عرض للطباعة
السلام عليكم جميعا
حبيت اعرف مين درس او يدرس في جامعه ukm لاني افكر ادرس فيها
ممكن اعرف بالنسبه للانجليزي بكم تكون الدراسه فيه بما انه اجباري؟
وايش التخصصات الموجوده فيه وكم سعر الترم الواحد؟؟ وسهل الانضمام للبعثه؟؟؟
واي اضافات ياريت تفيدوني
وجزاكم الله خير
عليكم السلام ورحمة الله وبركاته
كيفك يا محتارة. طبعا انا من الطلاب الي يدرسون في جامعة UKM وتبقى علي فصل لاكمال الماجستير و الجامعة قوية ومن اقوى الجامعات الماليزية وهي هي مابين المراكز الثلاثة الاولى.
اما بالنسبة لدراسة الماجستير في الجامعة الوطنية الماليزية UKM فهي رخيصة جدا.
كل ما يتعلق بدراسة الماجستير في الجامعة الوطنية الماليزية UKM
طبعا دراسة اللغة الانجليزية تقدر حوالي 2050 ريال تقريبا لمدة قصل دراسي كامل ومدة الفصل 4 شهور تقريبا. ( طبعا دراسة اللغة الانجليزية تكون في كلية اللغة الانجليزية في نفس الجامعة )
اما بالنسبة لتخصصك يختلف حسب التخصص وياليت تخبريني عن تخصصك عشان اعطيكي البيانات الصحيحة ( انا درست الترم
الاول من التخصص ( الرياضيات البحته ) وكانت التكلفة تقدر بحوالي 2000 ريال تقريبا.
الترم الثاني من التخصص( الرياضيات البحته ) قدر بحوالي 1820 ريال تقريبا.
اعلى سعر لدراسة كل ترم من التخصص مايزيد عن 2500 ريال.
الاسعار جدا جدا جدا جدا رخيصة. والجامعة قوية.
بالنسبة للاساتذة الذين يقومون بتدريسنا جميعهم بروفيسور بالنسبة لطلاب الرياضيات الماجستير. اما بالنسبة للبكالوريوس فان الاساتذة الذين يقومون بالتدريس فهم اساتذة ودكاترة.
كل ما يتعلق بالسكن والمواصلات:
يوجد هناك سكن للطلاب الاجانب بداخل الجامعة وسكن لاباس به ولكن خدماتها ضعيفة تقريبا وتقدر تكلفتها حوالي 400.ريال اما بالنسبة للسكن خارج الجامعة افضل من جميع النواحي من ناحية جميع الخدمات متوفرة ورخيصة حيث
يقدر اعلى سعر للسكن في شقة ثلاث غرف ودورتين مياه ومطبخ حوالي 850 ريال واقل سعر حوالي 400 حيث فيه ثلاث غرف ودورتين مياه ومطبخ.
بالنسبة للمواصلات فهناك باصات متنقلة من السكن للجامعة تقدر 1 ربال للذهاب وعودة 1 ريال وجدا رخيص حتى لو كان مشوار بعيد غير الجامعة قد تتعجبين من هذه الاسعار وهذا الرخص. ازيدك من الشعر بيت هناك باصات
داخل الجامعة تاتي بشكل دوري كل 10 دقايق مجانا للطلاب. وكذلك توجد القطارات التي تنقلك لمسافات قريبة او بعيده.
اما ما يتعلق بالتتخصصات الموجودة في الجامعة:
العلوم الاساسية ( رياضيات - فيزياء - كيمياء ) - كلية هندسة - تقنية معلومات - كمبيوتر - مركز الدراسات العليا للادارة - كلية
الصيدلة والقانون - كلية الاقتصاد والتجارة - كلية الدراسات الاسلامية - العلوم الاجتماعية والانسانية - كلية الطب -
الله يوفق كل مبتعث ويحقق امنيتك
اما بالنسبة للالحاق بالبعثة تتم من خلال الخطوات التالية:
1- اذا جا قبولك من الجامعة عليكي الذهاب الى الملحقية السعودية في ماليزيا لاخذ موافقة على الدراسة على حسابك الخاص وهذا شرط اساسي عشان يكون فيه متابعة من الملحق الي يشرف على جامعتك.
2- بعد انجازك الترم الاول 12 ساعة من تخصصك ( ثلاث مواد وكل مادة اربع ساعات ) و اللغة الانجليزية من نفس الجامعة( لان قبولك مشروط باللغة الانجليزية ) يتوجب عليك الذهاب للملحقية الثقافية بماليزيا لالحاقك بالبعثة.
