هام وضروري لكل من تم قبوله لليابان والسنباي مطلـوب

الف مبروك للمقبولين, وان شاء الله ترجعون بالشهادات

اخوي ابشرك اليابان من نايحة الفيزا مرة سهلة, اما عن المعاهد ماأدري صراحة لان القبول يجي من جهة الوزارة (اذا صار مثل السنة اللي راحت)

على كل حال الاخوان اللي جايين لطوكيو ماراح نقصر معاهم, واذا رايحين اووساكا ماراح يقصرون السنبايات اللي هناك ان شاء الله

وبالتوفيق

نصيحة:
احفظ الاحرف قبل الوصول الى اليابان (على الاقل الاحرف فقط)

الف مبروووك القبول وتوصلون اليابان بالسلامه ان شاء الله

ومن ناحية العدد من جد قليييييييل مادري ليه !!!

هل يعني المتقدمين لليابان قليل واللا فيه اجرائات صارت !!!

اضم صوووتي ليزيد سان وبقوووووه بعد
طقطقو بالهيراغانا والكاتاكانا ولا تجلسون فاضين احسن لكم وراح تريحكم كثييييييييييييييييييير لما تجون

الله يبارك فيك يا يزيدسان وياعبدالعزيزسان

وبالنسبه للي قلته يايزيد عن قبول المعهد انا سمعت نفس الكلام بعد

لكن هل قبول الجامعه مهم حاليا ؟؟

اللي اقصده يا اخوان اني ناوي اخلص كل اوراقي من ناحيه فيزا وجامعه عشان

اذا جاء الملتقى مع الطلبه تكون اوراقي جاهزه ولا فيه شيء يعطلني ابد ..وش رايكم ؟

ابشر ياعبدالعزيز

اخوي, الجامعة وقبول الجامعة واي شي يخص الجامعة شيلة من مخك نهائيا (لي هنا 7 شهور والى الآن مافكرت فيه, ولا راح افكر الا بعد سنه ممكن)

خليك في "كيف توصل لليابان بسلام"
وبعدين "كيف تعيش في اليابان بسلام"
وبعدين "كيف تنجح في اللغة"
هذا اللي المفروض تفكر فيه على حسب ماأعتقد

وبالنسبة للفيزا, ماتقدر تطلع فيزا الا بقبول من معهدو علشان كذا لازم تنتظر رد من الوزارة الكريمة

وبالتوفيق

على فكرة اخوي فيصل
انت ماتدري جاي طوكيو او اووساكا؟؟
معليش على اللقافة

الله يعطيك العافيه يا يزيد بس على حد علمي ان كل طالب مبتعث لازم يكون محدد الجامعه

والمعهد ....لكن بما انك قلت لك سبع شهور ولا سجلت في الجامعه طمنتني

دومها على معهد بسيطه ان شاء الله ...والوعد بيكون في الملتقى

وبالنسبه للسؤال يا يزيد والله ماحددو لنا اي شيء حد الان لكن اذا عندك خبر على طريقه فقولي

بس الى حد الان وصلي القبول النهائي لا اكثر .....و انا عندي ثلاث اساله لك او اي احد درس في اليابان

1- الافضل اوساكا ولا طوكيو

2- هل صحيح ان الناس اللي باوساكا تختلف اختلاف جذري عن طوكيو

3- بعد مضي 7 شهور في اليابان (بكل صدق) هل جاء في بالك وتقول (آآه ياليت حطيت كندا ولا بريطانيا كان ازين من اليابان ) ...ولا فعلا وجدت انك مرتاح ومتأقلم مع وضعها وشعبها
ِِ

فارس من التاريخ الف الف مبروك على البعثه واخيرا لقيت واحد نفس حالتي

بصراحه شفتك يا فارس ارتحت نفسيا بتقولي ليــه ؟ لانه وبكل بساطه اعرف اثنين مقبولين على اليابان وبيسحبون عليها وبقوه وبدون تردد بعد بالعربي بغيرون الدوله...اما انت فانا اشوف فيك بادره خير يعني كنك ناوي ومنت ناوي في نفس الوقت واحسك تبي تمسك على اليابان اي زله عشان تقول خلاص ما عاد ابيها بغـير ... وانا والله كنت نفس وضعك متردد.اغير ولا ما اغير وخاصه بعضهم نصحوني (اني اركد ) وفعلا اتبعت النصيحه واليابان فيها الخير والبركه

اخوي فارس وانا والله بعد عندي نفس اسالتك وخاصه عن الشعب الياباني...ما ادري بس عندي توقعات ..انه هالشعب صعب تكون علاقات معاهم يعني مثلا ممكن اليوم شفت واحد وتكلمت معاه كلمتين اليوم الثاني يشوفك وزي ما انت يعني ما يعرفك .. ماعنده اي مشكله ابد. .وانا طبعا كلامي مبني كله على اللي سمعته فما ادري عن صحته ؟؟ وعلى ما قال اخوي فارس هل هو فعلا شعب انطوائي وصعب انك تتاقلم معاهم

يا اليابانيين ( المبتعثين اقصد ) ياليت لا تحرمونا من ارائكم لانه فعلا تهمنا

اعتذر عن التأخر.. من جد اعتذر (ماأدري فين راح التنبيه, وكمان الدراسة شوية صعبة)

نجاوب على الاسئلة:
والله بالنسبة لي انا افضل طوكيو (لانها العاصمة وكل شي يكون موجود قريب منك)
ولكن من ناحية الشعب, اكيد اووساكا اقضل, وبيني وبينك كلهم منغلقين شوية (شوية بس)

2- هل صحيح ان الناس اللي باوساكا تختلف اختلاف جذري عن طوكيو

امممم,, يختلفون ولكن مو اختلاف جذري, انا مارحت اووساكا صراحة, ولكن تعرفت على ناس كثير من اووساكا, اختلاف بسيط

3- بعد مضي 7 شهور في اليابان (بكل صدق) هل جاء في بالك وتقول (آآه ياليت حطيت كندا ولا بريطانيا كان ازين من اليابان ) ...ولا فعلا وجدت انك مرتاح ومتأقلم مع وضعها وشعبها

قلتها من ثاني شهر, ولكن بعد مامشيت في اللغة الحمدلله احس انني بديت احسد نفسي (ماشاء الله تبارك الله)
ولكن كل اللي مامشو في اللغة (الله يعينهم) كل يوم نسمع كلام كذا منهم
على كل حال , اي واحد يبذل جهد (ولو بسيط) راح يمشي ان شاء الله

واي خجمة احنا موجود.. وان شاء الله ماأتأخر^^