الي طلاب وطالبات الصين الشعبيه

ياليت أقدر أفيدك
لكن الاخوان والأخوات ماراح يقصرون معاك
بالتوفيق للجميع

الله يعطيك العافيه وان شاءالله مايقصرون الشباب

هذا المعلومات اللي عندي وأي واحد عندهـ إضافه أو تعديل معلومة يتكرم ويرد على الرجال ^_^

أتوقع لازم تتعلم لغة صينية عاد كم المدة مدري والله أهم شئ انا ادرس صيني والشرح بالأنقليزي ^_^

الله يعطيك العافيه ياليت توضح لى كيف تدرس صيني والشرح با الانقليزي

هلا بيك يالزعيم 3 .... بالنسبة تدريس الصيني والشرح بالأنجليزي ,,,.؟ المعنى انك انت ما تفهم الصيني ولا عندك اي خلفية عن اللغة الصينية .... يعني لغة التواصل بين المدرس والطالب الأنجليزية يعني ما راح تفهم صيني وانت ما تفهم انجليزي ... وبالأخص الدروس الأولي .. وليس شرطا تكون لغتك الانجليزية قوية عااادي تمشي نفسك بكم كلمه ... بعد ما تتقدم في الدروس راح تكتشف اللغة الأنجليزية تتطور معاك ويقل شرح المدرس ..بالأنجليزي ويكون غالبية الشرح بالصيني ... كيف تتطور اللغة الأنجليزية معاااك ... لأنه كل كلمه صينية راح تاخذه راح تترجمها بالأنجليزي ... لذلك تتطور لغتك الانجليزية والصينية معااا طبعا مو الهدف تطوير اللغة الأنجليزي لدى لجامعة لا .. ولكن حتى تصل المعلومة لك ... اللغة الصينية ليست بالصعبة ولا بالسهلة ..اعطها حقها في المذاكر والتركيز في المحاضرة ,, وانشالله تصير اللغة سهلة جداا
هذا ما لدي ...تحياتي لك
أخوك الصقر ....萨勒

الصقر الله يعطيك العافيه على الافاده الجميله .
انا بكمل سنتين طبعاً بعد المعادله وابغي ادرس با الانجليزي فهل هذا ممكن يعني الشرح كله با الانجليزي لاني ماراح اخذ لغه صينيه

.. مرحبا ... اخوي الزعيم ... انت تبي تدرس باللغة الأنجليزية في جامعة تقريبا اهي الوحيدة في بكين ... تدرس التخصص باللغين انت مخير انك تدرس التخصص بالصيني أو بالانجليزي وهي جامعة بكين للفضاء والطيران من اقوى الجامعات ... ولكن بعد ما تاخذ سنة لغة صيني عشان تعرف تتعامل مع الناس لأنه صعب صعب جدا انك تتعامل بالأنجليزي مع الشعب الصيني لذلك راح تعطيك الجامعة سنة صيني تمشي أمورك فيها وتقدر تكمل في الجامعة التخصص بالأنجليزي ...انا توني مبتعث جديد لي شهر ونص فقط كنت مثلك من قبل لا اجي ... ابغى جامعة تدرس بالأنجليزي وماكنت ابغى ادرس صيني بس الحمدلله الواقع اقنعني بأن ادرس الصيني واتقنه واحبه بعد .. والأنجليزي انشالله سهل نحصل عليه بأي طريقة من الطرق ... وبكذا حققت اللغتين ... يعني اقدر بعد ما اخلص آخذ دورة اربعة شهور ادخل فيها توفل وانتهت السالفة .. بس مادام انا في الصين ما راح ادرس إلا صيني ...واتقن الصيني شي جميل لما تتكلم هذه اللغة العجيبة وتكتب كتابتها الرهيبة الممتعة ...وتكون مميز من بين اللي يدرسون الانجليزية ,,, هذا رأيي واتمنى لك التوفيق وأي خدمة أنا حاضر
أخوك الصقر 撒勒

عزيزي الصقر مساء الخير

أنت تقول انك تبغى تتعلم اللغه الصينه ثم اللغه الانقليزيه , هل تتعلم اللغات هذي قبل لاتدخل الجامعه ولا انك تتعلم اللغه وتدرس في الجامعه بنفس الوقت ؟ هذا أولا << لسى جايك

أثنـين // بالله عليك قلي الجد , كم تكلفه التعليم عندكم , شامله تعليم اللغه الصينه (بما انك تقول انها ضروريه) وشامله برضو اللغه الانقليزيه , وشامله ياعزيزي دراسه بكالوريوس مده 30 ساعه (تطبيق لشروط الوزاره عشان الأبتعاث) ,,,


والله ماتتصور شكثر صجيت العالم بذي الأسئله لأنه من جد الصين ماخذه عقلي وودي أدرس بها اليوم قبل بكرى .



ثالثا وأخير / أنا متخرج من الثانوي عام 2004 قسم أدبي , وش فيه تخصصات كويسه تناسب لي ولمؤهلي .
مع العلم أنه أنا حاط في بالي أجي أدرس أداره اعمال , مادري القسم هذا يدرسونه عندكم أو لا .

لكن إذا كان موب موجود ذا القسم ... وش فيه أقسام كويسه وتنصح الواحد يدخلها .


معليش اخر استفسار

هل ألي متخرج من الثانوي تخصص أدبي يقدر يدخل قسم تمريض أو طب بشري ؟

انا ألي أعرفه أنو لازم يكون تخصصه علمي , لكن يمكن سبحان الله بالصين نظامهم غير (فيس واحد يبي يتصفق)


يعطيك ألف عافيه حبيبي وأسف إذا أزعجتك

اخوي ( دايم على البال ) انا ماني موجود بالصين بس ان شاء الله راح ادرس طب بشري والحمد لله جبت قبول من جامعه xian وشرط من شروط الجامعات على حسب علمي ان تكون درجات المواد العلميه اكثر من 70 &#37; وفيه جامعه كنت ابي اجيب قبول منها ورفض بسبب ان درجاتي ضعيفه والحمد لله اقل درجه عندي بالمواد العلميه 83

تقبلوا تحياتي
العنزي