عام 2007 ما احد تخرج .. !!

هلا اخوي ...
مو معقوله ماحد تخرج لا تخرعنا اخوي ترى محنا ناقصين الله يخلييييك ...
انشالله في كثير تخرجو وبيشاركونا ويفيدونا انشالله ..
تحياتي لك

السلام عليكم اخواني الصراحه انا اعرف واحد تخرج قبل ثلاث شهور من تخصص ادارة اعمال بس الشهادة الى الان لم يستلمها علما ان جامعة بنقلور افادوه ممكن بعد سنة وهذا نظام الهند على مااعتقد
وشكرا ياشباب

بسم الله الرحمن الرحيم

دفعة 2008 هي دفتي وقد تخرجت واستلمت شهاداتي ولله الحمد بس باقي شهادة بنجلور تاخذ وقت.طبعا ماهي اهم من الشهادات اللي استلمتها .
تخصصbca كمبيوتر يعني .
سبب عدم تخرج الدفعة كاملة دفعتي 2008 اللي انت تقصدها .2007 قدومنا للهند, 2008 بداية الدراسة الجامعية. اسباب شخصية مع ملاحظة صعوبة الدراسة وعدم الانصاف الواضح من الجامعة الام .
ظلم في ظلم كنت اطمح انني اتخرج بدرجات عالية الى ان بدات الدراسة وشفت الظلم الحاصل للطلاب بشكل عام ,حتى صرت اطمح في التخرج وبس باي معدل.
اخي الفاضل فكر مليون مرة قبل تجي .
رغم ذا كله اعرف انك راح تجي لانك سعودي وراسك ناشف زي عشرات الطلاب اللي حاولت اقنعهم بس فكر وراسلني في اي وقت انا جاهز.
تذكر دفعة كاملة لم يتخرج احد على حد علمي الى من علم الله.
وانا جاهز في اي وقت لعلي اقنعك

انا اعرف واحد شخصيا درس BCA في الجامعه العثمانيه كليه نظام تخرج قبل سنه و الحين يشتغل

بكل صدق اكون صادق معكم اكثر

اخبرني بتصالي عليه

يقلي التصحيح ليدهم يدوي يعني يحتاجون وقت علشان يصححون

وانا بكل صدق بدية اغير راي بعد ما قرية رد اخي the dark secret

اخوي مو ظلم تتخرج وبعد سنه تنزل نتيجتك ...؟

صباح الخير ...
ايش ملاحظاتك على الدراسه بالهند ..؟
ليه ماطرحت هذا الموضوع قبل كذا لعل كلامك يغير مسار أحد الطلاب لمستقبلهم ..؟
وكيف يعني ظلم ، ياليت تشرحنا اخوي ، ومافيه لجنة خاصه بشكاوي الطلاب او حاجه زي كذا يعني ...؟
أتمنى تطرح هذا الموضوع علشان نشوف رأي كل طالب يدرس هناك أخوي ..
تحياتي لك وشكرا ،،،

صباح الخير ..
لا تستعجل أخوي في قرارك ، علشان لا ينقلب ضدك ..
صدقني اللي بيمشي سيداا في أي مكان ، راح تتسهل أموره انشالله ..
إستخير ربك والله يسرها انشالله ، وإسال أكثر من واحد ، شوف رأيهم كيف ... هل رجعو بفايده والا لا ..
تحياتي لك وشكرا ،،،

