استفسار عن الكشف الطبي لطلبة الصين

لا يا اخي ، لا تخاف ... هدا النموذج يكفي ان شاء الله ... انا عملت الكشف بعد ما طبعت النموذج من نفس الرابط و اخدوه في القنصلية و ما اعترضوا عليه ... انت المهم لا تنسى تختم الكشف و الصور اللي راح تصورها له بنفس الختم ... يعني يبغالك فرضا الختم حق المختبر على نتايج التحاليل و ختم (شؤون المرضى) على الكشف الطبي ، و طبعا ختم في مكان اللي طالبين فيه الختم الرسمي و تختم على الصورة كمان (لا تنسى تختم على الصورة عشان لا يردوك من السفارة او القنصلية) ، و بالنسبة لتخطيط القلب و الـ Chest X-Ray انت خدهم معاك احتياط ، لأنه اغلب اللي راحوا ما طلبوها منهم ، لكن الاحتياط واجب و مو عشان هدي الورقتين يردوك ، صح ؟؟؟ و بالنسبة للتحاليل ، في اي مستشفى بتسويها ؟؟؟ الملك فهد و لا أحد ؟؟؟ و بالتوفيق اخوي و ان شاء الله ما اكون قصرت معاك و اكون ان شاء الله افدتك ...

و السلام عليكم و رحمة الله و بركاته ...

عليكم السلآم
صحيح مثل ماقال اخوي بالرد اللي فوق
لكن تدري انهم رجعوا واحد من الشباب تدري ليه لانه ماختم على الصورة اللي مكانها بالورقة الاولى يمين
وانا شخصيا ماطلبوا على تخطيط القلب كل اللي اخذوهـ مني صورة من الكشف اللي فوق وصورة تحاليل الدم طبعا مختوم عليها وصورة تقرير الأشعه وخذ معك صور شخصية إحتياط لاني مدري طلبوا مني ولا ماطلبوا ^_^

لكن ترا الكشف هذا اخذ معي 24 ساعه بس
وبالنسبة للوزارة عادي تطلع يوم الأحد مافيه مشكلة بس السفارة اللي بالرياض ماراح تفتح الا بتاريخ 21/2/2009 وماتفتح الا يوم السبت والأثنين والإربعاء

وبالتوفيق يالغالي

بالنسبة لتخطيط القلب وأشعة X يمكن ما راح يطلبوهم السفارة ,,,راح تحتاجهم هناك بالصين راح يطلبوهم كما أفادني بهذه المعلومة احد الشباب يعني راح توفر وقت كثير راح يكون معاك تخطيط القلب وصورة الأشعة إذا طلبوهم منك الجامعة ..

يعطيك ألف عافية اخوي الصقر على هي المعلومة القيمة ، لأني الصراحة ماكنت ادري عنها شي ، و الحمد لله اني سويت التخطيط و الاشعة ... و ربنا يسهلها علينا كلنا ان شاء الله و بالتوفيق للجميع ...

و السلام عليكم و رحمة الله و بركاته ...

هااااااي شباب
مشكورين جداً على تجاوبكم معي
اخوي Lab اول شيء احب فيك الابتسامة اللي دايماً مرسومة على وٍشك
بعدين كأنك عارف اني انا من المدينة !
انا سويت الكشف بالملك فهد
عالعموم يعطيك العافية على المعلومات اللي زودتني...

عشقي عيونك : انا ارشحك تكون مشرف قسم منتدى الصين
عيني عليك باردة .. ربنا يعطيك على قد نيتك وصراحة انا منبهر على شرحك بخصوص الإجراءات المتبقية ..كان جداً واضح ودقيق . حتى سجلت الخلاصة بورقة عساس لاروحت يكون عندي خطة اسير فيها...

alsaqer تنبيهك لنا بخصوص الاكس راي جداً مهم ..بصراحة نتعب هنا ولا نتمرمط بالصين ، بسبب عائق اللغة وماإلى ذلك .


بس مازال في استفهامات .. ودي انكم تجاوبوني عليها
ياشباب انا لما رحت المختبر دخلت عالمدير (المسؤول ) هناك بصراحة مو متمكن
مافادني ..يعني ماقالي التقرير يحتاج كذا وكذا ولا وجهني .. يعني لو تقولولي ايش يحتاج اعبيه بالكشف؟ فحص الدم والاكس راي وتخطيط القلب وايش ثاني ؟ طيب بالنسبة للاسئلة مثل الامراض اللي جاتني قالي المسؤول انت عبيها نعم او لا .. اذا كذا باحط كلها نو لاني بعضها ماني عارف ترجمتها ..... وهل تخطيط القلب والاكس راي يكون نتيجته بورقة خارجية ؟
آآآآآآآآسف عالاطالة وجزاكم الله عنا كل كل خير

هلا وغلا حسوون ^_^ لا يبه فكنا من طاري الإشراف والف شكر يالغالي على الإطراء ^_^

المهم بالنسبة للكشف أنا عبته لي الدكتورهـ بس سئلتني كم طولك وكم وزنك وش فصيلة دمك والباقي اسئله حطتهم كلهم لا بعدين وش اللي انت تبعيه ماعندهم دكتور عام ^_^

ونتاج الدم كلها ورقة ماتجي سطرين ونفسه الأشعه
قلهم بس ابي نتائج فحص الدم الأصل ويختمونه لك واصل مكتوب لهم بالإنقليزي فحص الدم وإرفاق النتائج وكذلك الآشعه
انت ماعليك كلها تساهيل إن شاء الله

وبالتوفيق

اللي طلعت به من المستشفى كلها ثلاث اوراق
1- النموذج اللي وجه وقفا
2- نتائج تحاليل الدم
3- تقرير الأشعه

وانا بحاول انزل لك التقارير حقتي بصورة

هلا اخوي عشقي عيونك
نموذج وجه وقفا ؟!؟!؟
مامر علي ؟ مش فاهم قصدك ؟ ولا لايكون قصدك نموذج الكشف الطبي ؟

اكيد يقصد نموذج الكشف الطبي

تحياتي