طرقت بابكم يا شباب كوريا

20 مشاهده ولا معلومه

استغفرالله واتوب اليه

لا اله الا الله

و عليكم السلام و رحمة الله و بركاته , العفو منك لكن لا خلفية لدي عن موضوعك لكن ما أحببت التنبيه له هو بأن الإلحاق بالبعثة في أي دولة حاليا" ليس من السهولة ما تتصورها فمن الأفضل و الأحوط حمل تكاليف الدراسة و المعيشة للسنة الدراسية الأولى كاملة , و الله الموفق .

يعطييك العافيه


وياليت من الي عنده معلومات يفيدني

للأسف طلاب كوريا مالهم حس في المنتدى

على العموم الطلاب في كوريا و الصين و اليابان قليل جدا

عشان كذا حتلتحق بسرعه يعني تقريبا 3 او 4 شهور

هلا ومرحبا
طبعاً طلاب كوريا مزحومين مع اللغة وغيره
والعدد قليل مقارنة بأمريكا ودول اوروبا تلاقي الموضوع الجديد تصير له ثلاث صفحات باليوم.

عموماً أعزائي.

انا الحين توني ببتدئ اللغة الأثنين على حسابي جاي وان شاءالله الإلحاق مايعدي المستوى الأول
واللي يبغى يجي يكلم مدير الملحقية اول وبعدين يرسل اوراقه للملحقية وهم يجيبو له قبول..

على العموم كوريا واليابان والصين سهل الالحاق فيهم ..

اي سؤال اقدر اجاوب عليه انا حاضر.
وبالتوفيق للجميع ..

ابو منهال ياليت تكتل لنا خطواتك اللي سويتها
من - الى
الله لا يهينك

1- كنت افكر اكمل بكالريوس من الدبلوم حاولت احصل دراسة في البلد وماحصل طيب فكرت في الأبتعاث ولكن الظروف المادية ليست مفتوحة محدودة.

2- بحثت في الدول الين وصلت الى كوريا الجنوبية وكانت الفرحة أكتملت بعد مكالمتي مع مدير الملحقية بعد توضيحه لي أن القبول بالبعثة سهل جداً
خلال المستوى الأول بإذن الله تعالى .

3- أرسلت أوراقي الى الملحقية وجائني القبول في جامعة شونام في كوانجو.

4- توجهت للرياض الى حي السفارات واستخرجت فيزة طالب من السفارة الكورية.

5- حجزت تذكرة على طيران القطرية من دمام-دوحه-سيول .

6- وصلت مطار انشون في سيول وأستقبلني قريب لي وأخذني الى سكنه وجلست وألتقيت بالأصدقاء هناك كانو دارسين معي أسبوع بصراحه ماحسيت فيه بالغربة وتمشيت في سيول. مع الشباب .

7- خلصت أموري في الملحقية وفتحت حساب بالبنك وبعدين حجزت سيدة لي من النت تذكرة الى مدينة كوانجو عبر القطار ودفعت لها المبلغ كاش لأنها دفعت من حسابها.

8- وصلت للمدينة استقبلتني المشرفة الأكاديمية وودتني للسكن الجامعي.قبل يومين صارت لي بعض الأشكالات مع السكن وتدخل مدير الملحقية والحمدلله عطوني السكن اللي ابيه
بعد معاناة جلست في فندق يومين والحمدلله . لأنهم ودوني في السكن القديم وماقبلت فيه لأنه مافيه خصوصية ابداً وسيئ . وبعدين حاولو في السكن الجديد لأنه مزحوم
وعطوني فيه غرفة فيها دورة مياه ومبنى جديد ومحترم . لأن حنا اول اربعه سعوديين في الجامعه راح نبتدي الأثنين ان شاءالله..

الأثنين نبتدي اللغة ان شاءالله وبعدها بأسبوعين نرفع طلب بعثة بعد مايصير معنا كشف حظو وغياب حظور وغياب من معهد الجامعه. وبعدين يجي الرد من وزارة التعليم العالي.