدق النية في تعليقي ..

و لكن بصراحة مطلقة لما قرأت العنوان .. جاوبت بصوت مسموع بـ " بس في الصين ؟ "
رغم طيبة الشعب السعودي إلا ان فئات فاسدة تسئ سمعة الشعب في البلدان المختلفة ..
و انا اتكلم بمنطق تجارب عديدة .. الكثير من اهلي و اصدقائنا و حبايبنا يدرسون في الخارج ..
سمعت الكثر من السوالف و المواقف مع علاقاتهم " اعني البنات" مع الطلاب ..
تتعامل مع الطلاب كزملاء لهم احترامهم .. لكن للأسف إلا الطالب السعودي من جميع الطلاب من مختلف الجنسيات الي يفهمها غلط .. !
و فكره يوديه يمين يسار .. و ما إن ترد على احد تساؤلاته الا ينغزها بالترقم من صوب ثاني .. !
و وحدة طلبت مساعدة من طالب سعودي .. لا ما صدق على الله إلا يبي يستحوذ عليها كـ صديقة و حبيبة مؤقتة و غيرها من التفكير السيئ .. !
بينما اعرف وحدة معاها سعوديين و احدى الجنسيات الخليجية المعروفة بتواضعهم و بساطتهم .. إلا انهم يطالعونها و كأنها في مستوى اعلى من مستواها ..
بما معنى ،، يحسسونها و كأنها جاية في المكان غلط ، و ان مكانها الحقيقي ان تكون منكوبة على راسها في البيت و لا تفكر في فوق ..
و يكلمونها من طرف خشومهم ..
لكن السعوديين في قمة احترامهم و ذوقهم و اخلاقهم و يقدرون طموحها و هدفها و علمها و جِدها ..

يعني ،، في منكم الكثير من يملك المعدن الأصيل في تربيته .. الي وين ما راح .. يحافظ على القيم الي تربى عليها
و لكن فئة كبيرة منحرفة .. تنتهز فرصة البعد عن الوطن و الاهل و تلعب لعبتها .. !

تعودنا ما ان سافرت بنت للدراسة .. الا و النصايح مصطفة لها عن السعوديين ..
و حتى الشاب لما يسافر .. يكون له نصيب من النصايح بـ " ما عليك من لعوبهم و استهتارهم و هكذا " ..

ليش .. لهدرجة اصبح الطالب السعودي في صورة سيئة ..؟
ليش فئة تخرب على فئة ..؟
الدولة تصرف عليكم .. و تصقل شخصياتكم .. و تبني مستقبلكم ..
و الطالب في المقابل يرد هالفرص الجميلة بالخراب و الدمار و السمعة الهابطة ؟

و غير هذا .. الكثير من فكر العربي تجاه الشعب السعودي بأن جيوبهم مليانة ..
و ينامون و يقعدون على الفلوس .. و ان نظرتهم لغيرهم بإستحقار و استصغار ..
اعتقادا منهم ان ممكن يحركون الغير وفق اهوائهم بقلوسهم و ما تصنعه هالفلوس لهم ان يشكلون كل شئ على حسب التركيبة السعودية .. !
لذا في اي تصرف خارج عن مزاجياتهم .. تصير الهوايل .. !

لا لا يالشعب السعودي .. انتوا اعلى من هالصورة السيئة الي تتصور عنكم ..
و ارقى من التفكير الهابط الي يشغل تفكير الكثير ..
لكن انتوا عارفين ان البرتقالة الخايسة .. تخيس كل البرتقال ..
لذا ياريت لو تنصحون بعضكم .. تحطون يدكم فوق يد بعضكم .. و ترفعون راية بلادكم ..
و ترتقون بمستقبل الوطن الي اعطاكم الكثير .. و ينتظر منكم الأكثر
أقلها .. الصورة الحسنة بحق نفسكم و شعبكم ..
و تقدرون اسم الوطن الي تحملونه .. و الوطن الي بيحتضنكم سواء لدراسة او وظيفة ..
و تراعون العادات و التقاليد لكم و لغيركم .. و تحترمون الضوابط و القوانين الي سايرة عليها البلدة ..


عذرا لو اخطأت .. او صدر مني ما يضايقكم
لكن كل كلمة صدرت من نفس محبة و صادقة النوايا