صرف الشيك المصدق من اول يوم

حبيبي ما يمديك تصرف الشيك الا لمن تفك حساب في البنك وغريبه محد علمك انك تصرفه في السعوديه اول ما تطلع الفيزا ؟؟؟؟؟؟

لازم اول شى تفك حساب وبعدين تعطيهم الشيك وخلال اضن كم اسبوع تلاقيه في حسابك ان شاء الله

الشيك ما ينصرف لك كذا

الله يعينك بس

هلا اخوي .. الشباب ما قصروا و قالوا اصرفه قبل ما تجي .. ع العموم انا ما زلت مصر اني اخذ الشيك معي .. كيف جميع الدول تقبل صرف الشيك من اول يوم و بدون فتح حساب معادا الهند ؟؟ .. سؤال صعب شوي .. يعني انا يمديني من اليوم اخذ الشيك و اروح اقرب فرع راجحي او اهلي او غيره و اصرفه مباشرة .. حتى في امريكا اعرف شخص صرف الشيك من اول يوم و في ماليزيا ايضاً .. و ايضاً شخص يعمل في البنك اخبرني ان فتح حساب يستغرق وقت و قد يتطلب اقامة لكن الشيك المصدق هو تماماً مثل الاوراق النقدية .. لا يمكن التلاعب به .. اصلاً المبلغ اللي في الشيك رح يكون محجوز من قبل البنك يعني حتى لو كان في تلاعب لا يمكنني مقاضاة من اعطاني الشيك بل البنك باعتبار النقود اصبحت مسؤولية البنك .. و الشيكات المصدقة تستخدم بكثرة من قبل السياح لأن صعب سائح يشيل في جيبه ما يعادل 20 الف ريال و لا يمكنه في نفس الوقت فتح حساب بنكي بسهولة و ليس من المعقول انه يستخدم الفيزا في كل شيء .. اذاً الحل هو الشيكات المصدقة اللتي تصرف عن طريق الجواز و تكون مضمونة للأطراف الاربعة (مصدر الشيك و المدفوع لأمره و البنك اللي قام باصدار الشيك و البنك اللي رح يصرف الشيك) .. يعني طريقة صرفها تشبه كثيراً تحويلات ويسترن يونيون (النقود اصبحت عند البنك و مصدر الشيك لا يمكنه التلاعب بأي طريقة او استرداد المبلغ مثل الشيكات العادية) .. الصراحة شيء حيرني جداً خصوصاً ان حمل مبلغ كبير قد يعرض الشخص للسرقة او مشاكل مع الحكومة ... و السؤال اللي محيرني اكثر كيف يحمل السياح اموالهم ؟؟ .. ع العموم اذا لم اجد جواب هنا فأنا مضطر اني اجرب بنفسي و بعدها اضع التجربة هنا و انهي موضوع صرف الشيك و كل التساؤلات حوله نهائياً .. و ربما سأضطر للتعامل مع ويسترن يونيون

براحتك اللهم بلغنا اللهم فأشهد... تعال الهند وجرب وراحت تكتب موضوع تحذير مدته ثلاث اسابيع طوال فترة الصرفدة

شكراً لك اخوي احدي .. بالمناسبة كم اكبر مبلغ يمكنني حمله في جيبي و انا جاي بدون مشاكل مع الحكومة ؟؟

نصيحه اخويه انا زمان ما احد علمني اني اصرفه في السعوديه وجيت الهند وتعذبت وربي لحد ما انصرف جلست حول شهرين مع فتح الحساب وحتى ينصرف وها الامور اسمع الكلام احنا نبغى الفايده لك وعشان توصل مرتاح ومستقر ما تقعد متمرمط ورا ها الشيك لا تصر ولا حاجه اصرفه وريح راسك عشان ما تجي وتكره نفسك وتكره الهند بسبب امر ما يسوى صدقني بتتتعب شوي عشان تصرفه وانا مجرب وانت كمان جاي بدون انقلش بتتعب اكثر واكثر


