حالات فقر في طلاب بعثة اليابان ..

الله يعينكم ..
في أخبار الأسبوع الماضي ذكروا أن التضخم وموجة الغلاء زادت بنسبة 1.2%..وهذا رقم مو هين

إن شاء الله تستجيب الوزارة لمطالبكم
خصوصاً أن الأموال موجودة الحمد لله..يعني مو ناقصنا شي
بالتوفيق^_^

الله يكون بعونكم وانا اخوك

من كلامك حسيت بظروفكم الصعبه



لا تسكت طيب ، قم بمراسلة واتصال السفارة أو الوزارة ، او حتى لمسؤول كبير هنا بالمملكة ، لأنه مافي احد يرضى هالشيء ، والا انشروا معاناتكم في وسائل الاعلام السعودية .... اهم شيء لا تسكت وتقول بس تعالوا ياللي باليابان تلكموا في هالموضوع ن مافي احد بيشوف الموضوع هذا هنا ويفيدك بالقدر الكافي ، ز لو انك طرحته في المكان المناسب لتجد الحل المناسب لك ، ولا تقوم بذلك وحدك بل دع من تضرر مثلك أن يشاركك....


الحكومة جزاها الله خير ان شاء الله ما تقصر ، بس يبيلكم تذكروهم وتنبهوهم زين ...


دعواتي لكم بالتوفيق والتيسير .... يااااااااااااااااااارب

الله يعينكم اخوي واتمنا ان الوزراه تشوف لكم حلا لان بصراحه
اليابان من اغلى بلادن العالم والله يعينكم وان شاء الله الوزراه ينظرون في وضعكم واهم شي اكتبوا خطاب وخلو يوقعون عليه مجموعه كبيره من الطلاب وارفعوه برقيه الى الملك وان شاء الله ابو متعب مايقصر واتمنا لكم التوفيق
تحياتي

الحمدلله على كل حال، بس والله شي يقرف.

وربي اليوم ما معاية غير 55 ين هي اللي باقية.

بس الشباب جزاهم الله خير ما قصروا، ولو إنهم كلهم مطفرين أصلاً.

طبعاً غير الفواتير والتذاكر والاختبارات.. إلخ.

الأكل لوحده نص المكافأة بالنسبة للناس اللي ما تاكل شي، واليابانيين أصلاً وجباتهم كلها S Size يعني علشان تشبع تاكل دبل ولا ثلاثة.

الله يعين!

شكرا لكم على مشاركتكم وفعلا الوضع لم يعد يطاق
أتمنى من الله سبحانه أن يعيننا في تصريف أمورنا وأن يصلح أمرنا كله

الله يعينكم والله ندعي لكم
صراحه الواحد يفكركم يامبتعثي اليابان كل واحد منكم راكب كامري ولا لاندكروزر اخر موديل باقي مانزل في السعوديه وذا هو حالكم
الله يعينكم

اقول ...
اليوم دخلنا الشهر الجديد وما نزلت المكافآت للحين !!وش السالفه

ياحليلك والله يالي تقول متخيلنا معنا كامري ولا لاندكروزر اخر موديل
بعضنا مب لاقي يشتري سيكل وانا الحمدلله شاري ارخص سيكل بالسوق
والشه الماضي بعد المكافأة الى يومك مانزلت .. وحنا في بداية سنة دراسية
ومتطلبات الجامعات ومدارس اللغة لها مصاريفها
فيه ناس اعرفهم شخصيا مايقدرون ياكلون باليوم غير وجبة واحدة والله يعينهم اخر الشهر
لكن صدق المثل من طلع من داره قل مقداره


غير التأمين الشامل الي سمعنا عنه ولاشفنا شي
وغير الزيادة 15 بالمية ولاشفنا شي
وغير تثبيت سعر الصرف والمكافأة تنزل بمعدل ثابت كل شهر تنقص
والحال والله صار يخوف ..