الأعضاء الإشتراك و التسجيل

الملتقيات
ADs

الرجاء دخول جميع طلاب وطالبات باكستان , فلنصنع ملتقى متواضع ليستفيد الجميع "

الرجاء دخول جميع طلاب وطالبات باكستان , فلنصنع ملتقى متواضع ليستفيد الجميع "


NOTICE

تنبيه: هذا الموضوع قديم. تم طرحه قبل 4041 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية طالب في باكستان
    طالب في باكستان

    محظور

    طالب في باكستان غير معرف

    طالب في باكستان , تخصصى طــالب , بجامعة Zakariya UNIV
    • Zakariya UNIV
    • طــالب
    • غير معرف
    • ملتان, البنجاب
    • غير معرف
    • Sep 2008
    المزيدl

    September 21st, 2008, 08:02 AM

    السلام علـــيكـــــم ورحمة الله وبركاتة .
    نود معاً بأن نحاول نجمع طلاب وطالبات جمهورية باكستان الاسلامية هنا في هذا الموضوع
    للأستفاده القصوى ,,, كما تعلمون ان الجديد كما الشخض الغريب الحائر لا مؤواا له ,
    فنحن هنا نحاول بقدر المستطاع الاجابه على اسئلتكم واقتراحاتكم حول دولة باكستان
    لأني انا اللآن ادرس في باكستان وان ايضا لدي بعض المعارف هنا في الجامعات والاكادميات ..

    ارجــوا منكم مساعدتي قليلا .. اتمنا ان اي طالب يدرس في باكستان فليكتب رد على الموضوع , مع ذكر المدينة اللي يدرس فيها واسم الجامعه والتخصص وجزاكم الله خيرا ,

    كما تعلمون هنا في باكستان يوجد طلاب سعوديين وعرب ولكن القليل منهم ,, وهؤلاء القليل يحتاجون الى القليل الآخر , فنحن هنا نحاول بقدر المستطاع الاجابة على اسئلتكم والباقي عليكم ,, الله الله بالردود .
  2. حياك الله اخي "طالب في باكستان"

    في الحقيقة أنه يوجد أكثر من 170 طالب سعودي بباكستان

    و كذلك أكثر من 400 طالب عسكري سعودي

    لكن أعتقد أن الدراسة و همومها جعلت الطلبة تترك الانترنت

    دعني أقول أني درست الثانوية العامة هنا (بباكستان) بحكم وجودي مع والدي

    و الى الان انا موجود في العاصمة اسلام اباد

    حقيقة عشان لا نعطي فكرة خاظئة عن باكستان

    الوضع مزري في باكستان من جميع الجوانب من النواحي الأمنية و التعليمية و كل النواحي

    و أجمل مافي باكستان أنها بلد اسلامي

    لنتحدث قليلا عن قصتي :

    تخرجت من الثانوية قبل 3 شهور و كنت متحمس للدراسة في باكستان

    لكن أغلب الشباب هنا نصحوني بالإبتعاد عن الدراسة في باكستان لصعوبتها و لاسباب منها شرح المعلم بالاوردو و غيرها

    و هناك شباب وهم الشباب الجاد نصحني بأن ادرس هنا لقوة التعليم في باكستان و هم شباب اتخذهم قدوة لي

    و أنا بإذن الله سأحاول اقناع الشباب بالكتابة في المنتدى

    و تقبل تحياتي
    7 "
  3. اهلن fofeto

    بخصوص كلامك عن قلة المشاركين من باكستان .. صح كلامك وانا كمان دورت وبحثت في المنتدى ومالقيت , علشان كدا كتبت هادا الموضوع ,

    بخصوص دراستك ’ في البداية ما واجهت مشاكل مع اللغه الانجليزيه ؟ وكيف اتعاملت معاها
    وهل انت مبتعث ام على نفقتك الخاصه .,
    وكيف حيد اباد , كيف الامن هناك وانتا ايش مسوي في الاكل ؟؟
    هل هناك ما يناسبك من الاكل ,, ام الاكل الباكستاني ... مرغي , بلاو .
    وما هي اسم الجامعه ,, وهل هناك طلاب سعوديين معاك هناك ؟

    عموما الله يوفقك في دراستك وان شاء الله ترجع السعودية وانتا طبيب اسنان محتــــرف
    مشكور على مرورك الفاضل
    7 "
  4. يا هلا بيك اخي ا " الزهراني اوتاو "
    بخصوص هموم الدراسه خلت الطلاب منشغلين عن النت ,,, انا معاك في هذه النقطة ,,

    وايضا بخصوص الاوضاع المتدهوره في اسلام اباد ,, اكيد في مشاكل كثير هناك وتفجيرات وما ادري ايش ,, بس الله يعين ويساعد .

