مبتعث جديد New Member
السعودية
hifo , ذكر. مبتعث جديد New Member. من السعودية
, مبتعث فى السعودية
, تخصصى student
, بجامعة الكليه التقنيه
- الكليه التقنيه
- student
- ذكر
- jeddah, ksa
- السعودية
- Aug 2008
المزيدl August 27th, 2008, 07:43 AM
August 27th, 2008, 07:43 AM
السلام عليكم ورحمة الله وبركاته
أخواني وأخواتي
أرجو من الجميع المشاركة في هذا الموضوع
طبعا زي ما انتو عارفين انو الوزاره رح تفتح باب القبول لحملة الدبلوم يوم السبت الجاي
والوزاره حددت الدول .. الصين وكوريا واليابان
أنا حبيت أسأل .. أي دوله من الدول هذي فيها يكون الدراسه باللغه الانجليزيه ؟
لأنو بصراحه مالي أي نيه أتعلم لغة الدوله
وكمان أي من الدول هذي يعادلو لي الشهادات اللي عندي ؟
أنا أبغى أتعلم وأدرس بالانجليزي
أنا معايا دبلوم قوى كهربائيه من الكليه التقنيه بجده
أتمنى انكم تفيدوني .. لأني بصراحه مرررره متحطم وأبغى أحد يشجعني علشان أقدم
جزاكم الله خيرا
اللي اعرفو انو هذي الدول تدرس بلغه البلد
اتذكر احد المبتعثات في كوريا في احد الردود (( و هي تخصص كيمياء)) قالت ان حتى المصطلحات العالميه المتفق عليها فيها تحريف من الكوريون
و ارجو ان يفيدوك مبتعثين هذه الدول اكثر
بالتوفيق ،،
Mr.Jo0oKer August 27th, 2008, 08:48 AM
7 " السلام عليكم
اخوي انا اللي اعرفه انو لازم تدرس بلغه اهل الباد اللي راح تبتعث لها خاصه هاذي الدول <الصين وكوريا واليابان> اذا طلاب دراسات عليا لازم يأخذون كورسات ويعدوا مستويات معينه في اللغه فمابالك بطلبه البكالوريس او حمله شهادة الدبلوم انا لي قريب مبتعث على حساب ارامكو للصين درس الجامعه بالصيني
بس صدقني كلو يهون في سبيل الارتقاء بالمستوى العلمي والتقني والمعيشي وايضا اكتساب اللغه شئ لاتخاف منه انت قدها وقدود وطبعا المسقبل المهني في بلدنا يتجه صوب هذه الدول فلا تتردد واستخيرواستشير وبأتلقف وقولك اختار الصين للتخصصات الميكانيكيه والكهربائيه اما الطبيه والحاسب والتكنولوجيا فانا اؤيد اليابان وكوريا مع اني مقدمه ع الصين في تخصص العلوم الطبيه وربنا يوفقني ويوفقك ويوفق الجميع قولو امييييييين
أم جودي August 27th, 2008, 09:06 AM
7 " أخوي ..شاهر نجدي .. الله يستر بس .. ان شاء الله يكون فيها جامعات تدرس باللغه الانجليزيه
شكرا لك على ردك ومساعدتك .. الله يوفقك يااارب
أختي nuaf .. الله يعطيكي الف عافيه .. ومعاكي حق كلو يهون لأجل الارتقاء بالمستوى العلمي والمهني والمعيشي
وبصراحه حمستيني اني أقدم ... لأني بصراحه كنت متردد .. بس ان شاء الله انو يكون في جامعات بتدرس باللغه الانجليزيه ياااارب
الف شكر ليكي يا أختي
والله يوفقك ويوفقني ويوفق الجميع ان شاء الله يااااارب
أتمنى انو أحد يفيدني أكتر من ناحية لغة الدراسة
hifo August 28th, 2008, 01:45 PM
7 " ياجماعه ماادري بس انا سألت شخص في الوزاره وقاللي عندنا في موقع الواره الجامعات الموصى بيها وتلاقي ايش الجامعات الي فيها الدراسه بي الانجليزي تلاقي علامه E
والله يوفق الجميع نوف ايش تخصصك ؟
berry August 28th, 2008, 02:01 PM
7 " السلآم عليكم
شوف أخوي أنا دخلت على الجامعات الموصى بها وأشوفهم كاتبين تحت انك تقدر تدرس بلغة أهل البلد وانك تقدر تدرس بالانجليزي أنت ادخل على موقع الوزاره وشوف بنفسك
وهذا النص مكتوب تحت الجامعات الموصى بها باليابان
· أن تكون الدراسة بإحدى اللغتين الانجليزية أو اليابانية.
