إلى طلاب الطب في جامعة شاندونج

يا اخي لك الحرية في اختيار الكتاب الي انت ارتحتللو
بس يعني الاناتومي في عندك سنيل
او زي الباكستنيين قريز انتومي
الجدول ما يتغير ثابت و تحصلو على موقع الجامعة
و النطام الحالي صراحة مدري كيف راح يكون
و الله يعين الجميع
و اتوكل على الله

حياك الله اخوي ، انت ذكرت اربعة اسئله وراح اجاوب لك عليها كالتالي:

1- بالنسبه للجدول هوا جاهز مو انت اللي تعمله، والترم الجاي راح تدرسو

( Medical Ethics, Cell Biology, Chinese Language)

2- بالنسبه لماده علم التشريح والمواد الاساسيه في الطب راح تدرسها الترم اللي بعد الجاي يعني بعد الصيف لكن انا قلت من اول اذا كان في طالب ماراح ينزل في اجازه الصيف السعوديه بامكانه يجيب كتب السنه الجايه وراح اقولكم بعض كتب السنه الجايه الجيده اللي اغلب الاساتذه في كل مكان ينصحو فيها ... Clinical Anatomy- Richard Snell, Histology- wheater's, Emberyology- Lange' هاذي مواد الترم اللي بعد الجاي اللي راح تدرسوها....

3- بالنسبه لسؤالك اذا كنت راح تدرس في معهد اللغه اول ، اقولك ماراح تدرس في معهد اللغه لانك راح تدرس الطب باللغه الانجليزيه وعندك مع مواد الطب كلاسات لغه صينيه ، اما زملائك احصاب التخصصات الاخري هما اللي راح يجلسو في معهد اللغه سنه او اكثر قبل مايدخلو في التخصص ، يعني كلامهم في الملتقى غير موجه لطلاب الطب

يديكم العافية اخواني على الاجابات ... اخوي (الدنيا عكس) ، الكتب اللي تشتريها يفضل انها تكون نفس الكتب اللي يقولوا لك عليها الدكاترة ، لأنه ما ينفع تشتري كتاب عشان شكله حلو او عشان خطه اوضح ، لأنه هم راح يدرسوك و يشرحوا لك على اساس الكتاب اللي طالبينه ... انا درست في جدة في جامعة الملك عبدالعزيز في كلية المختبرات الطبية لمدة 3 سنوات و اعرف ان هدا النظام المتبع دايما ... اخوي العزيز (Solid Snake) ، والله ما اعرف ايش اقلك او بأي طريقة اشكرك ... يعطيك ألف عافية على اهتمامك و مساعدتك الدائمة لنا ... و اشكر لك اجاباتك الواضحة و سرعة التفاعل الدائم معنا ، احنا الطلاب الجدد ...

و السلام عليكم و رحمة الله و بركاته ...

معليش اخوي (Solid Snake) ، انت ابدا ما قصرت و يعطيك العافية ، لكن انت كتبتلي اسماء الكتب و مؤلفينها حقت الترم التاني على قولتك ، بس بالنسبة لكتاب (Cell Biology) ما ذكرت -الله يسعدك- اسم المؤلف ، و هو الكتاب اللي نحتاجه ان شاء الله في الترم الاول لنا هناك ... لأن على قولتك ، ما ابغى بس اعتمد على سلايدات الدكتور و بس ... يكفي اللي راح ، و نبغى نجتهد و نتفوق بإذن الله ...

و السلام عليكم و رحمة الله و بركاته ....

حياك الله اخوي ولاتتردد في اي استفسار، بالنسبه لكتاب الCell Biology ماكنت ناسي اني اكتب المؤلف ولكن لكثره المؤلفين وكل كتاب صراحه احسن من الثاني لذلك ماكتبت مؤلف وتركت الاختيار لك ، لكن انا انصح بكتاب راح تستفيد من عنده في ماده ثانيه مستقبلا اسمها Molecular Biology .... اسم الكتاب :
Molecular Cell Biology- Lodish, Berk, Kaiser, Krieger, Scott, Bretscher, Ploegh, Matsudaira

لكن اخوي لو ارتحت لكتاب ثاني مافي مانع تاخذه وفي كتاب يستعملوه طلاب السعوديه المؤلف اسمه Cambel وكتاب جيد كان عندي في السعوديه ....


تحياتي لك اخوي وبالتوفيق

يعطيك العافية اخوي (Solid Snake) ... والله ما ادري ايش اقدر اقولك ... كل اللي اقدر اقوله ان شاء الله ربنا يجعله في ميزان حسناتك ... و بالنسبة لموضوع الكتاب اعذرني اذا كنت ضايقتك عشان هدا الموضوع ... ان شاء الله اروح و اشتري الكتب قريب ... يعطيك ألف ألف ألف عافية ...

و السلام عليكم و رحمة الله و بركاته ...

حياك الله ، لا بالعكس اي استفسار يجي في ذهنك لاتتردد ابدا مهما كان السؤال ، لاني مقدر شعور الطالب الجديد على الابتعاث في اشياء كثيره في ذهنه ممكن يسأل عنها او مشغلته ، لكن اقولك لاتشيل هم اذا جيت ان شاء الله راح تشوف كل الامور متيسره ولاتخاف مادام عندك عزيمه واصرار كل شي في وجهك راح تتغلب عليه ....

تحياتي لك ولجميع الطلاب المستجدين القادمين لجامعه شاندونق

سلاااااام

يعطيك ألف عافية اخوي ... و اشكرك لأنك متعاون جدا معنا .. و يديك ألف ألف ألف عافية ...

فيه كتب مهم تجيبها معاك
لكن في كتب مو ضرورية تشتريها اصلا مابتستفيد منها زي كتاب علم الخلية cell biology , وكتاب علم الانسجة histology

لكن الكتب المهمة هيا اللي تعطيك معلومات ممكن ماتكون موجودة في الملازم ومهمة لك كطبيب مثل كتاب علم التشريح anatomy وعلم الاجنة empryology

عموما انا شريت كتاب تشريح anatomy (gray والصراحة افادني كثير لان اسلوبه سهل ويخاطب طالب الطب

عموما كلام عكس الدنيا صحيح انت شوف الكتاب اللي يناسبك ولا تستعجل في الشراء لسا قدامك سمستر على بال ماتدرس التشريح وعلم الاجنة
لا تستعجل