الله الله على الاسئلة كان كملت جميلك وحطيت للعشرين مو أحسن
عموما اهلا وسهلا فيك
نجي نحل الواجب ....بس احتمال كبير الغلط في الاجابات وفي بعض الاسئلة صعبة مااعرف احلها
بسم الله ............توكلنا على الله
1- طبعا اذا شغلك في سيؤول أفضل جامعة لتعلم اللغة هي جامعة كيونج هي
2-دراسة اللغة مستوى واحد فقط بيكلف مليون وون يعني تقريبا 5000 ريال سعودي
3-دراسة جامعة ماتقدر تحدد جدول بكيفك لأنهم مخصصين جدول محدد وفي مدة محددة تخلصها يعني يوميا تدرس ولمدة اربع ساعات كمان خخخخخخ وطبعا الاجازة سبت واحد
4-ماسمعت عن كورس مسائي للغة , ممكن اذا تخصص مادة في الجامعة زيه زي اي جامعة عندنا في كورسات مسائية ,لكن لغة لسة بكوريا ماسمعت عنه
5-بالنسبة لجامعتي اهم شيء تدفع وانت طالب لغة او طالب جامعة اوك مو مشكلة ممكن تسكن
6-سكن مع عائلة بنظري مقرفة , وسمعت عن طلبة سعوديين سكنوا مع عائلة ماعجبهم الوضع وطالبوا بالتغيير من الملحقية
7-في حال سكنت منفرد , اسعار الاثاث زيه زي عندنا بالسعودية وطبعا على حسب الصنع اللي راح تشتيريه صيني ولا كوري ويختلف الاسعار
8- مااعرف شيء عن الانترنت ممكن تسأل المتخصصين من الطلبة بس اعتقد انه مافيه خوف
9-الظرايب الله العالم
10- اسعار الالكترونيات غالية
11-حب التسوق على كيفك بس لما تقول ماعندي فلوس بعدها لا تدور على بابا
12- الأكل العربي والحلال غالية بسيؤول فلازم تتعلم الطبخ ولا تكتفي بوجبة وحدة من المطعم يوميا خخخخخخخ ولا تضطر وتحب الاكل الكوري
13-الله يعينك على حمل الاشياء بس انتبه من الهارديسك ....مااعرف نظامهم كيف بس افتكر انهم في المطار يعطوك استمارة تعبيها ومن بين الاسئلة في الاستمارة هل عندك اجهزة ومن دا الكلام
14-.......... لا يوجد سؤال
15- زي ماقلت لك انتبه من المجموعة الكبيرة اللي انت جايبه معاك ولا احلى فكرة انك ترسله مع المعلبات بعدا عن المشاكل
16-ربي يوفقك يارب وتتزوج البنت اللي تتحمل كوريا وقرفها
بس اتوقع ان شاء الله راتبك راح يكفي بإذن الله ....(يرزق من يشاء بغير حساب )
17-انا عن نفسي اكثر وحدة اروح السفارة وكل اللي بالسفارة عرفوني , طفشتهم وطفشوني بس هم يحاولوا يساعدوا وفي النهاية عليك الاعتماد على نفسك في كل شيء , هم عليهم التوجيهات والمشورة
18 - الجوال السعودي ماراح يشتغل في كوريا حتى لو عملته دولي ولكن هناك طلب خاص من الشركة انك تشغله بكوريا فممكن يشتغل
19-ماجربت المغاسل ولا شيء بس كل شيء بسيؤول غالية يعني لو تخصص مزانية للغسيل اتوقع انك راح تفلس قبل نهاية الشهر خاصة انك أكيل وسويق وايش كمان خخخخخخ وكمان تبغى تدرس اتوقع 15 الف في الشهر راح يروح بسهولة
عذرا هذه اجاباتي على قد اسألتك بس انت اكيد تبغى اكثر من هذه الاجابات
هذا اللي قدرت عليه ......وربي يوفقك يارب ويعينك
<<<< شكلي رسبت في الامتحان
مبتعثة كوريا 2008 August 18th, 2008, 04:56 PM
LinkBack URL
About LinkBacks
August 14th, 2008, 11:13 PM
السلام عليكم يا اهل كورياباذن الله خلال هالسنة حتمال كبير انتقل للعمل بالعاصمة الكورية
انا اعمل باحدى الشركات وهي راح تبتعثني بالعمل باحدى الشركات الكورية من اجل اكتساب الخبرة ومن هالامور
طبعا الشركة راح تصرف لي مرتب في حود ال 15000 ريال سعودي وتوفر لي التامين الصحي والوجه من الوجه ابيض
السكن علي وكل المصاريف المتبقية علي وطبعا لا يشمل الدراسة وانا بما اني راح اعيش فترة من سنتين الى ال 5 سنوات فكرت اني اتعلم اللغة بنفس الوقت واستفيد من وجودي بالبلد هالفترة الطويلة
طيب الان نجي للمهم
1\ ماهي افظل الاماكن لتعلم اللغة
2\ كم تكلفة دراسة اللغة
3\ هل اقدر احدد الجدول على كيفي .؟ بالعربي ماعندي استعداد اخذ حصص كل يوم يعني 3 ايام بالاسبوع اعتقد انها مناسبة ولو اخذت 3 ايام بالاسبوع او 4 كم احتاج عشان اكمل دراسة اللغة .؟ سنتين ثلاث او اكثر او اقل .؟
4\ هل فيه كورسات مسائية .؟ ام فقط صباحية ..!!
