انا بثالث ثانوي وودي ادرس باليابان شنو المطلوب ؟ وهل هذا ممكن ام انه امر مستحيل

January 11th, 2009, 04:26 PM

السلام عليكم

كونيتشوا مينا سان

جينكي ؟

>> يحليلي اعرف بعض الكليمات بالياباني خخخ

يا اخوان والله اني متحطم لما افكر ادرس باليابان اجلس اضحك على نفسي واقول شهالحلم اللي لا عمره بيتحقق

وانا انسان ماعندي واسطة ولا بطيخ

وكل ما عندي ذراعي

نسبتي بثاني ثانوي 99.17% , وانا الحين بثالث ثانوي
عندي اختبار قدرات الاسبوع الي يي , الله يوفقنا , صار لي شهرين اتدرب ع القدرات

لغتي الانجليزية الحمد لله حلوة واقدر اتطور بسرعة
لكن المشكلة أني عايش بديرة معفنة بالسعودية محد يعرف يتكلم انجليزي فيها وما يقدر الواحد يمارس فيها اللغة حتى بالفصل مقدر اتكلم مع الاستاذ انجليزي خاصةً بوجود هالناس

لكن هذا مو محور حديثنا

ابي يا اخوان شلون الحين اروح بعثة لليابان على حساب الوزارة ؟ هل هي صعبة ؟ هل لا يمكن انها تتحقق لواحد مثل ظروفي ؟
وبعدين انا سمعت ان اول سنة تكون على حسابي وباقي السنوات على حساب الوزارة
وانا رجال ماعندي فلوس اصرفهن على نفسي وباليابان غالية حيل

ولا اعرف حتى متى تطلع النتايج حقات التسجيل بالبعثة لما ادخل على موقع الوزارة

وجم راح يعطوني مصاريف الدراسة

واللغة المستخدمة في التدريس هل هي يابانية او ماذا ؟
انا ابي اتخصص لغات ان شاء الله


يعني احطك لكم اسألتي هنا :
1/ هل سيتم قبولي ؟ وانا بهالمستوى ام واسطات على قولتهم
2/ هل لما واحد يبي يبتعث لليابان توافق عليه الدولة نظراً لأنه قليل الي يبتعثون لليابان واكثرهم لأوروبا ؟
3/ جم واحد يبتعث من بين خريجي الثانوية ؟
4/ هل اول سنة ادرسها باليابان تكون المصاريف على حسابي ؟
5/ السكن باليابان بيكون بسكن سعودي وحراسة , ولا اروح ادور شقة بمصاريف الدراسة ؟
6/ لا يكون بس حاشرينكم مع بعض ما تقدرون تروحون للبقالة وتتسوقون؟ ( عندكم بقالة زينا ؟ )
7/ هل اعقد املي على دراستي لغات في اليابان ام انه حلم لن يتحقق
8/ تخصص لغات , هل اتخصص في لغة وحدة ولا اكثر ؟ وهل لو تخصصت لغات باحد الجامعات بالسعودية بيدرسوني ولا بيسفروني على حسابهم عشان اتعلم في البلد اللي ابي اتعلم لغته ؟
9/ متى يفتح التسجيل ؟
10/ هل تخصص لغات قوي ؟ وشنو راح يشتغل لما يخلص دراسته ؟ وجم سنة بيدرس ؟
واسف طولت عليكم + ترى يمكن فيه بعد اسألة

• نشر عبر تويتر
• نشر عبر فيسبوك
• نشر عبر جوجل