لطلاب اليابان أي سؤال انا حاضر

مرحبا فيك
انا قررت اطلع اليابان ان شاء الله

بس ابي اعرف افضل الجامعات لان ابي تخصص ميكانيكا

لكن السؤال المهم هو :
انا ابي اجهز جميع اوراقي وطلبات وزارة التعليم العالي عشان اذا بدأ برنامج الملك اكون جاهز فماهي الاوراق اللي احتاج اجهزها ؟؟؟؟؟

وكيف اللغة اليابانية معك
هل يتفهمون انك جديد على اللغة ويساعدونك

شكرا لك

الله يعطيك العافية على نيتك الطبية ويوفقك وإن شاء الله نشوفك هناك


سؤالي : عرفنا أن الجهاز اللابتوب ما يفتشوه في المطار إذا كان فيه برامج مو أصلية يعني مافيه مشكلة وما نخاف صح ؟ طيب متى مايفتشوه إذا كان في في شنطة الظهر؟ أو في الشنط الكبيرة؟


والسؤال الثاني : المشروبات الغازية المعروفة عندنا زي البيبسي والكوكاكولا .... حلال وإلا داخل معاها أشياء ؟؟ وهل تنصحنا بشحن الأكل إلى اليابان بعد الوصول؟


والسؤال الثالث أدري زودتها :بس تحلمني شوي: السكن هل فيه ثلاجة فرن صغير شئ يعني إيش فيه أثاث؟



آسف على الإطالة

يعطيك العافيه اخوي على التواصل معانا
وانا مع اخي مزاااجي يريت توصف السكن كم حجم الغرفه والمطبخ حجم الثلاجه(( انا رايح طوكيو))والغساله كيف وضعها اهم شي ,,,,,,هل في مغاسل هناك مثل السعوديه

وسوال اخر بخصوص المستشفيات هل في تامين صحي للطلاب (لو مرضة لا سمح الله ايش اعمل) ولا اعمل انا تامين ..........نصيحتك في هاذا الموضوع واسعار المستشفيات

ان شاء الله ما نشيل هم بعد الزياده من ناحيت التنقل او اي شي

اخيرا اشكرك على تواصلك معانا ومساعدتنا
ان شاء الله تنقابل في اليابان

دومو

الله يعطيك العافية اخوي وماقصرت صراحة
عندي سوال عن موضوع اذا الطالب يبغى يغير تخصصة من البداية والجامعة كيف الاجرات
وهل قبول الجامعة الجديد يقبل
خالص شكري وتحياتي لك

عندي سوال بس بالنسبه لبطاقة الصرافه وش الي ناخذ معنا وبالشرح ولا عليك امر عن الصرافه وطريقتها باليابان

اول شئ اسف على التأخير ...أخووي sab2 كلفني الرد على الموضوع لأنشغاله

مرحبا اخوي GHONAME.A بالنسبه لتخصصك بصراحه ما اقدر اساعدك

لأن مالي خبره فيه لكن هناك الملحق الثقافي ان شاء الله يساعدك هو وغير من شغال في المحلق

الثقافي بحيث يعطوك افضل الجامعات بهذا التخصص ....وشباب كثير سااعدوهم المحلق الله يجزاه

خير

الاوراق المطلوبه :1-شهادة الثانويه اذا كنت متخرج من الثانويه 2-اختبار القدرات 3- صوره من

الجواز 4- استمارة الابتعاث ..

وومكن تراجع موقع الوزاره تحصل كل شئ مطلوب

أي لغة في العالم بحر...لكن بقول اللغه اليابانيه والله لغه حلوه وسهله للطالب المجتهد

أخوووي مزاااجي بقوووةهلا والله الله يحيك كم مره نزلت مطار اليابان ولا فتشوا الجهاز

التفتيش مثل في السعوديه ((اذا كان الجهاز بيدك)) أما اذا في الشنطه الكبيره

لا تيشل هم ماحد يفتشه لك ان شاء الله ولا تخاف ترى جهازي والله البرامج الي فيه كلها تقليد.

بالنسبه للغازيات لا مثلها مثل الي في السعوديه ونصيحه مني خذ معك اكل قبل لا تطلع

لأن الاكل الياباني ممكن يكون غير مرغوب فيه ..لكن مع مرور الوقت صدقني الاكل الياباني بتحبه

مثلي انا ....بالتسبه للسكن سالفه طويله السكن كل عماره تختلف انت وحظك لكن دايما الغاز يكون

فيها لكن الثلاجه والغساله ما يكون مع الغرفه ... الثلاجه والغساله مو غاليه ذاك الشئ

ممكن تأخذ غساله مستعله 300 ريال سعودي والثلاجه ممكن نفس السعر ولا تزود عن السعر

ذا ..

هلا والله اخووي leon-iak بالنسبه للغرفه حلوه ان شاء الله غرفه وحمام ومطبخ لكل شخص

فيه مغاسل مثل الي في السعوديه لكن شوي غاليه اذامعك فلوس الله يقويك ..

التأمين الصحي الملحق يتكفل بدفع الفواتير لا تشيل هم ((اذا معاك التأمين ورحت مستشفى

صدقني ما تدفع أكثر من 100 ريال سعوي))بالنسبه للمكأفاه تكفيك وتزيد بعد

واجار السكن مدفوع لك من قبل وزارة التعليم العالي لا تشيل همه

شموخ رجل هلا ...تغير التخصص تقدم طلب الى الملحق الثقافي وان شاء الله سهل

لأن المحلق كلم الشباب اذا بتحول من تخصص ادبي الى علمي سهل لكن اذاالعكس صعب جدا

محي الشهري هلا والله الصرافه اهم شئ تكون فيزا او ماستر كارد الراجحي او ماشابه ذلك

بالنسبه للصرافه في اليابان امرها سهل فيه انقليزي وان شاء الله بتهون ...

طيب ومض الذكريات
شكرا لك وللاخ sab

طيب واللي على النظام القديم وماعندة اختبار قدرات ؟؟؟
وكيف اراسل الملحق الثقافي عشان يساعدني في التخصص
يعني عندهم ايميل او موقع او اي شيء اقدر اتواصل معهم فيه

Saudi Cultural Office – Tokyo تفضل اخوي هذا الرابط تبع الملحق الثقافي

بتحصل الارقام والايميلات ....

السبت والاحد اجازه حاول لا تتصل لأن ما راح تحصل رد

جزاكم الله خير SAB2 / ومض الذكريات

على الموضوع وحبكم لمساعدتنا

حبيت أسألكم عن أفضل طريقة لشحن الأغراض

أنا حصلت شحن عن طريق مكتب الطيار

وعن طريق البريد الممتاز

وعن طريق فيديكس ودي اتش ال

اتمنى لو تكرمتم تعطونا معلومات عنهم من ناحية جودة الخدمة وكيفية التعامل مع الشحنة هناك وهل عليها جمارك أو قيود أو شيء من هذا القبيل إذا كنتم تعاملم معهم من قبل أو أحد الأخوان الي هناك


وشاكر ومقدر لجهدكم ....