تكفوووون يا اخواني , رأيكم يحدد مستقبلي

هلا اخوي

اولا- اللي اعرفه ان دراسة الماستر بالصين باللغه الانجليزيه

ثانيا - اذا كنت مرتاح بوظيفتك ومافيه منغصات ومتخوف انك تتعثر بالدراسه انا اشوف انك تتوكل على الله وتستمر بوظيفتك وعلى قولهم عصفور باليد ولا عشره بالشجره

وبالتوفيق لك اخوي بالدنيا والاخره

وعذرا على القصور--------------------

السلام عليكم

أخوي لو كنت بدالك كان أخترت الوظيفة لسببين :

1-أن الواحد يدرس ويتعب عشان الوظيفة ونت جتك الوظيفة المحترمة ألي تقدر تعطيك العيشة الكريمة.

2- اذا كنت حريص على الدراسة تقدر تدرس بلعطلة الصيفية أو أنك تأخذ بعثة من التربية والتعليم وبذلك تجمع بين الوظيفة والدراسة ولا تخسر شئ بأذن الله.

وبنهاية توكل على الله وأستخير والله يختار لكل الشي الصالح أتمنى أني قد ساعتك في رأيي المتواضع ولا تنسانا من دعاء الغيب.

شوف اخي ،،

لا تذهب إلا اذا كنت حاط في بالك انك راح تدرس زين ولا تتعثر ابدا ،، يعني حاط في بالك دراسة جد

كذا روح وباذن الله تتوفق ،،

اما اذا كنت بتروح وماكنت ناوي انك تشدها ،، فاقعد اضمن لك



والله يوفقك

السلام عليكم اخوي ، انا ماراح اقولك روح او لاتروح لكن راح اساعدك في التفكير، اخوي انت عندك خيارين ياانك تقول انا في وظيفتي ومضمونه واستلم راتب، او تقول لا ماعندي مشكله راح ادرس سنه لغه صينيه واحتمال طبعا مايعادلو شهادتك هنا في الصين حسب كلام الشباب اللي عندهم شهاده دبلوم يعني بتكون مده دراستك ه سنوات يعني سنه لغه واربع سنوات بكالوريس وبعد ماتتخرج تعامل كطالب متخرج وتبحصث على وظيفه من جديد... عشان كذا ياخوي الخيار يرجع لك وكيف تبغى تبني مستقبلك وطريقك ... اتمنى اكون وضحتلك بعض الاشياء ...

تمنياتي لك بالتوفيق

كلام الأخوان صحيح عصفور في اليد خير من 10 على الشجره
واذا عن لغتك الانجليزيه ضعيفه عندك المجلس الثقافي الربيطاني افضل معهد لتعليم اللغه الانجليزيه
قوي نفسك فيه طبعا فترة الصيف وان شاء الله ربي يوفقك
خلك في ديرتك احسن لك

أنـــا أشوف الوظيفــــــــــــــــــه أحــــــــــــسن لك.

إذا كان عندك أستعداد تتحدى نفسك وتكمل كمل هذا اللي أقدر أقول
وما فيه شي بهاذي الدنيا سهل حتى شرب الماء
الوزير ما صار وزير لانه طلع من بطن أمه وزير والدكتور كذالك والمهندس كذالك والضابط كذالك كل شي بتعبه
تقبل مروري ولا تنسى تكثر من الأستخاره ( أهم شي) هي اللي أنصحك فيها (الأستخاره)

الاعضاء :
Soah
ابوسعود
hope21
Solid snake
saudo77
متى
عبدالله 1

هلآ بالغالي
اول شي مبروك على التعيين وعلى البعثه بعد ^_^
شوف انا بقولك رأيي بعقلانيه
إذا انت ناوي تكمل ماستر وترجع للتدريس أفضل لك اختصرها من بدري ورح للتدريس مع المحاولة بالإبتعاث على حساب وزارة التربيه يعني تضمن الوظيفة وتحاول في البعثه جات ولا بكيفها

أما إذا أنت تقول انا بتوكل على الله وبشد حيلي ولا انا موقف دراسه على الماستر يعني تكمل دكتوراهـ هنا أشوف البعثه أفضل لك وتصير إن شاء الله دكتور بالجامعه أو رئيس قسم أو . . . . وهذا أفضل من التدريس ويطمح له الكثير من الناس واذا احد سئلك وش مؤهلك تقول دكتوراهـ من الخارج تكفيك ^_^

فكر زين يالغالي وبصراحه لو أنا بمكانك ماترددت بلحظة راح أختار البعثه
وعسى الله يوفقك ويختارلك اللي لك فيه خير