    صعوبة الدراسة هنا ولكن زي ما قلت ,,, المستوا الدراسه هنا جدا عالي ,, تستطيع وبكل سهوله التقدم في الجامعات الكندية والبريطانية بالشهادة الباكستانية لأنها تعد من الدول المتقدمة في مجال التعليم ,,

    وواصل تعليمك ... ومافي شيء يجي بسهوله , وانتا اكيد عارف دا الشيء واصل واجتهد ,,
    ان شاء الله ربي يوفقك .
    شكرا على المرور تقبل تحياتي
    7 "
  5. هلا اخوي طالب فباكستان (:

    والله يا غالي صراحة لما جيت ع البلد ماكنت طالب جديد
    يعني سبق ودرست دراسة جامعية ولغتي الانجليزية كانت تمشيني
    لكن مع ذلك..تلقى مشكلة مع الباكستانين في التفاهم
    يعني هم يشوفون ان نطقك للكلمات غير سليم ومايفهمون عليك
    وانت كذلك تشوف نفس الشي..لكن مع الوقت تتعود وتمشي الأوضاع
    الأكل اكيد فيه مشاكل..عشان كذاا ما اكل من برا البيت الا من مطاعم
    زي بيتزا هت او مكدونالدز..لأن تسممت كثير من المطاعم وحرمت
    فانت الله يعينك..جيب لك خادم من الخدم اللي يعرفون يطبخون عربي
    اذا انت مو متعود ع الاكل الباكستاني والفلفل والبهارات

    انا فالبداية جيت على حسابي وبعد سنتين تقريباً التحقت بالبعثة
    وادرس فجامعة LUMHS والطلبة السعوديين مايتعدون سبعة طلاب.
    ومدري اذا سمعت بحيدر اباد..ماتختلف كثير عن ملتان..
    ولو ان جوكم أحلى من هنا..
    شوف يا غالي..صراحة الباكستان كل المشاكل اللي يقولون عنها
    احسها تافهة ومقدور عليها..لكن المشكلة الوحيدة اللي تعقدني..
    هي مشكلة الكهرباء وانقطاعاتها..ولو ان الفترة هذي من بداية رمضان تمام..
    الله يخليك يا طالب فباكستان ويوفقك فدراستك وترجع لأهلك بالمؤهل اللي
    يرفع راسك..وزي ماتفضلت في موضوع آخر..شهادة باكستان..تعطيك الفرصة
    فالمستقبل لجامعات كبيرة حول العالم..الله يوفق كل الطلاب
    الا ماخبرتني..
    انت عندك قبول والا راح يطلع لك قبول مع بداية السنة؟؟
    وش المجال اللي بتدرس فيه..وبأي جامعة..؟
    7 "
  6. اهلن يا اخ FOFEO ,, ومشكور على ردك ...
    اما بخصوص سؤال عن الجامعه والقبول ,,, صراحه انا الا الآن ليس لدي اي نوع من انواع القبول ..
    ولكن انا هنا جالس احضر نفسي من ناحية الانجلش وكمان دورات في الكيمياء واليفيزياء والرياضيات هنا حقت الثانوية بس بالنظام الباكستاني اللي هوا بالانجلش وكمان منها مراجعه ... عموما التعب هادا كلو علشا اختبار القبول بالجامعه وذلك السنه القادمة لأن هناك قبول في الجامعات الباكستانية فقط مره واحده في السنه وانا احضر نفسي للـــ ENRTY TEST ولكن مع الاسف اشعر بأتي لم انجح في هذا الاختبار الصعب والجامعه اللتي اول ان ادرس فيها هي في ملنان , اسمها " بهاء الدين زكريا " ( اسم عربي بيني وبينك ) في قسم الهندسة المدنية .... ولا سمح الله ما نجحت في الاختبار اشوفلي جامعه اهلية معتمدة ... والباقي على الله

