هذا ماحصل معي مع القنصل الهندي في جده

March 4th, 2009, 02:21 AM

السلام عليكم ورحمة الله وبركاته


بسم الله والصلاة والسلام على رسول الله سيدنا محمد وعلي آله وصحبه وسلم

اريد ان اشرح لكم ماحصل معي بالضبط مع القنصل الهندي في جده بالتفاصيل وكيفية استخراج فيزا طالب

اولا: انا طموحي منذ اربع سنين الخروج لاكتمال الدراسة ولكن قدر الله وماشاء فعل كل سنه يأتيني رفض من وزارة التعليم العالي وفي الاخير قررت ادرس علي حسابي الخاص .

اليكم التفاصيل بدقة

في الاونه الاخيره كنت اقرى كثيرا جدا عن الهند ودراستها وتحمست جدا للدراسة فيها وارسلت اوراقي الى مدينة قوا واتأني القبول منها وبقي لي فقط الفيزا وقررت الذهاب الى جده لكي استخرج الفيزا الهنديه منهم علي حسب علمي ان السفاره الهنديه في جده اسهل واحسن من اللي في الرياض

انطلقت يوم الجمعة الموافق 27/2/2009 الساعه 11:30 من مدينتي حفر الباطن متجه الى طريق الرياض مرورا الى القصيم المدينه المنوره جده والحمدلله وصلت جده يوم السبت الساعه 9:00 صباحا وكان المسافه 1450 كيلو متر
اول خطوه: ذهبت الى بنك الراجحي لكي استخرج الضمان البنكي للسفاره الهنديه وقيمته 7000 ريال وفوائد البنك 200 ريال وجلست انتظر الى الساعه 2 الظهر ومن ثم استلمت الضمان منهم وانطلقت الى السفارة لكي اقدم الاوراق وقبل وصولي للسفاره اتصلت عليهم بالتلفون وكلمني هندي

الو السلام عليكم
الهندي: وعليكم السلام ورحمة الله وبركاته
انا: كيف حالك كويس
الهندي: الحمدلله ميه ميه يامرحبا
انا: انا ابغى سوي فيزا طالب انا قريب سفاره
الهندي: اوكي اوكي تعال عند خط اسود

ثم قفلت واستغربت الخط الاسود ايش هذا وصلت السفاره وكلمت السكيورتي قالي اوكي روح المكاتب هم يستخرجون الفيزا قلت للسكيورتي انا كلمت الموظف وقال تعال رد علي قال اها اوكي روح خط اسود هذا

والخط الاسود طلع ياجماعة الخير طريق يوصلك للمكان الموظف
اول مادخلت عليه وسلمت

الا تفاجئت باللي فز من مكانه علي طول ياهلالالالالالا

ويحبني كنه يعرفني من 10 سنوات وحده علي جنب والثانيه الجنب الاخر والثالثه علي الاجنب الاول
استريح استريح

انا قلت بقلبي لا يكون الولد مشبهه علي هههههههه

بعد السلامات قلتله ابي اسوي فيزا دراسه قال مافيه مشكل وعطيته الاوراق وجلس يناظر فيها
قال اووكي الحين ورق كلو مزبووط
قال بكره ان شاءالله يجي الصبح علشان انته يدخل علي قنصل بس انت متى تخرجت من الثانويه

قلتله تخرجت قبل 7 سنوات

قال اممممممم طيب ممكن قنصل كلام ايش سوي 7 سنوات هذا ايش كلام انته

قلتله والله اقوله جالس قال لا انته قول كذا علي طول قنصل كلام مافيه فيزا

قلت ايش كلام انا ايش قول

قال قول صحيح كلام مزبوط انا يساعد بابا كذا كذا بقلبي قلت وش مدريه فيني

قلت طيب

الا علي دخلت واحد اجنبي علينه والتهى فيه هو قلت انا ابغى اروح بكره يجي قال اوكي

ومشيت

من بكره الصبح الساعه 9 وانا مسنتر عند السفاره دخلت هالمره انا وصاحبي اول مادخلت وهو يبوسني علي طووووووول ويصافح صاحبي وجلسنا

هاه ورق كلو مزبووط قلت شوف هذا ورق

وجلس يفتش قال مافيه شهادة ثانويه قلت ممممممم انا مافيه قال لو فيه ميه ميه

تذكرت اني مسوي شهادتي مترجمه في اميلي قلت ايه موجود اميل قال اوكي روح خلي احتياط سوي طباعه من بره مكتب

وانا اطير للمكاتب واطبع الشهاده وارجع للسفاره انتظر القنصل

الا وشوي دخلت القنصل يبغى يروح لمكتبه ياجماعه عطاني نظره ماادري كيف يعني مثل ماتقولون

