الضمااان البنكي اقدر؟؟؟

الضمان البنكي عزيزي لازم يكون عندك حساب ويكون فيه 7500 ريال - سامبا - الأهلي

وتروح الى قسم الضمانات وتطلب منهم ضمان بنكي بحساب مجمد موجه الى السفارة الهندية بالرياض او جدة

انا طلعته من سامبا اخذوا علينا 600 ريال

الفيزا خذناها من الرياض بعد أسبوعين طلعت

اذا خلصت دراستك من الهند نهائيا تقدر تسحب الضمان البنكي

الله يوفقك

وعليكم السلام ورحمه الله وبركآتهـ ..

يمديك تخلصه قبل العيد بكثير
لا تقلق
الضمان ماتقدر ترجعه بعد خروج الفيزا ..
الشيك المصدق تقدر ترجعه لانهم ماياخذون إلا صوره منه تروح مع باقي الاوراق للسفاره

الضمان .. يكون عندك حساب في الراجحي وفيه المبلغ ومن وجهة نظري تسوي الضمان والشيك من نفس البنك اسهل لك من القروشه ^_^
تروح تقول ابغى شيك مصدق للهند لاحد فروع البنوك بدون رقم حساب ولا شي .. فيه 60 ألف روبية طبعا لازم بعمله البلد الي بتروح لها الي هي هنا [ الهند ]
وبكذا يطلع الشيك بنفس اللحظة [ يآخذو على الشيك خمس ريال اظن كذا ] ..

نروح للضمان ..تقول لهم ابي ضمان للسفارة الي بالرياض او القنصلية بجده يعطونك تعبي ورقة وتعطيهم يقولون لك تعال بكرى وبكذا خلصت الضمان .. يحتجز الضمان لصالح السفاره لحتى ترجع(( ويشترط تخلي الضمان اكثر من دراستك بستة اشهر ))

وارسلها للسفاره او قدمها بنفسك اذا كنت قريب للسفاره واسبوع على بعضه تخلص كامل وتستلمها بحمد الله ^^

نصيحة لك ابعد عن الهند قدر المستطااااع انا انصحك بماليزيا افضل لك كثيرا

بخصوص الضمان البنكي لازم بنك الاهلي او سامبا

ولا عادي من اي بنك انا عنددي حساب في بنك الرياض


و الشيك المصدق اكتبه ب دولار او بريال يعني مثال اكتبه 2000 دولار او 7500 ريال

الضمان من اي بنك , ولكن الافضل بنك الرجحي وذلك لان العموله لاتتجاوز 150 ريال , فقط .

اما الشيك المصدق لايشترط دولار او ريال والاهم هو 50000 الف روبية,,,...

هلابك اخوي

ليه ابعد عن الهند وش السبب؟

مشكورين اخواني على اهتمامكم

الف شكر

ونقول الله يسرها ان شاء الله

اذا تريد تعلم اللغة الانجليزية بنفس التلكفة وبنظام تعليمي وجودة افضل وحياة افضل وبنفس المصروف الشهري روح ماليزيا وماتحتاج لفيزة ولا خرابيط يعطوك من المطار 90 يوم وبعدين اذا تبي تجلس فترة اطول المعهد اللي تدرس عنده يرتب لك الفيزة الدراسية
انا اقول لك من واقع تجربة بالهند وماليزيا انا طالب بالهند ولي اكثر من ثلاث سنوات فيها واعرف طلبة كثير جو الهند وحولو لدول افضل والان اغلبهم على وشك التخرج واستفادوا لغويا وعلميا وثقافيا الهند راح تتعب كثير بسبب المشاكل الداخلية اللي فيها وبسبب ضعف البنية التحتية وباسباب كثيرة ماليزيا دولة متطورة ومتقدمة وعلى الاقل مايجي يوم الكهربا تطفي عليك او يصير حظر تجول مثل مايصير عندنا والله المستعان المهم انا اعطيك شي من تجربتي انا لم يبقى لي الكثير للتخرج من ها الدولة ولكن ما اريد لاحد ان يعاني مثل ما عنيت ويعاني الكثير من الطلبة هنا ولعلمك اكثر من يمدح الهند هم مجموعة من المسوقين لمكاتبهم الخاصة.
اسأل الله ان يعينك وييسر لك امورك ولا تستعجل في قرارك بالدراسة بالهند فكر اكثر وابحث اكثر عن الافضل لك ولمستقبلك
تحياتي للجميع

شاكر لك اخوي على النصيحه

بس نقطه ممكن تكون ناسيها ما اختلف معاك ان صرفك الشهري مايقارب صرف ماليزيا

ولكن اسعار المعاهد تختلف تذاكر الطيران تختلف ممكن تقول راح تفرق الف ريال او 700 بس لا تنسى الالف هذي قيمة مصروفك شهر من غير السكن هو صدق فيه نقاط سلبية كثير بس لا تنسى الايجابيات
ولزم ناخذ فيها وهيا قله العرب مع اني من النوع اشوف وجودهم اساسي جدا جدا عكس وقت تكون غريب
ولكن بمجال تعليم اللغه يفضل عدم الاحتكاك عكس ماليزيا الكلاس تلقى فيه اقل شي خمسه وانت عارف اذا تجمعو السعودين مع بعض وخاصه في مرحلة اللغه ماراح احد يتعلم بتعدى الفتره كلها روحات وجيات يمكن ذي من اهم النقاط

ولا تنسى انا عمري الحين 25 وعشرين سنة وعلى ابواب الستة وعشرين الدراسه بالهند الجامعيه ثلاث سنوات يعني ببتخرج وانت في 28 وعشرين مع لغه راح تكون على ابواب 29 وعشرين عكس ماليزيا اربع سنوات جامعه من غير سنة لغه او سته شهور على حسب مستواك راح يكون التوتل عندك 5 سنوات او اربع سنوات ونص
الهند راح تفرق سنة يعني بتكون ثلاث سنوات ونص

هي فعلن معادله صعبه لن عندك معيشه بيئة ...الخ ممكن تكون تحت المتوسط بحكم الماده
عكس ماليزيا مناظر معيشه نظيفة ....الخ بس ممكن يكون الكلام هذا للطلاب اللي لسى متخرجين ولين الحين بدايه مشواره التعليمي

عكس شخص انهى مشواره التعليمي من ستة سنوات وابتداء بالحياه العملية اي الوظيفية وراجع مره ثانيه يبي يكمل دراستة
انا بالنسبه لي تفرق سنة وممكن سته شهور تفرق
ولا سيم اني بكون محدود بين الدول هذي ماليزيا او الهند او كوريا الصين

ماراح يكون عندي الى خياار الهند لنها راح تكون اقصر مده

والله العالم محد يدري وش يصير ممكن اخلص لغه هناك وروح ماليزيا او كووريا او او كله هذا بعلم الغيب

لكن النية ان شاء الله الهند

اتمنى تتقبل وجهه نظري
وانا شاكر لك مع العلم ان الكلام اللي قلتة اكيد من شخص غيور على ابناء وطنة وتهمة مصلحتهم
انا شاكر لك كثير كثير كثير وشاكر تعاونك واهتمامك

لكن صدقني الخيارات قليلة جدا

اتمنى لك كل التوفيق ومستقبل باهر باذن الله

كل الود