دورة في اليابان لمدة ستة أشهر- ماذا أخذ معي؟

اول شيء توصل بالسلامه ان شاء الله

اوكيناوا طال عمرك اول شيء مدينه بجنوب اليابان
سياحيه وشواطئها ما يحتاج على كيفك ..خصوصا انك جاي على بداية صيف
<<<<وترى اشكالهم مو زي اليابانيين الثانيين بهم سمار شوي

اهم شيء تاخذه معك ملابس خفييييفه مره كنك رايح هوايي

المدينه مو ذيك الكبيره وتجي بين مدينتين كبار شوي اللي هم Nahaو مدينة ثانيه نسيتها

احسب حساب النقل هناك شوي غالي (الباصات)


<<<اذا حصلت لي اجازه ابي امرك ترى لا تقول ما قلت لك (وجهه وسيع)خخخخ


موفق خير ان شاء الله
واي اساله حاضرين للطيبين

شكرا لك عبدالعزيز على توضيحك
وبالنسبة لإجازتك الله يحييك على العين والراس في اي وقت

بس عندي أسئلة ثانية وياليت تتحملني شوي لأني محتار ما ني عارف ايش اسوي:

أول شي اسمع أن اليابان بلد غالي جدا جدا عشان كذا هل أخذ معي أغراض كثيره من هنا تكفيني لمدة ستة أشهر ولا أخلي أحد يشحن لي الأغراض من هنا؟

ثاني شي هل فيه طلاب سعوديين في هذه المدينة وهل فيها مركز إسلامي؟
هل يعطون إجازة في عيد رمضان ولا مالهم شغل فيك؟

ياليت تجاوبني على هذي الأسئلة ألين أجهز الأسئلة الباقية

وتقبل تحياتي

العفو
الله يبقيك ..ما تقصر


اسال طال عمرك ولا يردك اللا لسانك



اليابان غاليه ايه بس مو لذيك الدرجه
وعلى حسب المكان
وبالنسبه للاغراض خذ اللي تقدر عليه بس لا يتجاوز الوزن المسموح وكل شركة طيران ولها حد وزن معين لكن تقريبا 30كيلو
الشحن خل اهلك يشحنون لك اكـــــل اهم شيء لانك صعبه تتعود على اكلهم
يعني جب اللي يزبنك معك لين ما يشحنون لك

ثاني شي هل فيه طلاب سعوديين في هذه المدينة وهل فيها مركز إسلامي؟

لا هذا ولا ذاك

بها قاعد عسكريه امريكيه <<<يعني انتبه تقول سعودي خخخخ

المدينه هذي بجزيرة كيوشو
كيوشو بها مسلمين بس قليل اكثرهم في فكوكا اللي هي اكبر مدينه بكيوشو والمدينه اللي انا بها <<وناوي اهج منها خخخ
وطلاب سعوديين ما بها يعني تمارس اللغه كانك رايح تدرس لغه على كيفك



انت حبيب مررره هههههههه
الاجازات الرسميه والاعياد فقط <<<الرسميه اللي هي حقت المعهد اللي رايح له



ممكن سؤال
انت مبتعث من قبل الوزاره واللا كيف ؟
لان ما اظن فيه بعثات هناك

شكرا لك اخوي عبدالعزيز

وأول شي ارد على سؤالك بخصوص الدورة. هذي الدورة ليست عن طريق وزارة التعليم العالي. هذي عن طريق وزارة الخدمة المدنية بالتعاون مع منظمة يابانية إسمها جايكا. والدورة هذي اسمها تطبيقات الحكومة الألكترونية وتعزيز استخدامها.

والحين جا دور الأسئلة:
(إن شاء الله ما تندم انك رديت علي)

مثل ايش الأغراض اللي تتوقع بحتاجها هناك ... انت تقول الأكل واعتقد الأكل غير مسموح به ويمكن يخرب ما صلت ولا ايش رايك.

وبالنسبة لطربقة الشحن لو توضح لي شوي كيف وكم التكلفة

وبعدين وش قصة القاعدة الأمريكية هناك وهل تتوقع فيه مشاكل او خطر على الواحد اللي يبي يخرج ويتمشى لأن الواحد رايح يتعلم ويغير جو مو يقعد خايف ولا يطلع وكل شي ممنوع.

ولك تحياتي

على فكرة هناك المزيد!!

خذ زوجتك معك اهم شي00000

معليش على التاخر بالرد ..
weekendوتخبر عاد



اهااا
بس اوكيناوا؟!!
يوم جيتها ما ظنيت بها معاهد بس من يدري!!!<<<يمكن تحت البحر



لا يخوي عادي
مانبي اللا الاجر والله <<<دعواتكم



ايه اكل بس مو تاخذ مفطح!!!اكيد بيخرب
لا يعني معلبات ..فول جبن طحينيه خخخ ترى والله ما تحس بقيمتها اللا يوم تفقدها
واغراض كهربائيه لا تجيب واذا جبت جيب تحويله لان الكهرباء محولاتها هنا تختلف عن السعوديه ...على ما اعتقد فيه موضوع بالمنتدى عن اشكال الافياش باليابان

جب معسل تسانك راعيه

وبالنسبة لطربقة الشحن لو توضح لي شوي كيف وكم التكلفة

مكتب الطيار بالرياض يوصل شحن
والتكلفه حسب الكيلو
وعلى ما اعتقد ماني متاكد انه 40الى50 كيلو ب500او600ريال <<<لاقرب مطار دولي لك ..ما يوصل لك للشقه
لان لو تبي تشحن للعنوان حقك الفيداكس والمكاتب العالميه ذي تاخذ مبالغ كبيره

وبعدين وش قصة القاعدة الأمريكية هناك وهل تتوقع فيه مشاكل او خطر على الواحد اللي يبي يخرج ويتمشى لأن الواحد رايح يتعلم ويغير جو مو يقعد خايف ولا يطلع وكل شي ممنوع.

هههههههه
لا لا ياخوي الوضع عادي
اصلا باليابان ماحد يقدر يلمسك لمس
النظام نظام لكن انا قلت اقول لك بانهم كثار هناك بس



لا لا لا
لا تجيب معاك حريم ابد