كم كانجي تتعلمون تقريبا في اليوم ؟؟

الله يكون في عونك .....................

الله يعين الجميع للخير .......

بس ويش السالفه كأنك حزنان علينا ..........

خذ لك سيدي تعلميم لغه يابانيه مترجم راح تشكرني كثير اهم شئ الاخلاص بالعمل باااااااي

لحد الان ما انفكت الازمه لسسسسسسسع مصمم اني اسمع الاجوبه حق الاسئله من ناس خبراء .......... مادري اذا الاخوان السنباي مثل عبدالعزيز او UNKNOWN يتفضلوا يجاوبون حق الاسئله .........

او اي واحد يدرس في معهد اوووساكا !!!

ططاطاطاطاطاط ومووووووض جاكم هلا والله شباب بتنور اليابان فيكم ابشروا مالكم الا بالي يجاوب على الاسئله عززززو شكلة نايم ....
اول شئ أنا الان في معهد جاسو أوساكا ما أدري عن الي في طوكيو بقولكم ويش عندنا ((سمعت كل الشباب الجدد الي جاين بيجون عندنا أوساكا ))
بقولكم :مافية كل يو 25 حرف كانجي في البدايه من شهر 4 الى شهر 5 ماتاخذ ولا كانجي وبعدين في الاسبوح الواحد ممكن في حدود 15 بالكثير الى ما تغلق الكتاب الوردي الجزء الاو والثاني ((ممكن تغلق الكتاب الوردي بالكثير شهر 11))في فصوووول عندنا الى الان ماغلقووووه الله يعين
في شهر ممكن 9 يعطوك مواد كيمياء رياضيات فيزياء انقيليزي لغة يابانيه طبعا هذه المواد العلمية مهي بكثيره حصصها غاليا 2 في الاسبوع .......
نرجع الى اللغة اليابانية بعد لما تغلق الكتاب الوردي يدوووكم كتاب حلوووووووووووو من جد والله تحس انك تدرس لغة من جد
الدراسة حلوووو والله ومافيه قلق والامووووور والله تمام ان شاء الله لا تشيلوا هم توكلوا على الله وماعليكم ....
بعض النصائح من باب الاخوه:
والله اذا الشخص ما أخذ الدراسة بجد واجتهاد من الان أقوووولها ما ينفـــــــــــع اللغة حلوووه وصعبة ومحتاجه شخص متفرغ للدراسة
تجووون انتو في شهر 4 انتبهوا ترى الاجوا شوي يتكووون بارده تتحاجوا الى كم جاكيت مو تعبي الشنطه ملابس برد كم جاكيت بس,,,,,
وبعدين نصيحه أخررررى المواد الغذائيه غااااااااااااااااااااااااااااااااااليه جيبوا معاكم كل شئ لا تنسووون جيبولي لبن مراعي خخخخخخخخخخخ
بالتوووفيق والله للجميع وأي سؤال تفضلواااااااا
فاضين التخرج من المعهد بعد أسبوعين

والله انك كذا شفيت نص اللي في راسي من الحماااااااااااس والتساؤلات صراحه تسلم عزيزي على المعلوماااااااااات المفيده ................

طيب حلو وممتاز حنا جايين شهر 4 يعني تقول انه عندنا مده شهر الليييين نتعلم الكانا ............... والله على كذا المعهد عندكم سهااااااااااااااله ...... وكل اسبوع 15 كانجي جدا ممتاز صراحه ومناسب حق الدراسه (على اني احس انها قليل يعني اتوقع بعد 12 شهر يصير عددها 720 هممم غريبه ويش السالفه سمعت انها حوالي 2000 كانجي)

طيب الحين انت قلت في كتاب وردي جزئين !! ولازم نخلصه بالكثير شهر 11 !!! مافي كتاب غيره قبل شهر 11...... انا لما درست انجليزي كان عندنا كتاب استماع وكتاب قراءه وكتاب قواعد وكتاب محادثه و زي كذا ...... غريبه انتوا ماعندكم حاجه زي كذا ؟؟؟؟

بالنسبه لمعلومات البرد عندي خبر انها توصل عنده صفر درجه مئويه بس مادري هل تصير اقل من كذا ....... لان اقل من كذا ونحتاج جاوينتيات وداخلي بجامه وعفسه ... ويمكن صوف بعد !!!

والله اخوي انتم دايما تلخبطونا ....... تقول لي الكتاب الوردي لازم يخلص شهر 11 على الكثير بس تقول في فصول ماخلصوه الى الحين وحنا اللحين في شهر3 !!! معقووووووووووله 4 شهور تأخير والله كثير!!!

