لمن لدية الأجابة حول دراسة الحاسب الآلي في الجامعات الهندية

نسمع صراحة عن دراسة الحاسب الآلي في الهند ، إنها ممتازة و بنفس الوقت سعر الكورسات رخيص جداً ، هذا على حسب قراءتي و اطلاعي في النت و سؤالي لعدد من الهنود الموجودين عندنا في السعودية منهم واحد يشتغل في السفارة البريطانية ... بس يا ليت تتم الإجابة على الأسئلة .. أنا و الله زيكم .. جالس أنتظر الإخوان يردون علينا .. حتى ناخذ ممن جرب و شاف ...

و صراحة غير الدراسة ، كيف نحصل على القبولات .. أنا كلمت جامعة بونا أسألهم عن تفاصيل دراسة الماجستير في الـ IT قالوا ما عند برنامج ماجستير فيه .. فـ إستغربت !!
صحيح بالنسبة لتخصص IT نادر ان تجده بالجامعات الهندية
و أحس إنهم غير متجاوبين .. مباشرة من إن قلت :
Just I would like to ask .. the Master of IT that you have
قاطعتني و قالت لي :
We don't have Master of IT .. OK
ما أدري أحس إنهم غير فرندلي ، هذه وهي جامعة .. و قلت لها إني أكلمك من السعودية ؟!!
لازم تتعود على نظامهم من الان ترى فيهم شوفة نفس تحس لمى تكلم الواحد منهم خصوصا اللي في مكاتب القبول بالجامعات انه بروفسور مو موظف عادي ولا ويحسسك انه يتفضل عليك بخدماته مو كانك انت اللي دافع لهم فلوس
و أنا صراحة فكرت إني أجي أشوف الوضع في الهند قبل ما أقرر تماماً ببدأ الدراسة بحكم إن دراسة الماجستير في الجامعات الهندية يأخذ مدة ما بين سنة إلى سنة و نصف . و منها إني آخذ قبول و أشوف الجامعة الممتازة و ألتقي بإخواني ممن يدرس ... و نستفيد من نصائحهم وجهاً لوجه . .
بصراحة للي اعرفه دراسة الماستر سنتين مو اقل من كذا عموما انا انصحك تشوف لك دولة اخرى اذا قدرت واذا سكرت الابواب بوجهك وانحديت على الهند تعال قبل وشوف بنفسك الوضع
أنا رحت للسفارة الهندية في الرياض بحي السليمانية لاستخراج الفيزا أمس ... و وجد إن الفيزا السياحية من السهل الحصول علىيها . بس لما شفت الوثائق المتطلبة للحصول على فيزا دراسية أوجعني راسي و هي كالآتي :
1ـ تعبئة استمارة الطلب مرفق معها صورتين شخصيتين و نسخة من الإقامة/بطاقة الأحوال. ( و هذا ما عندك مشكلة فيه ، متبع في أي دولة تروح لها لابد من تعبئة نموذج )
2ـ خطاب القبول الأصلي من الكلية أو الجامعة . ( و هذا كذلك ماعندك مشكلة فيه ) بس ليش القبول الأصلي؟ مجرد تعقيد للطالب
3ـ خطاب تعريف عمل الوالد بمسمى الوظيفة و الراتب ، مصدق من الغرفة التجارية السعودية ؟ ( أنا رحت صراحة أدرس لغة في كندا ما سبق إنهم طلبوا هذا الطلب!! )
افا كيف تقارن دولة الهند العظيمة بدويلة كندا اللي ما تسوى شي لعلمك الهند ما ترضى تعطي فيزة إلا للناس اللي يستطيعون على تكاليفها المرتفعة عشان تعرف يحدون من الهجرة إليهم خصوصا من شعب الخليج هع هع هع طبعا هذا في اخر الزمان
4ـ تعهد من الوالد يذكر فيه بأنه سيعني بكل نفقات ابنه اثناء اقامته و سيكون مسؤول عنه اذا تساهل في اي نشاطات اجرامية اثناء بقائه في الهند . ( أنا من سوف يتحمل مصاريف الدراسة ، و لدي ما يثبت ذلك إن أرادوا خطاب من البنك يثبت أني لدي المبلغ الكافي لدفع تكاليف الدراسة و المعيشة و أكثر ، و بعدين لما يكون الشخص عمره 25 كيف يحص على تعهد من أبيه ؟ يعني ما هو قد المسؤولية ؟ يا ليت الشباب يجاوبوا على النقطة هذي ) حتى لو عمرك 50 ما في مفر من ها الورقة يعني الله لا يهينك اذا تبي الفيزة رح اكتب لك تعهد ووقع عليه بنفسك ترى الدعوة شكلية وتعقيد بس الله يخلف امريكا ما طلبت ها الطلبات
5ـ ضمان بنكي بـ 7000 آلاف ريال سعودي ساري المفعول بمدة اكثر من مدة الفصل بـ 6 أشهر . ( و هذا طبعاً متبع في جميع الدول ) والله وانا اخوك بريطانيا وكندا ما تطلب ها الطلب يطلبون كشف حساب لاخر 3 شهور لا يقل عن مبلغ معين بس هم يوقفون 7000 ريال لمدة ثلاث سنوات مجمدة بالحساب
6ـ نسخة صك السفر بقيمة 2000 دولار أمريكي ، باسم مقدم الطلب قابل للدفع في الهند ( هذا اللي ما أدري وش يبون فيه ؟!! ) طيب أنا أحمل بطاقة فيزا فيها 5000 دولار أمريكي ، تمشي أو لا؟ .
بالنسبة هذا الشرط جديد ماله فترة من اقروه بسفارة الرياض فقط ولاكن غير مطلوب بقنصلية جدة
عموما هو كمان لتعقيد الاجراءات لا غير ولعلمك سألت اغلب اخوننا الطلبة العرب والخليجين هم اسهل مننا بمراحل كبيرة في اجراءات الفيزة التعقيد فقط بالسفارة الهندية بالسعودية ولكن قطر او الامارات او عمان او البحرين الامور سهلة جدا الله المستعان وبالنسبة للفيزة ما تقدر لازم شيك سياحي مسحوب على بنك هندي
و بالنسبة للقبول أنا حاصل على شهادة في الآيلتس جبت 6.5 أبي أدخل الجامعة مباشرة .. كيف أحصل على القبول ؟
حبايبنا طلوا علينا و أجيبونا ... تحياتنا لكم .