من اللي معي بالجلسة رقم 181 ياطلاب الهند

مشــــاهدات 11

ردود 0


عسى خير يارب

انا في جلسة 181

ادرس بكالوريس

تطبيقات الحاسب الالي

ممكن سؤال وش الخطوات اللسي سويتها وارسلو ملفك

هل اختبرت توفل او ايلتس ؟؟؟؟؟


اتمنى ترد والله محيرني الالحاق

لا اخوي ... مافية حاجة للتوفل والايلتس .. هذاك أول

الحين وبفضل الله صاروا يرفعون الاوراق .. بس تفتح ملف بالملحقية ... وتكمل الاوراق اللي تطلبها الملحقية منك ... وتسوي طلب الحاق ببوابة الطلبة المبتعثين ... وخلك متواصل مع الملحقية لين يقولون لك ارسلنا اوراقك للوزارة ... ويعطونك رقم الجلسة اللي راح ينعرض فيها طلبك

ولو تعجل الايام ذي ... ممكن يحطون اسمك بالجلسة الجاية .. معقولة مادريت !


والله يوفقني وياك اخوي

السلام عليكم ورحمة الله وبركاتة
اخي الغربة الصعبة
المفروض انت اول ما استلمت قبول من الكلية ترسل للملحقية اوراقك عشان يفتحون لك ملف
وهم
1. طلب التحاق بعضويت البعثة تنزلة من موقع الملحقية وتعبية .
2. صورة من الجواز مع التأشيرة سارية المفعول مع ختم الدخول.
3. صورة شهادة الثانوية لدراسة البكالوريس.
4. صورة شهادة البكالوريس لدراسة الماجستير.
5. صورة من الهوية الوطنية.
6. خطاب قبول من الجامعة لدراسة التخصص.
7. تعريف من الجامعة يفيد بالانتظام.
8. في حالة دراسة اللغة تزويدنا بخطاب قبول وتعريف من المعهد.
وبعدها

1. ترسلهم على عنوان الملحقية بالبريد الممتاز على العنوان في موقع الملحقية Saudi Arabian Cultural Mission New Delhi India
2.ترسلهم على ايميل الملحقية الي في الموقع
3.تسجل في بوابة المبتعثيبن بعد ما الملحقية تفتح لك ملف عدهم لان التسجيل في بوابة المبتعثين يتطلب منك رقم ملفك في الملحقية
واتمنى انك ترفع اوراقك من الان حتى لو ان لسى ما داومت في الكلبة اهم شي تفتح لك ملف قبل نزول قرارات جديدة

واتمنى لك التوفيق انشالله

انا فتحت ملف من يوم ماكنت في المعهد قبل كم شهر وعندي رقم الملف وعندي حساب في بوابة الطلبة المبتعثين

بس قالوا لي باقي لك قبول جامعة لو ارسلت لهم القبول سيتم ارسال ملفي والنظر في موضوعي والا باخذلي شلووت ههههههههههه


الله يسعدكم والله ريحتوني من سالفة التوفل والايلتس

يا خي لا تستنى اي شي انت من تحصل ع ورقة من اكلية او معهد ع طول ارفعها

لا تنتظر هم يقولون لك

عزيزي بشرنا وش صاير معاك


عندي سؤال
اللحين انا ناقص بعض الاوراق عندي واوراقي ارسلتها للملحقية بالبريد هل اكمل الناقص عن طريق البريد او ارفعها مو وزارة التعليم العالي في البروفايل حقي ؟؟؟؟؟ اتمنى تجاوبوني بسسسسسرعه

اكيد لابد من اكمال النواقص ... علشا ن يقومون بإجراءاتهم

بس ركز باللي بقولة

اهم ... أهم ... أهم شـــي

تسوي طلب الحاق بعثة ... وتتأكد ان الملحقية ارسلوة للوزارة خلال هاليومين


وهذي هي الاوراق المطلوبة لطلب الحاق بالبعثة تحملها وترسلها عن طريق البوابة

1. صورة من الجواز مع التأشيرة سارية المفعول مع ختم الدخول.
2. صورة شهادة الثانوية لدراسة البكالوريس.
3. صورة شهادة البكالوريس لدراسة الماجستير.
4. صورة من الهوية الوطنية.
5. خطاب قبول من الجامعة لدراسة التخصص.
6. تعريف من الجامعة يفيد بالانتظام.
7. في حالة دراسة اللغة تزويدنا بخطاب قبول وتعريف من المعهد.






بسرررررعة يالغربة .... ترى الجلسة الثلاثاء القادم 15 / 8

ان شاء الله تلحق وتدخل اوراقك للجلسة

والله يوفقك