وصولي يوم 2 مارس ومحتاجة مساعدتكم يا اهل كوريا

الســــــــــــــــــــــلام عليكم جميعا
انا كماان مثلك ياليت نحصل رد انا طالع على حسابي الخاص وجبت قبول وتبدا دراستي في.february 2011>29
ياليت الشباب الي عندهم خبره يردوا علينا انا في تشان تشون اذا فيه احد يستقبانا يدلنا على السكن يوجهنا بالاجراءات المطلوبه
بانتظاااااركم

وعليكم السلام مبتعث ما يعرفش حاقه

للاسف مافي رد لسى .... بس ان شاء الله يتغير الوضع بكره عالعموم اذا كان عندك شي بدك تعرفه غير اللي انا ماني عارفته اتفضل اسال ؟

انا زرت كوريا قبل كدا .... واعرف تقريبا الوضع ...

اهلين اختي الآء الله يعطيك العافيه على مرورك ..ولانستغني عن معلوماتك
اختي انا في جامعهKangwon National University مدينه تشـــــــــــان تشون مقاطعه كانغووون حبيت اسال عن السكن في هذي
المدينه وعن الاكل الحلال والمطاعم العربيه وعن المساجد يقولو فيه مسجد للامير سلطان رحمه الله ومطاعم عربيه ومكان يرودوونه العرب وين يقع
ووش يبعد عن هالمدينه وفيه شي ثاني عن دائره الهجره واستخراج الاوراق المطلوبه واذا فيه احد بفلوس زي مثلا المعقبين عندنا .. وشكرا

ادري اني طوووولت عليك ولكن تحملينا

الجامعة تعتبر ما شاء الله من اقوى الجامعات وهذا شي حلو ... مدينتك فيها احتفالات جدا كتير وخاصة انها قريبة من العاصمة ففيها نوع من التطور , اهل المنطقة يقولوا انها تكون جميلة في الشتاء واغلب الاماكن السياحية كالتزلج والالعاب وقتها في الشتاء ... طبعا انا رحت الصيف فما ادري هل هي كذا في الحقيقة او لا ... بس اللي متاكده منه انه في مهرجان بالشتاء لصيد الاسماك جدا رائع
طبعا مدينك محاطة بالبحيرات ... فانا قررت ازورها في الصيف ان شاء الله
اما معلوماتك عن المسجد فهي خاطئة ... المسجد يقع في العاصمة سيول , في منطقة اسمها اي تي ون وهي مشهورة بالاماكن العربية واللحم الحلال لان فيها كثير من الباكستانيين والاتراك ...
هذا حسب معلوماتي لاني كنت هناك والله اعلم
انا مبتعثة من الحكومة فللاسف ما عندي اي معلومات عن دائرة الجهرة , لان الملحقية راح توضحلي المطلوب مني بعد ما اوصل

وباين انك حتوصل قبلي ... ولكن اذا ما زلت حابب تعرف كيف بعد انا ما اروح واشوف الحكاية راح اخبرك ..
وهذا موقع اذا حابب اتصفحة لانه كان مفيد لي كتير لمن سافرت المره الاولى
Getting around Korea | Official Korean Tourism Organization


حاجة اخيره اقولك هي اذا كنت حتوصل على مطار ااينتشون الدولي ... خد قطار من المطار الى seoul station

وبعد كذا خذا قطار لمدينتك واسمه Seoul-Chuncheon Expressway

وبرضو .. اتاكد من دي المعلومة .. وبالتوفيق

وانا ايضا وصولي يوم 1 مارس ودراستي في جامعة Yeungnam من لدية معلومات عن الجامعة لايبخل علينا

اهلا اهلا بالطلاب الجدد .....توصلوا بالسلامة ان شاء الله

آآآآآسفة اني تأخرت في الرد بس لي مدة ما ادخل الموقع الا على الرد للرسائل الخاصة ....

