الأعضاء الإشتراك و التسجيل

الملتقيات
ADs

بعض المعلومات عن اليابان.... عندي قريب راح هناك

بعض المعلومات عن اليابان.... عندي قريب راح هناك


NOTICE

تنبيه: هذا الموضوع قديم. تم طرحه قبل 5916 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أمير الدهاء
    أمير الدهاء

    مبتعث جديد New Member

    أمير الدهاء غير معرف

    أمير الدهاء , تخصصى طالب متخرج من كلية الأرصاد وعلوم البيئة , بجامعة جامعة الملك عبد العزيز
    • جامعة الملك عبد العزيز
    • طالب متخرج من كلية الأرصاد وعلوم البيئة
    • غير معرف
    • جده, جده
    • غير معرف
    • Oct 2007
    المزيدl

    January 17th, 2008, 05:02 PM

    الشباب المبتعثين إلى اليابان
    السلام عليكم ورحمة الله وبركاته
    أما بعد..
    عندي لكم موضوعين وبعض الأسئلة أرجو من الأخوة المقيمين في اليابان (يا ريت لو يتكرم أحد ويجاوب)
    أولاً: أنا ليه قريب يدرس في إستراليا وزوجته عقبالكم يابانية كلمته على Skype يوم الثلاثاء الموافق 15/1/2008م الساعة 4:15 عصراً يعني الساعة 10 مساء عندهم..
    الزبدة: أعطاني بعض المعلومات والنصائح إن شاء الله تفيدكم طبعاً مرفقة معها بعض الصور .
    طبعاً تحدثنا عن موضوع المعيشة وكم يكفي وإيش الأفضل (سكن جماعة ، سكن خاص، سكن عائلي)
    بالنسبة للسكن هو قال إنه كل واحد له إيجابيات وسلبيات بالنسبة للسكن الجماعي مشكلة إنك تجلس مع إخوانك السعوديين تبربر عربي وفايدة اللغة اليابانية أو الإنجليزية طبعاً تساوي صفر بس معاهم بتحس بالوناسة وما تخاف وإنت معاهم ..... إلخ إلخ
    بالنسبة للسكن الخاص هو رأيه إنه أحسن شي لأنه في بعض الشباب ما يحب يعاشر أحد أو بمعنى أصح بيضايق منه مثلاً في السكن الجماعة فيه نفرين واحد فيهم جالس يوسخ في الشقة ويحوسة ويقلبها غالبة على عكس إنك لو جلست لحالك تعرف تدير أمورك وما في أحد يضايق منك بس المشكلة تعتمد على الشخص نفسه إن كان جدي أخلاقه تمام ما يسوي حركات نص كم ما يسوي حفلات وقهاوي وبنات وعسكر في المعسكر ......إلخ
    بالنسبة للسكن العائلي هو ما أفتى فيها تمام بس قلي يعتمد على الحظ لو مثلاً طحت وسط عجايز طبعاً ما حيسبوك يقلولك مثلاً(روح يابني السوبر ماركت إشتري كذه) طبعاً شغلانه تتفرغ لهم ولا للدراسة بس بالنسبة للأيجابية بتستفيد كثير في موضوع اللغة.

    بالنسبة للمعيشة هو فاجئني شوية
    قال ليه إنه اليابان تحتاج مثلاً للأيجار 1000 أو 1500 دولار شهرياً طبعاً غير فواتير الكهرباء والتلفون والماء والDSL يعني تقريباً 400 دولار توفرها للفواتير شهرياً. (بالنسبة للسكن الخاص).

