تحذير هام من سنغافوره (للكل ولطلاب المرحله الخامسه بالذات)

August 3rd, 2009, 10:29 AM

السلام عليكم ورحمة الله وبركاته,,,,
الى اخواني واخواتي المسلمين والسعوديين وغير السعوديين ارجوا منكم من فكر للذهاب لسنغافوره للدراسه يلغي هذه الفكره تماما او حتى سمع واحد من اصحابه او اقاربه يبغا يروح هناك يخليه يغير رأيه وذلك لاكثر من 100 سبب ولانه لا يوجد سبب واحد يجعلك تذهب هناك.

انا كنت مبتعث لهذي الدوله للاسف مع الاوضاع الصعبه والمعيشه الفاحشة الغلاء والعنصرية التي ليس لها حد ضد العرب جلست فقط 5 شهور ومن بعدها قطعت البعثه ورجعت لبلدي الحبيبة لكن بعد فوات الاوان وضياع كل شي (عمل, سيارة,بيت)الله يعوض اهم شي الصحه والله يسامح اللي كان السبب. سأسرد لكم بعض الاسباب ولكني احذركم أن هناك شرذمه ممن يتغنون بهذه البلد ويمدحون فيها ليس حبا في البلد لا والله لكن لأنهم اناس مرضى (يقولو احنا ورطنا هنا ما نورط لحالنا خليهم يجو وش عليك) المهم فأنا احذر واتوقع انه اغلبية الشعب سيوافقني الرأي في عدم كفاءة سنغافوره لتكون دوله تبتعث اليها:
1- غلاء المعيشه: الدولة جدا غاليه ومتوسط السكن فيها اغلى من بريطانيا وتصنيف الوزارة لها (ب) وليست (أ) كاستراليا وبريطانيا فالفرد في سنغافوره ياخذ تقريبا بين ال5000 وال 6000 ريال للمبتعث الاعزب بينما في بريطانيا واستراليا ياخذ بين 7500-9000.
2- الاكل وندرته: 90% من الطعام هناك غير حلال وحتى اذا كان حلال لا يمكنك اكله من طعام غريب للصينيين ولكن 10% الباقيه هم ماكدونالدز وبرجر كنج وكنتاكي وقليلا من المطاعم الشامية واللبنانيه والايرانيه الغالية جدا وجودة الاكل عادية جدا فمثلا شخصين لو راحو ياكلو في مطعم الحمرا او القصر ( وهم مطاعم لبنانيه حلال) ما راح يخرجو باقل من 250 الى 300 ريال. لدرجة انه بعض الشباب يذهب لماليزيا في عطلة الاسبوع لتقضية حوائج المنزل والأكل في المطاعم هناك.
3- العنصرية: والله انك تحس انه الصينيين ملوك الارض من كتر ما هم شايفين نفسم وفي الاصل هم وسخين معفنين ما تشغلو سواق عندك. انا حصلي كم موقف منهم عندما كنت انتظر الباص كان لا يوجد احد معي في المحطه فسواق الباص الصيني اللعين ما وقفلي. موقف اخر رحت الجامعه ابغا اقدم بنفسي (لانه الملحقيه ما قصرت ما شاءالله وما قدرت تجيب قبولات لاحد لاكتر من 50 مبتعث و35 مرافق)فلمن رحت ابغا اتكلم مع مسئول في القبول يقولولي حط الاوراق وامشي. يا ناس ابغا اتكلم مع المسئول أو المسئوله لالالالا اذهب هذا كان ردهم لي. موقف اخر كنت في محل الكترونيات ابغا اشتري شي اقله بكم يقلي 400 دولار قلتله ما يجي ب 350 يقلي يالله اخرج انقلع وياشرلي بيده زي كاني حيوان ( لعنت سلسفيل ابوه وعلمته الادب) بس والله قلت حيا.
4- اللغه الانجليزيه: ومادراك ما هذه اللغه والله اتحدى واحد يعرف انجليزي 100% يروح يفهم كل الكلام (من كتر العنصريه مسويين لغه خاصه بيهم خالطين بين الانجليزي والصيني ويسمونه السنجلش) singlish not english
