الأعضاء الإشتراك و التسجيل

الملتقيات
ADs

أي سؤال عن الهند من عيوني

أي سؤال عن الهند من عيوني


NOTICE

تنبيه: هذا الموضوع قديم. تم طرحه قبل 6060 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أحمد@الوافي
    أحمد@الوافي

    مبتعث مجتهد Senior Member

    أحمد@الوافي المملكة المتحدة

    أحمد@الوافي , ذكر. مبتعث مجتهد Senior Member. من السعودية , مبتعث فى المملكة المتحدة , تخصصى قانون , بجامعة UEL
    • UEL
    • قانون
    • ذكر
    • اكسفورد, الرياض
    • السعودية
    • Jan 2007
    المزيدl

    August 26th, 2007, 03:26 PM

    السلام عليكم ورحمة الله وبركاته

    احييكم من مملكة العز مملكة الاسلام مملكة العروبة مملكة ابو متعب حفظه الله وجعله ذخرا للاسلام والمسلمين

    وبعد العودية الى ارض الوطن بعد شهرين قضيتها في ارض العجائب تنقلت فيها في كل الاماكن ورأيت بلد العجائب الحقيقي وقد كانت رحلة مليئة بالغرائب والاحداث والفوائد انشاء الله في بلد يختلف فيه الناس باختلاف الارض فترا في مكان عجائب صنع الله في ارضه وترا في مكان آخر عجائب البشر وفي الحقيقة احب ان انقل تجربتي وافيد كل من اراد الذهاب الى تلك البلاد سواء للدراسة او للسياحة فمن كان عنده اي استفسار او مشكلة سواء في المملكة او في الهند انا حاضر ويشرفني ان اجيب على اسئلته بكل صدر رحب
  2. أحمد!!!
    اخبارك وكيفك مع الاكل هناك,,, انا يعجبني الاكل الهندي خصوصاً البهارات طبعاً مو حار بالمره لكن مع كذا لازم اجلس يومين بعد الوجبه البطن يشكي كيف لو اجلس شهرين اكل اكلهم؟
    تذكرت نكته كان ولد عم الوالد رايح الهند ومن دخلها وهو مو قادر ياكل حاجة اخر شيء دخل مطعم وطلب بيض مسلوق
    جابوا طلبه والبيض ما فيه قشور وانجن يقول لا تقشروهم خلوهم انا اقشرهم هههههه جلس يومين في الهند وهرب!

    اعذرني اذا طلعت عن الموضوع لكن امس غداي في مطعم هندي والله وكيلك رايح فيها للحين!