مبرووووووووووك التخرج بس اخوي كم ترم درستوا انتم ؟ انا علمي انه الدراسه 3 اترام ؟ ولللا؟

على فكره حنا جاييين على معهد جاسو JASSO مادري هو نفس معهدكم وللا معهد ثاني؟

بس شكلك من جد قلبت ياباني ........ شوف العربي حقك مافي اي مسافه بين السطوووور كله مع بعض وفوق بعض ×.×

خخخخ ياباني خلاص ............
أول شئ أخوووووي الدراسة حلوه وماهي بصعية خذ العلم طبعا اذا شديت حيلك
وبعدين أول ماتجي يدوك كتاب محادثات وكتابين وردي وكتاب ترجمة الكلمات من الياباني الى الانقيلزي ((الشباب الي الانقيلزي حقهم ماهو بقوي لا تشيلوا هم في نسخ بالعربي مترجمة ))
طبعا اذا فصلك كان سريع بتمشي في الدروووس بسرعه وتخلص الكتابين وبتخش الكتاب الحلووو
أما اذا كان الفصل بططططططططططططططئ ياليل مطووولك تقعد في الكتاب ......
برررررد والله مو بذيك الدرجه جيب معاك بس كم جكيت و2 حبه بلوزه حق برررررد
بالنسبه لدراسة اللغة في شباب سنة ((الي انقبلوا في الجامعات)) وباقي الشباب 2سنيتن للي يبغي يدرس سنه ثانية...........
طبعا ووووموووض في حالة الى الان مع السفاره مع الملحق مع المعهد مع الجامعة مشاكل في مشاكل بالنسبة للقبول في الجامعة ..................الله يسرررررررررر
سؤال ثاني حاضرررررررر والله..................

والله اخوي مادري كيف اشكرك على المجهود صراحه ماقصرت كفييييف ووفييييت !!!

طيب على كيف مين اختار الفصل السررررريع او الفصل البطييييييييييييييء ....... لاني صراحه مررره متحمس وجاد في الدراسه ووابي فصل سرررررررررريع ........... عشان اخش في الكتاب الحلووووووووو سريع سريع !!........... على فكره هل يوزعون عليكم اشرطه صوتيه ؟ ... ولا لأ ؟ من جد مشكله لاني لاحظت انه طريقه نطقهم شوي صعبه والواحد لازم يتعود يسمع محادثات مع جمل يابانيه مكتوبه عشان يتعود على النطق خاصه في بدايه المشوار.

بالنسبه لي انا الحمدلله مخلص الهيراغانا والكاتاكانا مررررررره صم على الاخير ...... والحمدلله حافظ الحين تقريبا 400 كلمه ...... صراحه انا لي سنتين اذاكر ياباني من هنا ومن هنا ..مواقع وكذا..تنزيل برامج تعليم خفيفه..... يعني اطقق على قولتهم في الاسبوع حق 1 الى 3 ساعات ......... بس في الفتره الاخير قمت اذاكر ياباني كثير واطالع انيم واحاول اني القط الكلمات اللي يقولونها واعرف كيف استخدام الجمل اللي حفظتها .......... ويعني تعلمت لك الاساسيات في القواعد وجمل كثيره الاستخدام ..........بالنسبه للقواعد بس مررره شوي يعني زي هذه سياره, انا ذهبت لى طوكيو, ....... اعقد شي تعلمته هو: انا ذهبت لأاكل طعام صيني في مطعم التنور...... جمل اكبر من كذا صررررررررراحه اضييييييييع على الاخير ... واصلا اقعد افحط الييين اكمل جمله زي اللي راحت ........

عاد الفعل في اللغه اليابانيه انواع واشكال صراحه راسي انهبل لما طالعتها !!!!!
عندك: nai- -ka -ta -masu وصراح جيت اتعلمها راسي تصرقع ........... ويش اللي arimasu تتحول لي atta لما يصيرر ماضي ...........(لا يوجد اي وجه شبه خخخخخخ) المهم اني وقفت هنا وقلت خلها على المعهد مايقصرررروووون يفهمونا كل شي ...........

اممممممما البررررد الحمدلله ماقصرت يعني بردهم برد السعوديه اذا مرررره زفت يصير زي برد الرياض !! (والله السنه ترى السعوديه مررره برد وصلت درجات الحراره تحت الصفر :|)

طيب ويش رايك تراني ماني راعي بدل ......... يعني طووول عمري ماشي بثوب ........ مادري تنصحني اشتري بدل من هنا او من هنيك ؟ طيب اليابانيين جنز وللا شغل رسمي ؟ ولا بكيفك ...... انا صراحه ماودي يطلع شكلي غلط لانه هو غلط اصلا !!!! خخخخخ

بالنسبه للمحادثه كيف تجد المعهد ؟ يعني هل تتعلمون محادثه بشكل جيد؟ ولا تتوقع انه الواحد لازم يتصاحب مع يابانييين عشان يتعلم يتكلم زييهم ؟ بالنسبه لي بكمل ماجستير فأبغى اطلع بلبل ياباني في اسرع وقت ..... ابي ادق صحبه معاهم على الاخير !!!! مادري بالنسبه لكم كيف تعرفتوا على يابانيين\يابانييات ولللا السعودييين مكروهين في جميع انحاء العالم .......

على العموم انتم راح تدرسون بالياباني يعني اتوقع سنتين زياده وخلاص من جد تصيرووون يابانيين ويمكن تنسون العربي بعد !!!


الله يوفقكم صراحه عجبتوني انكم دوافير ........ انا احب الدوافير اللي ماخذين الدنيا فله ....بس وقت الدراسه جد وشغل .........

طيب سؤال اخير لاهنت ....... الحين انتم على وشك التخرج ممكت تقولنا كم تقريبا كانجي حافظيين او تعلمتوا ؟