· الجامعات المؤشر عليها بعلامة(*) تشير إلى إمكانية الدراسة العليا باللغة الإنجليزية.
وهذا النص المكتوب تحت الجامعات الموصى بها في كوريا الجنوبية
· الجامعات والمعاهد من 1-37 يوصى بالدراسة بها في مرحلة الدراسات العليا بالإضافة إلى البكالوريوس و أما بقية الجامعات من38-116 فيوصى بالدراسة بها في مرحلة البكالوريوس فقط.
· الدراسة تكون باحدى اللغتين الكورية او الانجليزية .
أما بالنسبة الى جامعات الصين راح تحصل علامه على الجامعه اللي تقدر تدرس فيها باللغة الإنجليزية وهذي العلامه (E)*
أتمنى إني قدرت أفيدك ,,
وبالتوفيق للجميع
عشقي عيونگ August 28th, 2008, 02:13 PM
7 " هلا وغلا والله بالطلالالاب الكووورين الجدد ^^ <<<<<<<<على طول اعطيتهم قبول على كوريا
اخوي الفاضل بالنسبه لكوريا تعتمد أولآ على الجامعه ثانيآ على التخصص الي انت مقدم عليه
هناك جامعات تدرس بالغتين وهناك جامعات تدرس بلغة البلد وهناك جامعات تدرس بالغه الانجليزيه
اخوك يكلمك من جامعة الاتصلات والمعلومات والدرااسه فيها بلغه الانجليزيه فقط يعني انجليزي بحت
عندك جامعة كوريا تدرس بلغتين وانت تختار الغه الي تبي تدرس فيها لاكن على ماأعتقد هناك بعض التخصصات اجباري انك تدرس الغه الكوريه فيها.....
اتمنى اني افدتك ولو بشي القليل
وعلى العموم اي شي تحتاجه نحنا في الخدمه ارسلي رساله او سويلي اضافه على الايميل^^
بالتووووفيق ان شالله
al_kaed August 28th, 2008, 02:22 PM
7 " berry
عشقي عيونك
al_kaed
الله يوفقكم ان شاء الله ويجزاكم الف خير يااااارب ويحقق لكم كل اللي تتمنوه
أنا تخصصي فني قوى كهربائيه .. ومعدلي والحمدلله أكتر من 4 ونص
وناوي ان شاء الله أقدم دحين على ابتعاث الدبلوم
بس أنا أبغاكم تنصحوني بدولة يكون فيها التخصص تبعي
وأتمنى منكم انكم تساعدوني وتنصحوني لمن أقدم ايش اختار الرغبه الأولى والتانيه والتالته
طبعا الدول ... الصين وكوريا واليابان
ايش الأفضل بالترتيب ؟
hifo August 28th, 2008, 02:39 PM
7 " بصرااااااحه ماني عارف وش اقولك لانه كل الدول المذكورررره قويه في التخصصات الي مثل تخصصك بس من وجهة نظري شوف اليابان بعدين كوريا بعدين الصين ^^
al_kaed August 28th, 2008, 02:42 PM
7 " أنا سمعت انو الصين أفضل وماني عارف ايش أسوي
وأنا لمن دخلت على موقع الوزاره .. الجامعات الموصى بها في الصين .. لقيت جامعات كتير عليها علامة * وحرف e
التقديم رح يكون بكرا الجمعه وأعتقد انو رح يبدا من اليوم بعد الساعه 12 ص
والله محتاااااار
الله يستر بس
والله
hifo August 28th, 2008, 02:49 PM
7 "
August 27th, 2008, 07:43 AM
السلام عليكم ورحمة الله وبركاتهأخواني وأخواتي
أرجو من الجميع المشاركة في هذا الموضوع
طبعا زي ما انتو عارفين انو الوزاره رح تفتح باب القبول لحملة الدبلوم يوم السبت الجاي
والوزاره حددت الدول .. الصين وكوريا واليابان
أنا حبيت أسأل .. أي دوله من الدول هذي فيها يكون الدراسه باللغه الانجليزيه ؟
لأنو بصراحه مالي أي نيه أتعلم لغة الدوله
وكمان أي من الدول هذي يعادلو لي الشهادات اللي عندي ؟
أنا أبغى أتعلم وأدرس بالانجليزي
أنا معايا دبلوم قوى كهربائيه من الكليه التقنيه بجده
أتمنى انكم تفيدوني .. لأني بصراحه مرررره متحطم وأبغى أحد يشجعني علشان أقدم
جزاكم الله خيرا