إلى أهل الخبره رأيكم يهمناااا

ياخوي انت وين رايح الله يرضالي عليك وش الهند؟؟؟؟؟ بابع نفسك انت؟؟

جوازك سعودي؟؟ ياخي رح لكندا امريكا برطانيا استراليا لتقولي مصاريف زوجتك بتطاع ماستر صح ممتاز رح دبروا قبولها واللغه والفيزا وكل شي ثم رح للعطيه وخذ تذكره للديره اللي تبيها باذن الله شهر بالكثير وزوجتك مبتعثه وصير انت مرافق بلاهند بلامالزيا

كلام اخوي السمبثااااوي صحيح
اول خل زوجتك تشوف لها قبول ورح معاها على اساس انك مرافق وراح يضمونها للبعثه ما غلقت شهر زمان
وانت شف لك قبول لغة ومن بعده شف لك قبول بكالوريس في التخصص اللي تبي
واذا تبي نصيحتي وش لك وشل اسيا
بلا هند بلا ماليزيا والله حتى لغة انقليزيه زي الاوادم ما تتعلم
والله ان كان تبي نصيحتي والله رح على بريطانيا او استراليا او امريكا او كندا ما دام ان التكاليف مدفوعة وفاتحين الابواب والله بكره تندم انك ضيعت فرصه زي هذي وبعدين ترى المكافأه ان شاء الله انها تمشي بعد الزياده
على الاقل اذا بتتعب وتتغربل تطلع على شي زي الناس منها لغة ومنها شهادة قوية وتخصص زين
اعد النظر في فكرة الهند وماليزيا
واذا مصر مررررره انا اشوف الهند ازين بكثير من ماليزيا خصوصا في علوم الكمبيوتر اذا بتحولون تخصصاتكم
اتمنى لك التوفيق وتقبل مروري وتحياتي ،،،،

السمبثاوي << مادري كتبته صح ولا لا .... ما عـــلـــيـــنـــا

كنت تقدر تقوله لايجي الهند باسلوب ثاني غير اللي كتبته انت الله يهديك

ولعلمك انا دخلت الموضوع ابي اقوله مادامك مع المدام شف دوله ثانيه

لكن شفت ردك قلت في نفسي الشكوى لله

كلنا معنا جوازت سعوديه وش الجديد بالموضوع؟

وترى من تواضع لله رفعه

واللي يبي يدرس والله ليدرس لو انه في سجن

ياليتنا يا (( سعودين )) نوصل ربع مواصيل الهنود في التعليم كان حالنا بخير

بس مادام فيه ناس مثلك يهمها الديره وش تكون والله ماظنتي نبي نتقدم خطوه

عاد ماهو به الاسلوب بعد حتى انت الله يهديك
يعني ماعمر الخطأ تعالج بخطأ !!
يعني هو كانت وجهة نظره انه ما دام الدوله الله يعطيها
الف الف الف عافيه وفاتحه المجال لدول افضل بكثير من مستوى الهند او غيرها من الدول فليش لا ! !
يعني ليش الواحد يحصر نفسه في شي وماهو مستفيد ذيك الفايده وخصوصا في اكتساب اللغة اللي بعد هي تشكل مطلب كبير في الوظائف
مثل ما راح يستفيدها لو انه طلع امريكا او بريطانيا او كندا
وبعدين الدوله تكفلت بكامل المصاريف حتى لو في ارقى الجامعات االواحد بس يشد حيله والله ييسر له
وبيني وبينك ما دام الدعوه دراسة وبهذله وتعب ياخي يتعب على شي يستاهل ! !
صحيح ان الهند الحق يقال والله العظيم انا افضلها لو بروح ادرس حاسب عن استراليا او نيوزلاندا
لانها لها خبره في برمجة الحاسب ما يستهااان فيها
بس في الاخير والله العظيم لو تبي ترجع تدور لك وظايف والله يناظرون الدول الاوربيه وامريكا على انها افضل بكثير من الهند او ماليزيا
على العموم كلا له وجهة نظر تحترم وتقدر ،،،
تقبل تحياتي ومروري

انا انصحك لا تروح الهند ولا ماليزيا

روح امريكا او كندا ترى فيه جامعات رخيصه

وبالتوفيق يارب

الأخ السمبثاوي..جزاك الله خير على نُصحك..
لكن مادفعني للهند وماليزيا هو قلة التكاليف مقارنة بأوربا وأمريكا..
لأننا سندرس على حسابنا كما أسلفت..
لأن الإلتحاق بالبعثه صعب وله شروط خاصه ولايقبلون إلا نسب محدده ..لذلك قلت ندرس على حسابنا
ثم نلتحق بالبعثه ..هذا إذا ألحقُونا بها..
لذلك الواحد يفكر بأسوء الإحتمالات عشان مايتوهق ويوهق أهله معاه..
وأوربا وأمريكا غاليه لا نستطيع عليها..وخاصه وانني سأقدم إجازه بدون راتب من عملي..
الوضع صعب أخي..عشان كذا سألت عن الهند وماليزيا..
وأشكر جميع الإخوه الكرام (أبو جوري*NOLIIMIIT*)
الأخ الكريم MAJEED
جزاك الله خير.. لو تساعدنا بأسماء الجامعات الرخيصه هناك ومعلومات عنها وأسعارها..
وربي يكتب أجركم جميعاً يا إخوه..

مرحبا اخوي

بغض النظر عن كل شئ

اذا محتار الهند او ماليزيا انا افضل الهند

وخصوصا حيدر اباد بحكم انك متزوج الجو نوعا ما عائلي ومريح

انا كنت في بنقلور ووالله مارتحت مثل مارتحت بحيدر اباد

عموما حيدر اباد فيها ثلاث جامعات معترف فيها

الجامعة العثمانية

فيها أغلب التخصصات للبكالوريوس والماستر

جامعة حيدر اباد

فقط ماستر
أو دراسة البكالوريوس والماستر معا

وجامعه جواهر نهرو

تكاليف الدراسة للسنة الواحدة تختلف حسب التخصصات لكن تقريبا ماتتجاوز الاربعة الاف ريال للسنة الواحدة


بالنسبة لمدينة حيدر اباد نوعا ما مريحه ورخيصة .. أرخص من بعض المدن الهندية

فاذا قررت على الهند نصيحة لوجه الله لاتجي الا حيدر اباد

تراني متزوج مثلك ومتفهم ظروفك ومريت بنفس الحاله تماما : )

والله يوفقك

أخي الفاضل..anaadl

جزاك الله كل الخير على مساعدتك...

اسمح لي ببعض الأسئله معليش
- كيف السكن هناك وهل توجد مضايقات وهل يوجد أمان وكم السعر بالشهر؟
-هل زوجتك تدرس؟وإذا كانت كذلك فكيف الدراسة بالنسبة للنساء وماهي أفضل جامعة لهن
وأكثر السعوديات بأي جامعه.؟
معليش طولتها عليك اخوي.... وربي يجزيك الجناااااااااان

مرحبا اخوي

- لاتوجد مضايقات وبالنسبه للسكن يختلف حسب الاحياء
لكن بشكل مقبول وعام تجد من 500 الى 700 ريال شهريا

- زوجتي تدرس حاليا معهد لغه ولكن في القريب ان شاء الله ستدرس ماستر
والدراسه للنساء مثلها مثل أى دوله بالعالم وطبعا تختلف الكليات على حسب التخصص
بالنسبة للسعوديات حقيقة نادر جدا ربما على الاصابع


وربي يوفقك