حالة صعبة, والملحقية تقول: مافي اي جامعة هندسية معترفة ببنقلور@!

مرحبا بك اخوي...
وايش اللي مزعلك ؟؟
اخوي حاب اوضح لك شيء انه الان في هذا الوقت خصيصا ليست الهند البلد الوحيد اللي تمر بنفس الوضع ولكن اغلب دول العالم بملحقياتها ونفس الحال للطلاب اللي امريكا نيوزلاندا ووووالخ.
يعني هناك تطورات وتغيرات تحصل من وقت لاخر ولابد علينا الصبر وزي مايقولوا (( الصبر مفتاح الفرج ))
والله يوفق الجميع.

لا والله أخوي الدكتور.. لكن لو تشوف الحال كل شوي من واحد لواحد واتصال من هنا وزيارة من هناك. ولا تنسى عامل الوقت مش في صالحنا بالنسبة للهند.. بالتالي راح نحتاج نتخذ قرارنا ونشوف الجامعة المناسبة. هي شكلها في النهاية جامعة KNSIT سعرها معقول بحدود 3000 دولار وجعلهم ما اعترفوا فيها.

كنت ناوي على كلية رامايا, بسبب انها "كانت" معترفة.. وسمعتها جيدة لكن السعر قاصم للظهر 5000 دولار بالسنة. وتخاف نهايتها مايرجعوها بالاعتراف ولا شي.

الدعاء يا اخوان, الله يوفق الجميييع

الا بالمناسبة اخوي الدكتور,

وش رايك بالعثمانية.. مع اني سمعت كلام كثير حولها وان الدراسة في بنقلور افضل. هذا غير عن البيئة واللغة..
لكنها لو تقيسها جامعة رخيصة بـ 3000 دولار ومعترف فيها!

ايش رايك أخوي, بغض النظر عن الاعتراف المهم التعليم.. ايش المناسب؟

والله خبر جدا سيء الله يكون في العون علينا أن نتحلى بالصبر

انا مسجل هندسة كهربائية ع حسابي الخاص بـ 6500 دولار طبعا ما سجلت فيها

الا بعد ما اخذت خبر اكيد انها معترفة في الوزارة وعندي ايميل رد الملحقية ع انها معترفة بها

وبعد ما ارسلت اوراقي لهم قالو لي جيب خطاب من الكلية انك تدرس انجليزي وارسلت لهم

وبعد اسبواع وانا اتابع معهم في الاخير قالو لي انها مو معترفة ووقت ما طلبت الملحق من مساعدتي عشان ارجع المبلغ من الكلية

يقولون لي المشكلة مو مشكلتنا مشكلتك هذا كلام الدكتور بنفسة ابراهيم البطشان ع جوالة الخاص وطلبت منهم خطاب يفيد عميد الكلية

انها مو معترفة بها عشان اسحب مبلغي والتحق بكلية ثانية قالو لي اول جيب التوفل وبعدين غير الكلية .... وفي يوم الاجتماع الي صار

في كلية دياندا سقر طلبنا خطاب من محمد الحربي قال جيب خطاب من الكلية ونعطيك خطاب وكذا وهذا انا لي الحين ممكن 3 شهور وانا

مع الكلية و الملحق كل واحد يقول ابي خطاب من الثاني .... انا الي فهمت بالعربي ما يبون ولا طالب يدرس هندسة بالهند لان اقلب

طلاب الهندسة راسبين وهذا يسيء لسمعة الملحق الثقافي بالهند بس ياليتهم يوضحون لنا ويقولون من البداية ان الهندسة مو معترف فيها .

الله يستر ويعينك اخوي

باركو لي طلعت مبلغي من الكلية
بس اخذو علي 1000 دولار بس يالله طلعت حلالي منهم ع الاقل

و بالنسبة للي بيسجل في العثمانية او غيرها بالعربي التخصصات الهندسية في ولاية كارناتكا كلها تابعة لجامعة VTU انتبهو من قسم الهندسة تابع الى اي جامعة اذا لجامعة VTU لا تسجلون فيها لان معضم الكليات تنقسم الى قسمين مثل برندافن التخصصات الهندسية تتبع لجامعة VTU اما التخصصات الاخرى تتبع لجامعة بنقلور

^
^

مـبـرووك زيـن طـلـعـت بفـلـووسـكـ حـتـى لـو نـآقـصـه

واتـمـنـى لـكـ الـتـووفـيـق يـآلـغ ـلآ

آخر الأخبار انها راح تكون جامعة رامايا والله يعين.......
طلع فيه نظام توني أسمع فيه اسمه نظام التبرع او مثل ماينادوه Donation وهذي يدفعها الطالب الاجنبي كانها Tax. النظام القديم تصير تدفعها بالبداية مثلاً جامعة KNSIT بالبداية تدفع 4000 دولار هذا دونيشن + 2500 دولار هذه رسوم الدراسة.. يعني 6000 دولار بالسنة تقريباً لكن تصير السنة الي بعدها والي بعدها والي بعدها بـ 2500 دولار.
النظام الجديد الدونيشن يصير مع الفيز نفسه, اقصد مع رسوم الجامعة نفسها تتوزع في كل سنة... والي هي عادة تكون 5000 دولار كل سنة شاملة رسوم الدراسة.


أخوي جرح,
تخصصك رائع كنت انا ناوي علي لكن وجدت نفسي اكثر رغبة في هندسة الحاسوب وبإذن الله ممكن راح يكون تحضيري للماستر في الهندسة الكهربائية.
وش الجامعة هذه الي بـ 6500 دولار!!

وحاجة طيبة قدرت تاخذ فلوسك.. ومثل ماتوقعت هنود يحبو الفلوس وماراح يرجعوها كلها ببساطة.. لانها قد صارت مع اخويان لنا سكنو في شقة وعملو عقد ودفعو بس صارت مشكلة وقرروا يغيرو السكن وماطلوهم واخذو عليهم جزء من المبلغ.