متطلبات الفيزة لإطفال المرافقين(الصين)

تنبيه: هذا الموضوع قديم. تم طرحه قبل 5545 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

WARDA-NO1
مبتعث مستجد Freshman Member

الصين
WARDA-NO1 , أنثى. مبتعث مستجد Freshman Member. من السعودية , مبتعث فى الصين , تخصصى طب بشري , بجامعة huazhong university of science and technology
huazhong university of science and technology

طب بشري

أنثى
wuhan, 武汉

السعودية

Jun 2008
المزيدl
February 19th, 2009, 01:51 PM
February 19th, 2009, 01:51 PM
السلام عليكم

أأتمنى أحد يفيدني هل يحتاج الأطفل كشف طبي وماهي الأشياء المطلوبة سواء للفيزة أو للوزارة التعليم العالي
أتمنى تفيدوني
ومشكورين
والله يا اختي انا رايح ان شاء الله يوم السبت على الرياض عشان آخد الاوراق المعدلة حقتي من الوزارة و ان شاء الله راح اروح للسفارة كمان هناك يوم الاتنين عشان اطلع فيزا لزوجتي و لولدي ، و ان شاء الله راح اسأل هناك عن هدا كله ، بس احتياطا انا عملت كشف طبي لهم الاتنين و فحوصات الدم و كل حاجة مطلوبة مني ، عملتها لهم ... ان شاء الله ربنا يسهلها ، و ان شاء الله راح اكتب كل اللي راح يصير معايا هناك اول بأول خصوصا احنا المتزوجين و اللي عندنا عيال كمان اوراقنا و وضعنا يختلف عن البقية ... و انا عارف اني ما افدتك تقريبا بشي ، لكن ان شاء الله الفايدة راح تجي قريب بإذن الله ...

و السلام عليكم و رحمة الله و بركاته ...
Lab. Technician
February 20th, 2009, 10:33 AM
7 "
ننتظرك اخوي
مهتمه
بس ممكن اسال
بعد اذن صاحب الموضوع
كم المكافئه للمبتعث والمرافق والطفل
وشكرا لكم جميعا
وعذرا اخواني
سارا22
February 20th, 2009, 07:54 PM
7 "
والله اللي انا اتوصلت له آخر شي ان المكافأة للمبتعث هي اللي زادوها 50% ، اما بالنسبة للزوجة و الطفل فالزيادة ما تشملهم ، يعني تحسبي كم الراتب للمبتعث مع زوجة و طفل قبل الزيادة ، و تزيدي 50% من الرتب الاساسي فقط !!! يعني على حسب الحسابات اللي عملتها (و انا مو متأكد من الرقم لكن ان شاء الله قريب منه يكون) راح يكون راتب مبتعث+زوجة+طفل = 3200 دولار تقريبا ... ان شاء الله اكون افدتكم ...

و السلام عليكم و رحمة الله و بركاته ...
Lab. Technician
February 20th, 2009, 08:03 PM
7 "
 المشاركة الأصلية كتبت بواسطة Lab. Technician

والله اللي انا اتوصلت له آخر شي ان المكافأة للمبتعث هي اللي زادوها 50% ، اما بالنسبة للزوجة و الطفل فالزيادة ما تشملهم ، يعني تحسبي كم الراتب للمبتعث مع زوجة و طفل قبل الزيادة ، و تزيدي 50% من الرتب الاساسي فقط !!! يعني على حسب الحسابات اللي عملتها (و انا مو متأكد من الرقم لكن ان شاء الله قريب منه يكون) راح يكون راتب مبتعث+زوجة+طفل = 3200 دولار تقريبا ... ان شاء الله اكون افدتكم ...

و السلام عليكم و رحمة الله و بركاته ...

الله يجزاك الف خير اخوي ما قصرت تسلم يكفي انك ردييت
سارا22
February 21st, 2009, 01:45 AM
7 "
الله يسلمك ، و احنا هنا اخوان و لازم كلنا نتكاتف و نتساعد ... في الاخير ما راح يكون لنا احد هناك الا بعضنا البعض ... ادعوا لي ربنا يسهلها ان شاء الله الصباح عشان اخلص الاوراق ان شاء الله و يصير كمان مرة واحدة نشوف اذا متطلبات الفيزا للمرافقين و للاطفال اللي هو عنوان هدا الموضوع ...