    شكرا على مرورك
    7 "
  7. السلام عليكم ورحمة الله وبركاته

    اخوي fefeto ابي اسالك عن عدة اشياء فانا تم قبولي في نفس جامعتك لهذه السنه

    1- كيف مستوى التعليم وسهولته وصعوبته في جامعة LUMHS ؟؟

    2- لما اخذت سنتين حتى تم تحويلك على البعثه ؟؟ ارى انه وقت طويل؟

    3-كيف هي مدينه حيدر اباد؟

    4- هل الاسعار رخيصة هناك بالنسبة لاجارات الشقق ؟؟

    5- في حال احضرت عائلتي هل هي مناسبة لكي نعيش بها ام اتركهم هنا على طول احسن؟؟

    6-كم يكفى الشخص الواحد مصروف شهري للعيش بحالة متوسطه هناك؟؟

    ولك جزيل الشكر ياغالي
    7 "
  8. هلا اخوي هوتميل
    وأستأذن اخي صاحب الموضوع فالرد

    شوف يا غالي..
    انت على مايبدو ظروفك زي ظروفي أول ماجيت
    (على حسابك+عندك مؤهل سابق+متزوج)

    انت تقولي ان عندك قبول..يعني موضوعك شبه منتهي
    أنا لو بأنصحك..راح انصحك تغير الباكستان اذا كان عندك خيارات اخرى
    اما اذا مافيه..فتوكل ع الله..شهادة الطب تستحق التعب
    الجامعة مستواها لا بأس فيه..لكن الامكانيات اللي توفرها الجامعة للطالب عشان يتعلم..متواضعة..ماتقدر تقارنها بالجامعات الكبيرة..
    الصعوبة..فيه صعوبة لأن هذا طب..لكن مو لدرجة التعقيد..انك لا يمكن تنجح
    ذاكر=تنجح..
    وأنا اخذت وقت طويل..لان اول ماجيت كان فيه مشاكل سياسية..وتوقفات للدراسة
    فمدت السنة الأولى معاي لـ 21شهر..فلما ظهرت النتيجة..وافقت الملحقية برفع طلبي للالتحاق بالبعثة للوزارة وانضميت بعد شهرين..فكملت تقريباً سنتين..مع ان فيه طلبة ينضمون من اول شهر وهم في كورس اللغة..(على حسب الواسطة)

    بالنسبة لدفعات الطلبة الجدد..النظام الدراسي اختلف عن الدفع السابقة
    اصبح نظام اترام..راح اخبرك عنه..اذا الله كتب لك وجيت..
    لكن السمة العامة للاختبارات هو شفوي وتحريري

    وحيدر اباد منطقة تبعد عن كراتشي حوالي 150كيلو
    منطقة بسيطه فالشكل والخدمات واهلها فغالبهم فقراء..وجوها غالباً حار على طول السنة.
    في طلبه يتقبلوها ويقولون لا باس..حلوه ورخيصة..وفيه بعضهم يطفشون منها ومايواصلون..فتعتمد ع الطالب نفسه.
    ايجارات الشقق..تختلف..بالنسبة للعوايل..سكن نظيف..اتوقع راح يكون فحدود 10000روبية الى 15000روبية..يعني من 500ريال الى 700ريال فالمتوسط..
    وبالنسبة لسؤالك اذا بتجيب أهلك..فهذا أمر يعود لك..انت فالبداية شوف البلد
    انا قعدت عزوبي ثلاث سنوات..واخيراً قررت اجيبهم..
    واتوقع يكفيك في الشهر 2500ريال انت واهلك
    وزي ماذكرت في رد سابق..اكثر شي مؤذي فباكستان انقطاعات الكهرباء
    وبإمكانك تجيب مولد كهربائي وتخفف هذي المشكلة.

    وأي استفسار آخر ياغالي..أنا حاضر

    سؤالي لك..
    قبولك صدر من وزارة الاقتصاد والا بعد؟؟
    بتدرس طب والا طب أسنان؟؟
    وش مؤهلك السابق..وكم مضى ع الثانوية العامة؟؟
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.