الأعضاء الإشتراك و التسجيل

الملتقيات
ADs

طلاب ملتميديا انا نفسيتي تحطمت خلاص يا تساعدوني والا بنتحر :(

طلاب ملتميديا انا نفسيتي تحطمت خلاص يا تساعدوني والا بنتحر :(


NOTICE

تنبيه: هذا الموضوع قديم. تم طرحه قبل 6354 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Jseven
    Jseven

    مبتعث فعال Active Member

    Jseven الولايات المتحدة الأمريكية

    Jseven , ذكر. مبتعث فعال Active Member. من السعودية , مبتعث فى الولايات المتحدة الأمريكية , تخصصى IT , بجامعة Ferris State University
    • Ferris State University
    • IT
    • ذكر
    • Big Rapids, MI
    • السعودية
    • Jun 2006
    المزيدl

    November 5th, 2006, 04:22 PM

    السلام عليكم

    حلوه انتحر والله ماطرت

    قصتي :

    قدمت على ملتميديا عن طريق مكتب ناصر وجاني رفض بسبب درجة الرياضيات

    انا دارس سنتين بجامعة خاصه بالسعوديه تخصص IT وابغى اكمل تخصص امن معلومات في ملتميديا

    السنتين اللي درستهم اخذت كورس رياضيات 8 ساعات والحمدلله نجحت فيه بدرجه كويسه

    ابغى اقدم الان عليهم بالسجل الاكاديمي كـ انتقال من جامعه لجامعه وخايف يجيني الرفض وبعدها انتحر صحيح

    المشكله اني فصلت من جامعتي واكلت خرا الله يكرمكم

    وضاع علي ترم المفروض الان في ماليزيا وبدأت الدراسه لكن بسبب الرفض اضطريت اني اتاخر الى الترم القادم

    ابغى احد يساعدني احصل على قبول بتخصص امن معلومات

    كلمت مكتب اريج العالم والله ماقصروا معي كل شوي يراسلون الجامعه ويستفسرون وبالاخير قالوا احنا نراسل لك ولكن مانضمن لك القبول

    كلمت شركة المهاجر وقالوا نفس الكلام نراسل لك ولكن مانضمن لك القبول

    عرضت علي عدة حلول :

    الاول : بعثه على حساب الدوله مقابل 10 الاف ريال ، لكن لعن الله الراشي والمرتشي وانا مابي ابني مستقبلي على شي حرام

    الثاني : تعديل درجة الرياضيات ورفعها الى 60% ، ولكن نفس الكلام يعتبر تزوير وحرام

    انا مابي حرام مابي حرام مابي راتبي بكره وحياتي كلها من مصدر حرام

    انا مستعد اسوي هالحلول ولكن ماينفعني عند ربي شي ولا ينفعني احد ولاتنفعني دراستي ولاتنفعني شفاعة الشافعين

    دعيت ربي ليل نهار والى الان ادعيه ان الله ييسر لي اجرائات القبول

    انا بطلع على حسابي الخاص لان الوزارة رفضوني وقالوا لي انقلع

    الان مالي الا الله ثم طلاب جامعة ملتميديا ، لعل وعسى احد فيهم يعرف لجنة القبول والتسجيل يتوسط لي عندهم من غير دفع فلوس زياده لانها رشوه محرمه مثل ماذكرت

    الفلوس طز فيها فلوس لكن مسألة احطها بشي حرام مستحيل

    انا مستعد اخذ البعثه والوزاره هم يجيبون لي القبول ويسوون لي كل شي بمقابل 10 الاف ريال لكن رفضت

    انا بروح على حسابي الخاص واحول بعدها على حساب الوزارة راح تكلفني على الاقل 25 الف ريال سعودي

    يعني دبل اللي راح ادفعه لموظف الوزاره المذكور

    لاحد يجيني يقول وين هالموظف والا دلني عليه والا شي انا مامشي بحرام ولالي دخل بهالحاجات وانا بريئ منهم ومن اعمالهم

    عيال عمي وعيال جيراننا كلهم حصلوا على الضمان المالي وخطاب السفاره عن طريقه

    لكن انا رفضت مثل ماقلت لكم

    بالله اللي يقدر يساعدني يمد يده وماله الا دعوه صادقه بظهر الغيب

    جاني واحد يقولي انت مو خسران شي مستقبلك متوقف على هالدرجه على هالرقم المكتوب في الشهاده وهو مايعبر عن مقياس ذكائك وبعدين لو تعدلها انت مراح تضر احد ولا راح تقطع نصيب احد ولا راح تزور ميراث وتاخذ حقوق احد

    كلها تعدل هالدرجه وتضمن مستقبلك وهو من صالحك

    صراحه اانا مارتحت وقلت اخليها حل اخير اذا طالت وطالت والله لايحدني له

    انتظركم تراني متحطم ونفسيتي زفت
  2. هلا فيك أخوي جي سيفين.................وهدي شوي بلاش الانتحار احنا ناقصين وفيات حوادث.......................................!!.... ..............................وأشكرك على أمانة ضميرك الشرعيه وعلى احترامك للدين بعدم استخدام أو اللجوء إلى الحرام...............................وبالنسبه لمشكلتك لها عدة حلول ..أولها انك تجي على ملتميديا في بداية السمستر القادم لأنه فاتك التسجيل الآن وتستفسر بنفسك وراح أساعدك أنا كمان .....والشي الثاني اتصل على مكتب دروب التنميه واستفسر منهم كل حاجه لاتخلي شي لأنهم خدومين جدا.................والشي الثالث:إذا مازبطت الطرق هذي سواءا ماقدرت تسافر أوغيرها أنا مستعد أسعى لك وأستفسر هل هو بإمكانك ولا لأ .....,,,,,وأي خدمه أنا حاضر.
    7 "
  3. والله انا ماحطمني الا مكتب دروب التنميه هذا

    بعد ماجاني الرفض قلت ابيكم تقدمون لي بالسجل الاكاديمي

    قاموا يقولون مانقدر ولاعندنا خلفيه وقام يقط كلمه تفهمها وكلمتين ماتفهمها

    قلت مالي الا المكاتب الثانيه

    المهم صلوحي انا افكر اني اطلع ماليزيا سياحه واسجل هناك بنفسي بس اخاف انرفض واكل هوا صحيح

    ولا اعرف احد هناك واذا عرفت ما امون على احد

    هذا عنوان المكتب اللي عنده السالفه

    First Floor, Block B,
    Multimedia University,
    Jalan Ayer Keroh Lama,
    75450 Melaka, Malaysia

    Enquiry Numbers:
    Local Students:
    +6 06-252 3443
    +6 06-252 3639

    Fax Numbers:
    +6 06-231 8255

    International Students:
    +6 06-252 3568
    +6 06-252 3641

    Fax Numbers:
    +6 06-231 8255

    لو تقدر تسألهم عن وضعي اكون شاكر لك

    ولو تبي نسخه من السجل الاكاديمي يشوفوها ويردون لي خبر عطني رقم فاكس ارسل لك عليه نسخه يشوفوها

    لو تقولهم الطالب راح يجي بنفسه الى ماليزيا عشان هالمشكله ولا عنده اي ضمان للقبول يمكن يتسامحون شوي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.