دقيت على جامعة صينية وما رضت تجاوبني .. قلت ما فلا المنتدى الطيب يضبطني

انت قدم في الابلكيشن على الماجستير وفيه خانة تبع اللغة تختار انك تحتاج سنة لغة.. وبيرسلوا لك قبولين واحد لغة والثاني ماجستير وفيه معهم jw202 هذي ورقة صفرا يكون فيها مكتوب انك طالب لغة من تاريخ الى تاريخ وماجستير من تاريخ الى تاريخ... وتروح لها على السفارة تقدم على الفيزا وصلى الله وسلم.

لو موظفينك في الجامعة احسن،

عندي سوال مهم جدا: كيف ارسل لهم اوراق التوصية اللي هي Recommendation letters لاني بدرس ماجستير (الجامعة الصينية طالبة هالشي)؟

عادة الجامعات الصينية تقبلك بدون توصيات.. بس انت أرفق توصياتك اذا بتقدم اونلاين او ارسلها سكانر اذا بتراسل مكتب القبولات

تسلم يا د. محمد،

المشكلة ان المسؤوله في الجامعة الصينية ساحبه علي، رسلت لها 3 ايميلات ولا ردت .. ويوم دقيت عليها .. قالت لا تدق وتسال ... انا اول مرة ادق على جامعة والموظفة او الموظف يقول لا تدق وتسال

قالت راسلني على الايميل .. راسلتها ولحد الحين ما ردت ... ما فلا اصبر

سالت الصيني اللي معاي في كلاس لاني ادرس في امريكا ... يقول الصينيين لغتهم الانجليزية سيئة فعشان كذا ما تبغى تتفشل او شي كذا

واول مرة دقيت على الجامعة .. قال الموظف نيهاو ... قلت له نيهاو .. Can you speak English
ما اشوف الا سكر في وجهي .. اش طيبعية الصنيين؟ وهل هم اجتماعيين؟ كم احتاج على ما اتقلم معاهم؟

الصينيين اجتماعيين اكثر من الأمريكان ويحبوا الأجانب ويفرحوا اذا شافوك ويتصوروا معك لين تحس انك شخص مشهور هههه..
بس صاحبك كلامه صحيح، الصينيين لغتهم الانجليزية سيئة ويحسبوا ان كل الأجانب لغتهم انجليزية و راح يتفشلوا هههه...

صراحة اذا ملكت اللغة الصينية راح تملك كل شي بالصين وتعرف طيبة الشعب الصيني.

اصبر عليهم.. الاسبوع الي راح كان عندهم عيد اسمه moon cake وكان عندهم اجازة..

الصبر الصبر.

بس علمني بالضبط من الي تواصلت معاه؟ مشرف ولا مسؤول القبول ولا من بالضبط؟
الأفضل أنك تراسل مكتب القبولات بيردوا عليك.. والأفضل والأفضل انك تقدم اونلاين بدون ما تتواصل مع اي شخص (كل جامعة لها سستم ورابط للتقديم) وبيجيك القبول بسرعة بإذن الله ومشيئته.

سبحان الله، اليوم كلمت الصيني اللي معاي .. قالي نفس كلامك بالضبط يا د. محمد .. والله حمستني الصراحة

اللي تواصلت معها اسمها Ms. Claire Liu
هذا هو الرابط اللي جبت ايميلها وتليفونها: Admission Enquire

من نفس قسم قبول الاجانب

تدري اش مشكلتي الحين .. محتاج مدرس واحد بس عشان يعطي ورقة توصية او recommendation letter
راسلت مدرسيني بعضهم رفض يعطي ورقة توصية وبعضهم سحب علي .. فان شاء الله بس يضبط معاي مدرس واحد بقدم على جامعات الامريكية وهذي الجامعة الصينية مع اني افضل هذي الجامعة الصينية .. بس ابغى اضمن يجني قبول منها والملحقية تتساهل واحول بعثتي لصين

سوال: هل Guangzhou او قوانجو مدينة مناسبة كبزنس .. عشان في المستقبل استورد بضايع منها وابيعها في السعودية؟ سمعت ان اسعار محلاتهم غالية ... هل هذا كلام صحيح؟ فيه تناقض من ناحية اني اقدر اشتري بضاعة من قوانجو وابيعها في السعودية ونفس الوقت اسعار المحلات غالية .. اش السالفة؟

^^^

وسع صدرك وخلك شمالي سعودي!
إذا ودك تدرس بالأقليم الجنوبي الصيني!!

____
عموما التواصل الكتابي الإلكتروني أفضل لك وأثبت من التواصل الهاتفي أو الشفوي!

المهم خلك ذيب وأفطنها!
لا تعودها وتدق أو تسألها!! هههههههه

^^^
بصراحة ياخوي وش لك بنيهاو!
وتضييع وقتك بلغة المياو مياو!! هههههه

.......
إنت رجال جاهز ولغتك الإنجليزية تمام التمام!
أختصر وقتك وجهدك ومالك وكمل بالإنجليزي!!
صحيح إن الفرق المادي كبير بين الشرق والغرب!
لكن مستقبل الضم للبعثات أصبح غامض وغير واضح!!
أحرص إنك تبدأ بالماستر بالإنجليزي بأسرع وقت ممكن قبل إن تتبخر لغتك الإنجليزية الحالية وتتلاشى إذا عشت بالشرق الأوسط أو الأدنى!!!
.......
موضوع التمكن من اللغة الصينية أو البزنس و الإستيراد من الصين خليه بعد الماستر باللغة الإنجليزية ولاحق عليه مستقبلا إن شاء الله إذا لزم الأمر.

____

هذه وجهة نظري الشخصية القابله للخطأ والصواب وأنت أبخص بظروفك الحاليه والمستقبليه مع تمنياتي لك بحسن الإختيار و بالتوفيق علما وعملا....