    المهم انك طيب ورجعتلنا بالسلامة وان شاء الله ما تعبت ومشكور على هذا الموضوع الذي سوف تكون إجاباته من دون اي شك من مَن لامس ارض الواقع وعاش الحقيقة هناك...
    7 "
  3. هلا والله بكل حبايبي اعضاء المنتدى والله مشتاقلكم جدا جدا ومشكورين على المرور على الموضوع الي اتمنى اني اقدم فيه الاجابات الشافية لكل من اراد الذهاب لتلك الديار
    وبالنسبة للاكل انا ياخوي اردى منك اول ماطبيت الهند طبيت في بومباي الي يدلعونها (مومباي)لكن ما اقول الا الله يخسها من ديرة قعدت في مومباي ثلاث ايام كأنه ثلاث سنين من الي شفته هناك شفت الهوايل في ذلك البلد الذي يعد(بومباي)رمز العفن في العالم ويوم اخذت اقرب طيارة لبلد هو رمز الجمال ومنبع الكمال والدرة المكنونة والجنة المغفول عنها نسيت فيها اوروبا وغيرها نسيت فيها الدنيا باكملها الا وهي (غوا) اني اغبط كل من اراد الدراسة فيها لكن الي يخرب شيء من جمالها ان معاملة اهلها للسعوديين مهب بالحيل لانهم يتصورون اننا قاعدين نعذب الهنود الي عندنا فهم من وجهة نظرهم انهم يعاملوننا بالمثل لكن الي يمشي بطريقه ماعليه من احد
    والحقيقة ما ادري من وين ابدا بس هل ابدى بالامور الدراسية او الامور الحياتية والمعيشة
    7 "
  4. اخوي خوي الدرب حياك ربي والله يوفقنا واياك قبل كل شي مبروك القبول اول شي ثاني شي اتمنى اني اقدر افيدك من ناحية نيو دلهي فهي مدينة جدا حلوة ومليئة بالحدائق ونظيفة نظافة جدا ممتازة لانها رمز تقدم الهند وهذه المنطقة (العاصمة) تنقسم الى ثلاث مناطق (اولد دلهي)وهي دلهي القديمة وهي بلد العجائب وفيها اشكال البشر جميعا وانواع غريبة من الناس وانواع الديانات حتى تبي تلقى ناس يعبدون كل شي حتى الفيران هههههههههههههه الحمد لله على نعمة الاسلام
    وثانيا (نيو دلهي )وهي مقر الحكومة والشوارع فيها كأنك بالرياض وحرها حليل وبردها زي ماسمعت انه شديد وثالثا(آوت دلهي)وهي المناطق المحيطة بالعاصمة من ارياف ومزارع وتاج محل بعد عن دلهي اربع ساعات بالقطار لكن خلنا من المعلومات السياحية خذ الي يفيدك البلد عموما يعتبر غالي والفنادق غالية يعني المتوسط يمكن تاخذه 300 ريال (هذا الي ينقعدبه) وانا انصحك انك تتعامل مع الناس بحذر شديد جدا جدا لا تكب عشاك على طول هم يحبون الاسئلة الكثيرة من وين ووش تشتغل ووين ساكن وكم راتبك انت لا تكشر واجد ولا تضحك واجد والتكاسي خاصة لا تعطيهم وجه خلك رسمي وجاد والي بالشارع مالهم دخل فيك اياني واياك تعلمهم انك من المملكة والا ترا الاسعار دبل والمعاملة جفسة ونظرات الاحتقار تبي تلاحقك لكن صرفهم على طول قلهم ما ادري وش تقولون
    غير كذا لا تركب مع تكسي الا وانت متفق معه على السعر ترا هم يحبون شي اسمه هواش وصجة لكن نصيحتي الي من قلبي هي انهم مهما سبوك وتهاوشوا معك لا ترد عليهم نهائيا ولا تقولهم شي خلهم وامش والا ترا ما تلوم الا نفسك لانك انت اصلا جاي تبي تستفيد من العلم الي عندهم وتمشي ماجيت تتهاوش مع مليار شخص واتمنى انك تستفيد من بلدهم الي يعتبرون بالامور الطبية وامور الكمبيوتر متقدمين جدا على كثير من البلدان ويقولون من بغا الدح ماقال اح واذا بغيت اي شي ترا انا حاضر لو تبي اخلي احد يستقبلك بالمطار ويدبر كل امورك انا حاضي ومن عيوني انت او اي احد من اعضاء المنتدى
    7 "
  5. أحمد الوافي ، الحقيقة مالي فالهند و لا فكرت أروحها لأي غرض ، لكن غرضي الوحيد من دخول الموضوع هو أن أحييك تحية أخوية تحية ثناء و إعجاب بموضوعك و مبادرتك و تفانيك و رغبتك اللحوحة لخدمة إخوانك في مبتعث، وأحيي أمثالك من الأوفياء ، نعم الرجل أنت يا أحمد و هكذا الوفاء و إلا فلا يالوافي ،،


    :90:


    أرق التحايااااا
    7 "
  6. تسلملي اخوي lovely guy ومشكور على الثناء والله يجعلني عند حسن الظن وانا ماسويت شي والله بس حبيت اخدم اخواني المبتعثين الى الهند او الي يبي ياخذ دورات او شي لانه حرام يتبهذلون كلهم خل الطقة في واحد وباذن الله بحط التكاليف والاسعار لكل شي
    7 "
  7. أخوي انا سجلت وحطيت الهند الخيار الثالث بس كتبت في موضوع اني مسجله بالهند الاخوان قالوا ان انا مادورت الا الهند بس انا مقتنعه وانت وش رايك لبنت دراسه الهندسه بالهند واي احد يعرف معلومه لا يبخل علينا ترانا محتاجين لكم
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.