تجربتي في الهِند من 13 نوفمبر حتى اليوم

أعانك الله ويسر لك أمرك .. أخي الفاضل لدي نقاط أود الاستفسار عنها :-
1- من متطلبات الملحقيه في الهند الحصول على 500 درجه في التوفل . ماهي المده الزمنيه لدراسة التوفل والحصول على هذه الدرجة لطالب مجتهد .
2- هل لابد من فتح ملف لدى الملحقية عند دراسة اللغه .
3- نسمع كثيرا عن مدينة بنغلور هل تصف لنا هذه المدينه من حيث الأجواء والطبيعه وتعامل الشعب ومستوى النظافة .
4- ما مستوى معاهد الحاسب الآلي من حيث التدريس والخصصات النادره . هل ترى تستحق العناء إليها .

لا أريد أن أطيل فما كتبته اعلاه الأ جزء لا يتجزاء من الذي يروادني .
بانتظار أطروحتك للنقاط أعلاه .
لك مني أصدق الأمنيات وأرق التحايا .

معقوله الهند غاااليه
والله انا كنت فاهم انها رخيصه
الا المكافاه كم تطلع روبيه

انت قبل ماتفكر تاخذ 500 هل بتاخذها عشان محتاج الملحقيه او عشان انت تحصل على التوفل ..

ماعرف كم هم طالبين بس بحاول اجيب اكبر درجه ممكنه ..

فتح ملف سهل جدً تعبي اوراق الابلكيشن 4 ورقات وترفق صور من شهايدك ثانويه مترجمه و4 صور شخصيه وحسن وسيره وسلوك بس وصوره من جوازك وختم الدخول والفيزا ..

بنقلور جوها مثل الطايف بالتمام .. النظافه ماهي نظيفه بقر كلاب زبايل الله يكرمك بس من تدخل المولات والمطاعم النظيفه تلاقي فرق والسكن على حسب وين بتسكن ..

الشعب حتى الان ماواجهت نصابين .. بس انت وشطارتك في تعاملاتك .. بس اشوفهم بصراحه جدا طيبين بالتعامل ..

خاصه الهنود اللي مو بنقلور أكثرهم من تفتح مع الواحد هرجه او تسألوا مايمانع ابدا .. لانه بنقلور فيها هنود متعلمين كثير من ولايات ومدن أخرى

بالنسبه للتخصصات والدراسه لسا انا ماعندي الامكانيه انه اتكلم عنها .. بس الهند معروفه من االاف السنين ..

لو مافيها علم ماكان ديل ومايكروسوفت وانتل شركات كبرى وتحرك العالم كلو من مدينه وحده .. ولاتستغرب انك تعدي من تحت فرع مايكروسوفت او ياهوو وتلاقي وساخه او بقره او كلب .. البيئه مو مهمه المهم ايش ممكن تكتسب من الشعب

الله يعينك شوف لك شقه لو انها غاليه شويه اهم شي تريح حالك .. غرفه وصاله ومطبخ

الاسعار حبيبي بالروبيه .. مو بالريال

مكافأه الطلاب 69000 روبيه مايعادل ريال على كل 12 روبيه ..

غاليه بالاأكل المعلب المستشفيات رخيصه والمطاعم الفخمه مره مره تقريبا 30 ريال للنفر ..

العلاج مرره رخيص علاج مع الكشف مايوصل 80 ريال سعودي

هلا اخوي ....
الله يوفقك , خير توضيح , انك وضحت نقطه مهمه جدا انه الهند بلد ليست برخيصة بما يحتويه عقل كل طالب وليس كل شخص يتألقم بها....

الله يوفقك ويسهل امرك

مممم المعاناة واضحة باولى ايامك.. وكلنا مثلك خصوصاً للي مايلاقي التوجيه الصحيح بالبداية, لكن ماعليه اخوي. لسى توكم طازه بالبلد وماودي اطول عليكم لكن ااكد لكم راح يضبط وضعكم كله مع الايام وراح تعجبكم البلد باذن الله


وانتم كمان لو عندكم اي سؤال حاضرين.. وبخصوص السكن احس انكم انظلمتو كثير والسالفة كبرت عندكم وهي بسيطة وماتستاهل وفيه خيارات اكثر من كذا وافضل.

بالتوفيق أخوي