طبعا تسمية اللغة تتكون من جزئين eng lish الجزء الاول جاي من england فمن العنصرية قامو بتاليف sing lish وهي جايه من singapore.
5- الكره والحقد على المسلمين: السنغافوريين يشبهون انفسهم باليهود وبل يطلقون على انفسهم اسم يهود شرق اسيا وذلك لانهم كفرة بين مسلمين ولانهم صينيون بين جاوا او كما يعرف بالملاويين. واليهود كفرة بين مسلمين واوربيون بين العرب. ويخافون من التخالط الفكري لدرجة انهم منعو الدش ( الطبق الذي يتم استلام الترددات فيه لاستقبال القنوات) عشان لا يخرب فكرهم.
6- القبولات: انك تجيب قبول دا شبه مستحيل واللي يقول انه في 10 او 12 جاهم قبول دا كداااب اللي صار انه الملحقيه رفعت الاوراق لوزارة التعليم السنغافوري ووزارة التعليم ارسلت الاوراق للجامعات والجامعات ردت بانه 12 بين 55 ممكن ينقبلو بشروط وهي درجة الاختبار الانجليزي والمقابله والgemat or gre واللي ما يعرفو كتيير من الناس انه حسب العدد اللي مقدم طبعا ييعني بالعربي لو في ناس مقدمه من الصين ومن دول تانيه راح يفضلوهم على السعوديين لانه عارفين انه السعوديين ما راح يمشو في الدراسه وذلك اثبت من تجارب سابقه ( ولمن اقول تجارب اعني حقل تجارب) لانه من الدفعه الاولى 90% منهم رجعو او الغت بعثتهم والباقي مهدد بالفصل في اي وقت ماعدا واحد سالكه اموره ماشاءالله.
7- الاضرار الصحيه: البلد جدا مرتبه ونظيفه لكنها ملوثه تلويث عجيب وذلك لانه البلد مرره صغيره واقتصادها قائم على الميناء والكم مصنع والمطار فبسبب الميناء والمصانع الجو جدا ملوث ولو تسال اي اجنبي في سنغافوره تقولو اروح البحر اسبح يحذرك 100 مره انه المياه ملوثه انا بنتي وزوجتي عانو صحيا كتيييير.
8- دولة ممله: دولة جدا صغيره قد جده او اصغر كل الدوله وممله يعني اللي ناوي بس ياخد لغه ويرجع يبغا يتمشى لا يروح لانه الدوله بالزبط ما فيها غير (جزيرة سنتوزا- حديقة الحيوان- اورشارد والاسواق- والكلارك كي- والنهر) يعني لو رحت سنغافوره سياحه وانا ما انصح احد يروح ابدا 3 ايام تكفي تخلصها.

يمكن في ناس تقول هادا راح فشل عشان كدا يقول الكلام دا لعلمكم الانجليزي اجتزته من اول شهر وانا الوحيد اللي جاني قبول غير مشروط في يدي وعن طريقي وبنفسي وليس عن طريق الملحقية لكن لم اكن مرتاحا لا نفسيا (عنصرية وسوء معاملة), ولا ماديا(غلاء فاحش وراتب ما يكفي), ولا صحيا (امراض متتالية لبنتي واهلي). فقررت مع كل الخسائر اني كمان اخسر البعثه.

ارجو من الاخوان اللي سوف يزعلو مسامحتي ولكن هذه الحقيقه والله يسامح كل من كان السبب في ذهابي الى هناك.
اللهم هل بلغت اللهم فاشهد

طلب خاص: الرجاء من الاخوان اللي مشتركين في منتديات اخرى ينقلو الموضوع على ذمتي.

• نشر عبر تويتر
• نشر عبر فيسبوك
• نشر عبر جوجل