يقول بقلبه وش يبغى هذا وليه جاي بحكم اني لابس شماغ وعقال وداخل عليهم

صاحبي جنبي يقول الظاهر نظرته ماتبشر بالخير

المهم جلسنه شوي الا دخلونا الصاله اللي داخل وكان قدامي 3

اول واحد خش عليه جلس فتره بسيطه الا ياجماعه الخير اول ماطلع رفضه القنصل

الثاني رايح سياحه دخل عنده 10 دقايق يوم خرج جلس جنبي والثالث مشى دخل علي القنصل

انا سألته قلتله وشقالك قال والله بس يسولف هو والمترجم وانا ابتسمله وقالي اوكي

طبعا سياحيه علي طول تطلع عادي

اللي راح ماطول 3 دقايق وخرج ومبسووووط موافق له القنصل بس انه حركات جينز وشغل عدل

انا دخلت والله اني مرعوب اخاف يرفض وتروح احلامي كلها هباء منثوره

ضربت الباب اول مره سكت

ضربت الباب مره ثانيه الا يقولي كمااااان يعني تعال
وادخل السلام عليكم
القنصل: ساكت
انا: قود مورنق
القنصل: سيت دوان
اشر علي الاوراق واعطيه

واشوفه يمسك القلم الاحمر وانواع الرسم يحط دوائر علي التواريخ والسوالف هذي

انا شفته كذا قلت بس راحت الفيزا والله ياماجد

قلتله اتس بروبلم ذا ديت ؟

مارد علي نهائيا
جلست اناظر فيييييه بتمعن مايقارب 5 دقايق الا دخلت هندي عليه يبغى القنصل يوقع اوراق
وهو يوقع انا اطالع فيييه ولا فجاه يطالع فيني القنصل وقالي (فيه مشكل ؟؟!!!) بنظره خايسه

رديت عليه انا طبعا ابتسمت حيل انا وقلتله نو بت ايم سي يور ساين اتس فيري نايس

انا قلتله كذا وعلي طول يعطيني الابتسامه العريضه وجلس يوقع بالاوراق
انا من اللحضه هذي ياجماعه ارتحت حييييييل بس لسه فيني خوف

الا وعلي دخلت المترجم علي وجلس

اول سؤال سألني طبعا القصنل يسأل المترجم والمترجم يسألني

القنصل: ليش روح هند انته يدرس ولا يلعب ؟
انا: لا انا رايح دراسة ان شاءالله
القنصل:كم وقت انته خلاص مدرسه؟
انا: 7 سنوات
القنصل:ايش سوي بعد خلاص من مدرسه7 سنه؟
انا: والله كنت اساعد الوالد في امور البيت والاخوان والحلال
القنصل: انت في شغل ؟
انا: لا مااشتغل بس عند الولد غنم اساعده واروح ابيع منها واشتري الخ
القنصل: كم غنم موجود انته؟
انا: مايقارب 200
طبعا جاه اتصالات بين كل سؤال وسؤال 5 دقايق علي مايخلص المكالمات والمعاملات اللي تجيه
القنصل: انته روح هند الحين مين ساعد بابا مال انته حق غنم
انا: لا الحمدلله الحين بازوره باجا كبير كلو ساعد
طبعا الحين يتكلمون بينهم القنصل والمترجم ويضحكون اسمعهم يقولون بكري وبكري

بكري بالهندي يعني غنم

القنصل: كم اخو انته
انا: 7
القنصل: في شهاده مدرسه موجود ؟
انا: قلت اييييييه موجود وطالعها من الملف طبعها مو واضحه حيل
القنصل: بس هذا مدرسه خلاص من 11 سنه
انا: لالالا مو صحيح واوريه التاخريخ واترجمه بالانقليزي
القنصل: اوكي خلاص روح مكتب حطي جواز

واخيراااااااااااااااااااااااااااا الفيزاااااااااااااااا وافقوا عليهااااااااااااااااااااااااااا

ياجماعه ماتتخيلون شكثر فرحت فيها وعلي رحت اركض الا واطالع الهندي صاحبنا الاولي اللي بالاستقبال صديق صديق ايش سوي واوريه الاوراق ويقولي مبرووووووووووك فيزا خلاص

واركض علي المكاتب وادفع لهم مايقارب 575 علشان تطلع بنفس اليوم وقالولي الساعه 5 العصر تستلمها قلت طيب الحين خليني اروح اسوي عمره وارجع والحمدلله اخذت عمره ورجعت
واخذت الفيزا ورجعت للشمال محافظة حفر الباطن

وانا ان شاء الله مسافر يوم الخميس علي قوا اللي يوصي شي ياشباب يقولي قبل لا امشي


وان شاءالله اني مااقصر مع الجميع

تحياااااااااتي للجميع

• نشر عبر تويتر
• نشر عبر فيسبوك
• نشر عبر جوجل