السلام عليكم ورحمة الله وبركاته
اولا اخواني اريد الفائدة للجميع والله الشاهد على ذلك.
اخوي anas18 انا ما اشتكيت من تاخر الشهادة ومثل ماقلت الشهادة الاهم وقد حصلت عليها ولله الحمد.
عشان اكون واضح معك الطلاب هنا يعاملون معاملة الطالب الهندي وهذا شيء جميل ,بس السيء في الامر ان الطالب الهندي مؤهل اكثر منا لانه درس هذه الاشياء في الثانوية وبكذا اللي يدرسة معنا فقط للتذكير, وهذا يتطلب اجتهاد منك انت لتكون معهم على المسار.
انا عانيت من ظلم التصحيح وهذا علي وعلى الطلاب كلهم بدون استثناء ومنهم الطلاب الهنود. اولا يجب ان تكون كاتب جيد حسن الخط وتكتب بغزارة شديدة وطبعا اكثر المدرسين يتعاملون بالاملاءيعني نص الحصة او اكثر املاء وهذا يرغبه الطلاب الهنود لانهم فلتات في الكتابة .ثانيا الاختبارات هنا لا تتطلب شطارتك وفهمك هنا يبغونك تكتب اكثر عدد ممكن من الصفحات لا يهمهم المعلومة صحيحة ام لا اذا تكتب كويس وسريع وخطك حلو تمشي بالسهولة اما الغير احلم.كان عندنا مادة اضافية ولك الحق تختارها اخترت اللغة العربية ,قلت فرصتي في الكتابة الحين ,المهم كتبت لهم اكثر من اللي في كتاب الف ليلة وليلة وطلعت نتيجت الطلاب كلها متقاربة56 من90 فرق درجة درجتين يعني اللي كتب واللي ماكتب كلو واحد.
اخوي اسير الايام بصراحة انا توي تفضيت للموقع سجلت هنا اول ماجيت الهند ولا اضفت اي مشاركة بس الحين تحت خدمتك .لا اريد لك الا المنفعة و للجميع باذن الله.
1:لما تطلع من الاختبار وانت متاكد من حلك وتفاجئ بنتيجتك صفر00 .هنا لك الحق تطالب باعادة التصحيح .لكن النظام يقول لا تعاد تصحيح اي نتيجة تقل عن 16 درجة مع انك متاكد لو تكتب اسمك بس لقيت درجة واحدة من وين جاء الصفر ذا اذا انت سلمت الدفتر كاتب حوالي 26 صفحة.
بالعقل كل ذي الصفحات مافيها درجة واحدة على الاقل .تعرف ليه خطي لك عليه .
بعد جهد جهيد قالت لي مدرستي كثر من التسطير. وبالفعل صرت احصل على درجة النجاح بس.
2:تروح مكتب الاستعلامات تقول متى يبداء تقديم اعادة التصحيح يقولون الاسبوع الجاي ويحددون لك يوم بعد. تجي على الوقت المطلوب يقولون لك انتهى الوقت انت تاخرت ,وهذي حصلت معي مرتين انا شخصيا .وراحت عليك المادة.
3:حصلت على ورقة اعادة التصحيح وقالت لك المدرسة انت معدي المادة بالراحة وتقدرلك درجتك الحقيقية ومن حقك تطالب بالتعديل تدفع مبلغ وقدرة للكلية عن طريق البنك وحوسة وفي النهاية ترجع لك النتيجة زايدة درجة واحدة فقط ولازلت راسب .هنا المدرسة تقولك الله يعينك عليهم مالك الى الدعاء.
4:بعض الكليات وليس كلها تقفل ابوابها بعد دخول الطلاب 10 ولا تقدر تخرج الى الساعة 3:30 نهاية الدوام شغل مدارس.
اسير الايام مشينا سيدة لين ملت الجدران من الحك فيها لكن مالك من الاحباط صدة .
اخواني ابغى لكم الجودة في التعليم والنقاوة في الاداء لا تذلل على شيء والله مايستاهل .وعشان ترتاح اسأل الملحقية كم طالب تخرج وهم راح يعطونك الجواب اذا كان النظام يسمح لهم .
اذا اتريدون اي معلومة او خدمة انا جاهز في اي وقت.
اسمحوني اذا فيه اي اخطاء لان لوحة المفاتيح عندي انجليزي ومبهذلتني.

هذه الهند بلاد العجائب تهون اذا عطوك صفر ما بالك اذا انت مختبر الماده و بعد سنه يطلعو عليك الماده انك راسب فيها و معاك ما يثبت انك معدي الماده و تروح تتطالبهم يقولو بكل بروده اسفين با الغلط و انت ناجح فيها بدرجه كبيره او تختبر ماده و وقت النتائج يقولو انت كنت غائب و معاك رقم الجلوس اما عن طريقه النجاح لو تكتب الي في الكتاب نص اعلم انك راسب و لكن الف مواضيع جديده و الف كتاب جديد اعرف واحد من الشباب كان عنده اختبار ماده الكيمياء الهندسيه حل ربع الاسئله و مش عارف ايش يسوي قام يكتب كيفيه طبخه كبسه المهم الدفتر امتلاء الي اخر صفحه و في وقت النتائج طلعت الماده هذه احسن من الواد جاب درجه كبيره فيها يعني في الهند حاول تمشي الامور حتي تتخارج منها و الله يوفق و يسهل للجميع ان شاء الله يااااااااارب