و السلام عليكم و رحمة الله و بركاته ...
Lab. Technician
February 23rd, 2009, 01:11 AM
7 "
يعطيكم ألف عافية مبتعثين و مبتعثات ... انا اليوم رحت الصباح لوزارة الخارجية و صدقت اوراقي هناك والحمدد لله ، و رحت للتعليم العالي بخصوص اخد الاوراق المعدلة حقتي من (اعزب) الى (متزوج) اللي ارسلتها السكرتيرة (إيمان) اللي المفروض تكون وصلت امس ... المهم الموظف المسؤول عن قبولات الصين ما كان موجود و كان عنده اجتماع و يمكن بعد ما يخلص الاجتماع راح يمشي خلاص و ما يداوم بقية اليوم ، و بعد مشاورات و مناحلات و تدخلات و شد و جزر في الاعصاب ، رحنا للدكتور/ هذال العتيبي -جزاه الله ألف ألف ألف خير- و قالي مشكلتلك بسيطة ، احنا راح نكتبلك خطاب للسفارة الصينية و انت تاخد الخطاب و توديه لهم ، و هم راح يعملوا الباقي ... و بس !!! و اخدوا مني صورة من قبول الجامعة و صور من جواز سفري و جواز سفر زوجتي و ورقة كتب فيها ايش المطلوب و بس !!! و قالي بكرة الصباح (صباح الاتنين) آخد الخطاب منهم و روح على السفارة الصينية و هم يعملوا الازم ... ادعوا لي ان ربنا يسهلها بكرة ان شاء الله ، و انا برضو راح اكتب ايش راح يصير معايا بإذن الله ، اول بأول ...

و السلام عليكم و رحمة الله و بركاته ...
Lab. Technician
February 23rd, 2009, 01:27 AM
7 "
الله يوفقك أخ lab
وانشالله تتسهل أمورك
WARDA-NO1
February 23rd, 2009, 05:20 AM
7 "
الأخبار الطااااااااااااازة ... الصباح بدري رحت للوزارة من الساعة 8 و قعدت عنهم للساعة 10 و ربع اللين اخدت الخطاب ... المهم ، اتوجهت من فوري (عجبتني -من فوري- كاني مثقف ) للسفارة الصينية ، بس الصراحة انا دخلت هناك بستين كلفة و واسطة و عبيت اوراقي ، بس واجهتني مشكلة تانية ، المستشار اللي دخلني هناك قالي الخطاب اللي من الوزارة ما يكفي !!! فحكيته على اللي صار معايا و ان المفروض الاوراق تكون وصلت من اول ، لكن المسؤول عنها اظن اسمه الدكتور/وائل عنده اجازة طول هدا الاسبوع !!! فقلي انا اشوفلك ، و اخد النموذجين اللي عبيتها لزوجتي و ابني ، و اخد مني جوازي و جواز زوجتي و انا ضايف الولد على جوازها و صور من الجوازين ، و اخد صور قبول الجامعة ، و اخد كمان الـ(Visa Application) اللي مكتوب فيه اني (اعزب) او (غير متزوج) و الخطاب اللي جبته من الوزارة ،و ما اخد مني اي كشوفات او تحاليل طبية لهم (بس اللي يروح هناك الاحسن انه ياخدها معاه لأني بواسطات و دنيا و دين اللين جبتها) و راح و اختفى مدة بسيطة ، و بعدين رجع و قالي تعال الساعة 1 و نص الظهر و معايا 320 ريال عشان اخد الفيزا !!! يعني بعد ساعة و 10 دقايق من دحين ... و انا ان شاء الله رياح بعد شوية عشان استلم الفيزا لزوجتي و ولدي ...

ترى كلمت السكرتيرة (إيمان) دوبني و قالت لي ان شركة DHL كلموها عشان القبولات اللي ارسلتها ماحد جا و استلمها !!! و ادتني رقمهم و كلمتهم و قالوا لي ان الوزارة لسه مكلمتهم قبل دقيقتين عشان يبغوا يرسلوا واحد و ياخدها ، و (إيمان) قالت انها اظن قبولات لعشرة طلاب ، فان شاء الله تكون معاناة حتى الاخوان اللي اتاخرت قبولاتهم منتهية ...

ان شاء الله اكون افدتكم و لو بقدر ضئيييييل جدا ، و ربنا يوفقنا و يوفقكم و يوفق الجميع ان شاء الله و يسهلها يا رب ، أمين ...

نصيحة : ترى السفارة الصينية مرررة مرررة مرررة زحمة ، فيفضل انكم تروحوا من بدري جدا ، و لا راح توقفوا في صف يا طوله ، كأنه ما يخلص !!! اللهم هل بلغت ؟؟؟ اللهم فاشهد ...

و السلام عليكم ورحمة الله و بركاته ...
Lab. Technician
February 23rd, 2009, 11:40 AM
7 "
ما شالله عليك أخ lab أخبار طازة أول بأول
عندي سؤال كم سعر فيزة زوجك وابنك ؟؟؟
وبالنسبة للقبولات يعني وصلت السعودية وما حد أخذها لو لس في الصين ما انرسلت
وبالتوفيق انشالله
WARDA-NO1
February 23rd, 2009, 12:17 PM
7 "