5\ ماهو انسب مكان للسكن .؟ بشرط مايكون مشترك .؟ هل من شروط سكن الجامعة اني اكون طالب بالجامعة ام الدراسة كافية .؟
6/السكن مع عائلة كيف هو .؟ يعني هل ممكن احصل سكن عند عائلة غرفة ويكون لي حمام منفصل .؟ ولو اخذ لي استديو .؟ كيف هي اسعار السكن سواء مع عائلة او بسكن جامعة او سكن منفصل .؟
ولو سكنت مع عائلة ماهي اغلب شروطهم .؟ يعني مثلا ممنوع صوت الموسيقى او الرجوع في اوقات متاخرة او الاكل منفرد ومن هالامور
7/في حال سكنت سكن منفرد كيف هي اسعار الاثاث .؟ مثل مانتم عارفين اشياء بسيطة سرير ودالوب ومكتب وكرسي وثلاجة واثاث مطبخ كيف اسعار محلات الاثاث العالمية عندهم مثل ايكيا واي دي ديزاين وديموس ومن هالشركات .؟
8/ الانترنت كيف عندهم ادري انه بسرعات عالية بس كيف مكافحة القرصنة بالبلد يعني على التورنت وبرامج الشير والافلام والاغاني واذا الكمبيوتر عليه ويندوز منسوخ وكراكات وهالامور هل فيه تشديد مثل امريكا وكذا وتفتيش بالمطار وقلق او مثل السعودية مش حالك
9/ كيف الظرايب بالبلد .؟ والظرايب الي على السلع كم تكون مثلا وايش فيه ظرايب غير الي على السلع .؟
10/ كيف اسعار الاكترونيات بالبلد .؟
11/ انا انسان احب التسوق بشكل كبير خاصة الملابس والاكترونيات والمطاعم
12/ ماعرف اطبخ وانسان اكيل
13/ في حال قررت اجي عندي اغراض كثيرة كتب وجهاز الدسك توب تبعي والشاشة وكم شنطة ملابس ومجموعة هاردسكات وطبعا مثل ماتنو عارفين بالابداية باخذ معاي كمية معلبات محترمة كيف ارسلها لكوريا .؟ هل فيه طرق للشحن اسعارها مناسبة وسريعة شوي .؟ طبعا ال dhl ups وهالشركات اسعارها جدا غالية ..!! هل فيه بديل مثلا الشحن البحري كيف اسعاره وكم ياخذ وقت .؟ ماعندي مشكلة ارسل الاغراض قبل ماروح بفترة حوالي اسبوعين الى شهر
15/ لو اخذت الهاردسكات معاي هل بيستقعدون بالمطار تفتيش وقلق .؟ خاصة انه العدد كبير شوية 5 هاردسكات من الحجم الكبير
16/ انا حاليا اعزب بس احتمال بعد فترة اني ارجع واتزوج هل تتوقعون بالمرتب هذا اقدر اسكن بسكن مناسب وادرس لغة واعيش مبسوط ولا لا .؟
17/ كيف السفارة مع الرعايا .؟ وكيف ممكن استفيد منهم .؟
حاليا هذه استفساراتي وفي حال استجد اي شي بارجع استفسر بالموضوع ..!!
انتظر ردودكم يااخوان