اللهم بلغت اللهم فاشهد

اخوي انت لسى مصرعلى هذا الشيك الله يهديك

كلامك صحيح و منطقي وهذا اللي كثير مننا كان يعرفه عن الشيك. لكن البنوك الهندية عندها قوانين غير العالم. ليش؟ بيقولوا لك قوانيننا و احنا احرار. واصلا ما في بنك راح يجلس معاك و يناقشك بالاسباب

بالنسبة لهذا الشيك المصدق فلا يمكن صرفه بإستخدام الجواز. هذا شيء مسلم فيه.
إذا حاب تجرب زي ما تقول على الاقل جرب بشيء جديد مو بشيء اغلبنا جربه و عارفينه. يعني مثلا ممكن تروح الراجحي قسم التحويل و تسأل عن الشيكات السياحية (Traveler's Cheque) او قول له ان الشيك هذا ما يصرف بالجواز وخليه يقول لك ايش الشيكات اللي ياخذوها السياح للهند و اللي ممكن تصرفها عن طريق الجواز. طبعا روح لواحد هندي و يكون فاهم.
على الاقل تجرب شي ما احد جربه و تستفيد و تفيدنا كمان


بالنسبة للمبلغ اللي تشيله في جيبك بالعادة الدول ما تدقق باللي داخل ولكن تدقق باللي مطلع فلوس برى البلد. فما عندك مشاكل. اذكر اني قد دخلت ماليزيا ب30 الف ريال في جيبي يقولون لك اهلا و سهلا اهم شي تصرفها عندهم و ما تطلعها معاك

في الهند بما انهم يدققوا بالتحويلات و الفلوس خصوصا على اعرب لاسباب امنية فممكن يسألونك اذا معاك مبلغ كبير جدا لكن ما اظن يقدروا يمنعونك. قول لهم رسوم الجامعة. و دامك مو مسوي شي غلط و اوراقك سليمة ما احد يقدر يمسك عليك شي. هم بس يحبوا يحققوا في اي شي. موظف المطار يحقق, موظف الجمارك يحقق, موظف البنك يحقق, متأثرين بأفلام بوليوود حقتهم.

كلام الانصاري واااااااااضح ونقوووووووووووووول الشيك معاناااااااااااه ولكن تعال وجرب بنفسك

شاكر للجميع مشاركته في الموضوع .. انا كذا كذا رح اخذ الشيك سواء صرفوه في يوم او بعد شهر .. لأني رح افتح حساب و ما عندي مشكلة اعتمد على ويسترن يونيون في البداية (اول شهر)

بعدين انا استفسرت من شخص يعمل في البنك و قال ان الشيكات المصدقة يمكن صرفها بسهولة بدون فتح حساب .. اذاً انا ما جبت كلام من راسي
ع العموم بينا يوم السبت ان شاء الله

بالنسبه لذي الي تقول انه قالك ينصرف بسهوله هههههه وربي ما انسا زيلي قالها الموضف حق البنك قال تنصرف بسهوله وانا صدقته ورحت وربي يا كرهت نفسي من كثر ما تمرمط وتعبت ورا ها الشيك ومن كثر ما كرهت نفسي دقيت على ابوي قتها قلت برسلك الشيك عن طريق البريد وانت اصرفه وقالو البنك انو صاحب الشيك لازم هو يصرفه هيا حلني وبعد معناه حول شهرين وانا اروح واجي ورا ها الشيك انصرف ولعنت استغفر الله ابو الشيك وابو الي اخترعه

يااخوي اسمع الكلام الله يهديك ويصلحك ويرضى على والدينك انا قدامك مجرب صرف الشيك وعانيت منه وربي بشكل ما تتصوره وتتخيليه انت


اخر كلامي لك اذا ما سمعت كلامنا كاااان الله في عوووووووووووووووووووووووونك من المرمطه الي حتدخل فيها