    بالنسبة للأكل أنا تفاجئت كثير
    قال إنه التفاحة الواحدة 400 ين يعني ما يقارب 4دولاد استرالي بس إيه تفاح بيبرق معتبر إسمه Voge Apple إللي على اليسار









    لا تعليق

    وقال لو الواحد يتعلم الطبخ أحسن وأوفرله

    بالنسبة للمواصلات هذه ما أعرف إيش أقولكم هذه لازملها ميزانية لحالها
    بس لو تلاقي سكن جنب المعهد يكون أفضل
    وجاتني خبرية من شوية إنه ولحسن الحظ المنطقة إللي فيها المعهد السكن فيها رخيص
    تقريباً 700 دولار

    نيجي للترفيه والإنبساط
    الرجال قال ليه إنه اليابان أبداً ما تحس فيها بالملل متوفر قدامك كل شي سينما مطاعم مسرحيات مسابقات حدائق ما أقولك كيف وصفها شي خارق . بس ما يلهيك عن الدراسة.

    ثانياً: أمس رحت القنصلية يوم الأربعاء الموافق 16/1/2008م طبعاً بس نستفسر عن الموضوع الفيزا إيش الأوراق المطلوبة طبعاً أنا وأبوية كنا جالسين لحالنا وجالسين نتكلم مع واحد سعودي كانه ما صدق شاف واحد يبغى يسافر اليابان المهم...
    أخذ مني جواز السفر والقبول وبعض الأوراق وأخذ كرنية السيد تاكادا أخذها ودخل جوه
    المهم طلع بسرعة وقلنا إسترح شوية وبيجيك القنصل
    في الفترة هذه جالسية نفتح مواضيع وهرج كثير عن اليابان وأهلها
    طبعاً الموظف سعودي وسافر هناك سياحة قال: البلد هناك مرة حلوووووووووة شيء فوق المتصور وأنا يالولدي لو رجع بية الزمن لأخذت الدكتورة حقتي من اليابان
    طبعاً أنا فرحت الكلام هذه
    وبعدين جاك القنصل طبعاً كان ياباني وفرفوش
    المهم .. قال كل أوراقك كاملة ما عدا شي واحد شهادة دخول ما فهمت إيش بالضبط بس قال إنه دق على السيد تاكادا وقال له إني أنتظر فترة إلى أنا يوصل إيميل منه يعطيك الضوء الأخضر في إستخراجك للفيزا بس ...

    في سؤالين يا شباب
    أولاً موضوع السكن أي أحد عنده معلومات عن السكن يبلغنى فيه
    ثانياً تذاكر السفر مجاناً ولا بتخفيض أنا بدأت أشك
  2. شكراً أخوية أبو جبل وأنور على ردكم طبعاً في بعض التفاصيل بحطة قريباً إن شاء الله
    وياريت بالنسبة للسؤالين
    السكن سمعنا إنه الوزارة إستأجرت عمارة للطلاب هذا على حسب كلام الأستاذ وليد
    هل هي لفترة معينة إلى أن نمشي حالنا هناك ولا على طول
    7 "
  3. هاهاهاها

    أحوي, خلي التفاحة على جنب, شوف الاكل,, تصدق انني اتغدى (غداء رخيص نسبيا), بـ 30 ريال

    ولكن لاتتعب نفسك, لان السكن والحساب, والبطاقة, القبول, كلها بتجيك جاهزة مجانا (الله لايحرمنا من ابو متعب ويطول بعمرة ان شاء الله, وان شاء الله يجي اليوم اللي نرد الجميل ونرفع راسه)

    الحكومة الرشيدة ماقصرت, ولكن المكافأة قليلة نسبيا, يعني لو يكملون جميلهم

    المواصلات تقدر تدفع حق القطار بالشهر وتفتك منه, كلها بسيطة, بس المشكلة الكبيرة الكبيرة اللي آخذت كوووول الميزانيه, هي في الملابس

    والله لايبارك في الملابس هنا, تخيل يعني من جد جد, جزمة ب الف ريال, وجكيت بـ 1500 ريال, وقفازات بـ 500 ريال
    هذا بس حق البرد , خلي الاشياء الثانيه مستورة

    طبعا الجامعة تقدم عليها بفلوس, تقريبا 1000 كذا, كل جامعة واحتمال قبول واحتمال رفض

    ولكن كل ماكان الدواء مر, كل ماكان اكثر فائدة, احنا جايين ندرس, مو سياحة^^

    شدو حيلكم شباب
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.