عموما اللي ما يعرفني يقرأ عني هههههه وعندي مواضيع بتتكلم عن الحياة الجامعية بصفة عامة

نجي اولا ارد على الاخت الآء يوسف

انت ما كتبتي لي اسم جامعتك عشان اعرف كيف اوصف لك تروحي لأقرب فندق قريب من الجامعة افضل ...او بالاصح تاخذي موتيل ارخص

بس غريبة الدفعة الجديدة الملحقية ما ترسل احد يستقبلك هذا شيء غير عن العادة ....يمكن يوم وصولك راح تكوني لوحدك مو مع مجموعة ....لأنه اذا كنتم اكثر من 3 ممكن يرسلوا لكم احد يستقبلكم

وبعدين انت مبتعثة من الحكومة يعني المفروض يكونوا موفرين لك السكن قبل ما توصلي ويوم ما توصلي تروحي على طول على سكنك كلنا عملنا كذا ايش معنى انت راح يخلوكي تسكني بفندق؟؟؟

وبعدين ماعندك اي بطاقة تثبت انك طالبة لسة في الجامعة اللي انت فيها عشان الفندق بيعطيك تخفيض

راسلي الملحقية او كلميه في التلفون احسن وخلي مرافقك يكلمه وغصب يوفر لك السكن قبل وصولك ويجي احد يستقبلك بالمطار اما من الملحقية او من السفارة

اما بالنسبة لمبتعث ما يعرفش حاجة في طلاب سعوديين هناك كثار ومثل ما وصفت الاء فهي قريبة من سيؤول

لا تخاف انت شاب ممكن تحصل الكثير مع الشباب الموجودين ....وفعلا اذا وصلت مطار انشون تروح على محطة سيؤول بوسط المدينة في قطار سريع اكسبرس من المطار لمحطة سيؤول

وبعدين بمحطة سيؤول تاخذ قطار او باص لمدينتك بس لازم على الاقل تعرف تتكلم انجليزي وبيكون عندك اسماء الاماكن اللي راح تنزل فيها بالكوري بيسهل عليك انك تسأل بالورقة


اما بالنسبة للاخ ايبرا .....اهلا وسهلا فيك في جامعتي

انا الطالبة السعودية الوحيدة في هذه الجامعة ومعاي 3 شباب سعوديين

هذه الجامعة خارج سيؤول بمدينة اسمها ديكو ....وبقرية اسمها كيونسان

لما توصل لمطار انشون في عدة طرق تجي لديكو ...في من المطار الداخلي تاخذ طيارة من هناك لهنا بتوصل باقل من ساعة

او توصل من مطار انشون وتروح لمحطة سيؤول بالقطار الاكسبريس حق المطار ومن محطة سيؤول تاخذ قطار كي تي اكس الى محطة اسمها دون ديكو بتوصل بعد ساعتين من سيؤول لديكو

او بالقطار البطيئ من محطة سيؤول الى محطة اسمها كيونسان او دون ديكو كمان بتوصل بعد 4 ساعات

او بالباص من محطة سيؤول كمان الى دون ديكو

او الافضل من مطار انشون نفسه تاخذ باص المطار لمدينة ديكوا على طول او للقرية على طول اسمها كيونسان بتوصل بعد 5 ساعات

انا شوفته هو الاريح بدال ما تتنقل من محطة لمحطة بالشنط....لأنه اذا اخذت باص مباشر من المطار هناك للمنطقة عندنا بتخلي الشنط بالسيارة من غير ما تحملهم وتتنقل من هنا لهنا

واذا وصلت لمدينة ديكو انا مستعدة استقبلك لأنه عندي سيارة واجيبك الجامعة ....بس على فكرة عندك سكن؟

توصلوا بالسلامة ان شاء الله

السلام عليكم.
شكرا على الرد المفصل
عندي سكن في الجامعة

يا ليت باقي طلاب كوريا يهتمون بالمواضيع وكتابة تجاربهم ليستفيد الباقين

السلام عليكم ورحمة الله وبركاته ...

مشكورة اختي عائشة عالرد ... صراحة انا بطلت ادخل لمن فقدت الامل ... بس بجد شكرا
انا باذن الله اكلمهم هذا الاسبوع .
انا جامعتي sogang university
المشرقة اللي باتواصل معاها تقول انه انا راح اوصل يوم الجمعة في الليل فبيكون يوم اجازة بالاضافة انه اليوم الوطني لكوريا
انا صراحة استغربت لانه اسمع من كل المبتعثين انه في احد يستقبلهم ويحجزلهم الفندق ... وانا لا
وانا سبق لي زيارة كوريا وما عندي اي اشكال في حجز او غيره
انا بس كنت ارغب في الحصول على التخفيض ... والنقل من المطار للفندق

بس الان ان شاء الله راح ارجع اكلمهم واشوف الرد
مشكورة تاني وجزاكي الله خير