مساعدة معلومات عن منطقه بشقني.....

يعطيك العافية عن الموضوع ,,,

بالفعل منطقة جميلة ولكن صعوبة الدراسة بها , يعني انت زي منت شايف الطلاب يروجوا لبنغلور والا لجوا مناطق كبيرة وسياحية وجيدة وطلع لك شكاوى مالها اول ولااخر اما بشقني عزالله لايذبحوك ويذبحونا معاك ,

بشقني منطقة سياحية بحتة صعب الدراسة فيها وذلك لقلة المعاهد بها + انها مدينه لايكثر بها من يجيد اللغة الانجليزية بشكل كبير + نظام القرى مطبق وهو ب الساعه 8 الشعب كله نايم .

وانت يااخوك جديد في المنتدى ولكن يمكن بعد ماتقرأ المشاركات والطلاب اللي سافروا سابقا بتعرف انه الوضع غير وانه يمكن كمان لو نقول دلهي يادوبك يقتنعوا....

مرحبا اخوى

عندى كم سؤال

اول شي واهم شي الاسعار والراحه النفسيه والامان موجود

يعنى كم تكلفني فتره دراسه لغه وسكن حوالي سته اشهر الى وقت الدراسه الجامعيه

والمصروف في المدينه كيف من ناحيه سكن معا عائله مثلا واكل الشهر كم ورسوم اللغه كم

والله يوفقك بس احب اعرف لانو اسمع عن المدينه هذى اعرف انها قريبه من بونا

الله يعافيك...ياخي انا اوجه كلامي للي جاي يدرس مو للي جاي يتمشى ...اللي يدور الفله يروح شرم الشيخ والا بيرووت...خخخ....بعدين انا مو جديد بالموقع والله لي اكثر من سنتين وانا اتابع الموقع...لكن ادخل زائر فقط وليس عضوا...اما الحين صرت واحد منكم...اما بالنسبة للوقت كلامك سليم الساعة 8 والدنيا مقفلة..اصلن وش ذا الطالب اللي يطلع بعد الساعة 8 يااخي ...اما بالنسبة للمعاهد ترى مافيها ابدا..الللي فيها مدارس..ومدرسيين خصوصيين والعوائل يدرسوك...بغض النظر عن البراكتس اللي يصير داخل العائلة...يشهد الله على مااقول...عن طريقي وديت اكثر من 20 طالب واخر اثنين...الاسبوع اللي فاتت..وللمعلومية جاءوا من قوا...قبل يومين لحقهم واحد من اللي كانوا معهم في قوا...والله العظيم انهم يدعون لي...وبعدين ياناس لاحد ينسى اهم شي ...(استخارة رب العالمين)

اسعار العوائل على حسب..في عوائل عندهم اكل وغسيل ملابس..وفي عوائل بدون اكل ...والاسعار من 3000 الى 7500 ربية...طبعا هذي رسوم العوائل فقط..(الريال السعودي = 12 ربية تقريبا)..الامان موجود...الراحه النفسيه..شي راجع لك انت شخصيا
اما رسوم الدراسة...اغلب المدرسين ياخذون 2000 ربية...طبعا مدرسين خوصيين على فكرة مافي شي هناك اسمه معهد...يعني اعمل حسابك حتدرس عند ثلاثة مدرسين تقريبا 2000+2000+2000=6000 ربية
على حسب صرفيتك...انا شخصيا كان يكفيني 1500 ريال شهريا
بالنسبة للسكن في عائلة بالمدينة...على حسب المدينة اللي حتروحها...زي عندنا في بونا في عوائل 3000 الى 5000...بدون اكل بس سكن.....

نعم هي قريبة من بونا حوالي ساعتين ونص بالباص...زي ماقلت لك هي مو مدينة هي قرية...والله الموفق

طيب رسوم اللغه

وهل يوجد معاهد فيها يعنى فيزا عن طريقهم او اروح لهم شخصيا

مافيها معاهد...بس تقدر تاخذ قبول من اي معهد من بونا...ولما توصل تروح البوليس اوفس (قسم الشرطة)حقهم وتسجل اسمك...طبعا العايلة اللي حتسكن فيها ياخذون منك صورة الجواز والفيزا ويسون لك هذا الشي..

شكرا اخوى تعبتك بكثر الاسئله

بس هل نظام الدريس في العائله دردشه فقط

ولا

لانو المعهد مثلا حسب ما اسمع نظام اكاديمي استماع قراء محادثه الخ

طيب العائله كيف الدراسه عندهم ممكن وصف ليا ولغيري


والله يوفقك يارب

واسف ثاني ازعجتك بكثر الاسئله بس حب استطلاع وفائده الى الناس

العائلة زي ماقلت يدردشون معك...بس ...واذا تبيهم يدرسوك..ممكن بس كل شي بحسابه......طبعا اللي تدرسه عند المدرسين ترووح تحاول تطبقه عند العائله...واذا حبيت تستفسر اكثر خذ راحتك..اصلا انا ماحطيت هالموضوع الا للفائدة....الواحد يدور الاجر لا اقل ولا اكثر

خوي هناك قاعده وهي (( اختلاف الرأي لايفسد للود قضية ))...

وانا اختلف معك تماما بأن قرية بشقني منقطه تعليمية , وذلك لعده نقاط وهي كالتالي:
1- لايوجد بها معاهد , يعني صعبة شوي .. شوف هذا اللقاء..
س/ وين رايح؟
ج/ مسافر الهند.
س/ مشاء الله ليش ؟
ج/ انشاء الله بغرض دراسة اللغة الانجليزية.
س/ في اي مدينه ؟ وفي اي معهد ؟
ج/ قرية بشقني , ومافي معهد, بس مدرسين خصوصيين
س/ بيسوي كذا ؟؟؟!!!!!!! وبيقول بك رايح الهند وتدرس خصوصي؟؟؟؟
خلينا واقعين ونتكلم بصراحه ممكن الواحد يروح يدرس واخرتها خصوصي , الافضل يدرس بالسعودية ومالها داعي يتغرب عن اهلة دام الوضع خصوصي , ومشاء الله ياكثرة المدرسين الخصوصيين بالسعودية وبرطانيين كمان,

2- المنطقة تفتقر لاقل مستويات المعيشة.
3- قرية ( ركز معايا انها قرية ).
4- الامان (معليش تقول الامان كويس) اسف جدا وانت ادرى بموضوع اخونا الزهراني ايش صار معاه قبل سنتين ,
والكل يعرف من الطلاب العرب , ومانبغا يصير للي صار للزهراني هناك وذلك لكثرة العصابات هناك.

على العموم الله يسهل على الجميع....