3-المعدل المطلوب 3/4 او مايقربها حتى لو نقص عشر نقاط او عشرين نقطة عن الثلاثة يرفعوها ان شاء الله عالوزارة. (لا تشيلين هم من ناحية البعثة)
طبعا انا موجود حاليا بالجامعة الوطنية الماليزية UKM اذا تبين اقدم لك فيها احنا موجودين هنا للخدمة سواء انتي او غيرك.
وبكرة بسئل عن موعد التقديم في الجامعة واعطيكي خبر
تحيات/ طالب ماجستير في الرياضيات البحتة بالجامعة الوطنية الماليزية
هلا والله اخ سلطاااااااااااااااان والله مشكور ماقصرت مررررررررررررره وبجد والله ريحتني الله يريحك دنيا واخره ياااارب
انا ابغى تخصص تربيه خاصه او ادارة اعمال ممكن تقولي موجوده او لا والرسومات لكل تخصص منهم ؟؟
وبعدين الانجليزي قالولي انو يحدد مستواي حسب الاختبار اللي يعطوني هوا
قالو لو سنه كامله 7000 ريال فقط ولو 6 شهور بيكون اقل
اوكي اسال لي متى وان شاء الله باذن الله استفيد منك انت لانك في نفس الجامعه
والله يوفقك يااااااارب
انتظرك
ابي اقلك شغلة مهمة جدا جدا اوكي و خليكي معي:
طبعا قبولك في التخصص مشروط باللغة الانجليزية وشرط اساسي تجتازين اللغة الانجليزية الي بداخل الجامعة وانتي تدرسين االغة
الانجليزية في كلية اللغة الانجليزية بداخل الجامعة وليس في معهد وهذه ميزة تتميز بها جامعة UKM عن الجامعات الاخرى, وهذا
يختلف اختلاف تام عن معهد اللغة الانجليزية ELS حيث لايوجد ارتباط بين معهد ELS والجامعة لكن اذا عندك شهادة التوفل
مباشرة تباشرين في التخصص بدون دراسة اللغة الانجليزية بداخل الجامعة, وبما ان قبولك يستغرق فترة اربعة شهور او ما يقاربها
بامكانك الالتحاق بمعهد الــــ ELS للاستفادة.
تحيات/ طالب ماجستير في الرياضيات البحتة في الجامعة الوطنية الماليزية UKM ( سلطان العبد الله )
هلا وغلا اختي محتارة.
طبعا اليوم نزلت الجامعة UKM فسالت عن التخصصات الي تبينها وقالولي الاتي:
بالنسبة لتخصص ادارة اعمال شرط اساسي يكون عندك شهادة التوفل والتقديم بيكون في شهر 7 بالميلادي يعني في شهر July. اما
بالنسبة لتخصص التربية الخاصة فشرط اساسي يكون عندك التوفل او الــ ELS والتقديم طبعا بيكون في شهر 8 بالميلادي يعني في
شهر August.
لان نظاتم الجامعة تغير السنة هذي بسبب انشغال الدكاترة والاساتذة بطلابهم المتخصصين باللغة الانجليزية ولهذا السبب تم الغاء دراسة
اللغة الانجليزية بداخل الجامعة. والان ماعليك الا ان تاخذي شهادة الــ ELS او التوفل. مع تمنياتنا لك بالتوفيق
اخوك/ طالب دراسات عليا في الرياضيات البحتة في الجامعة الوطنية الماليزية UKM
مشكووووووووووووور اخوي سلطان والله ماقصرت
يعني هالسنه مافيه دراسه انجليزي في نفس الجامعه ؟؟
يعني لازم ادرس في els على مايجي قبولي في الجامعه للتخصص؟؟
طيب كم يستغرق دراستي في معهد els؟ وكم التكاليف لو بدرس 8 شهور مثلا او لازم اكثر اعطيني فكره اخوي لاهنت
طيب انت تقول التقديم شهر 8 طيب اذا قدمت شهر 8 لازم يكون التقديم بعد ما اخذ القبول صح؟ وبعدين متى تبدا الدراسه؟ لاني سمعت انو الدراسه تبدا 12_7 ميلادي؟؟؟
رجعت تاني جاء سؤال ببالي
اخوي سلطان طيب انا بقدم من هنا على الجامعه الين يجيني قبول واجي مره وحده ادخل انجليزي في نفس الجامعه وبعدين التخصص بس الحين تقول انو بالجامعه وقفو الانجليزي طيب اقدر ادخله بالجامعه الاسلاميه,وبعدين ادخل تخصص تربيه خاصه او ادارة؟؟ والا الكل لازم els او توفل؟؟؟؟؟؟؟؟؟ يعني مايسير ادرس انجليزي في الجامعه لانو التخصص الي ابيه بس توفل وels ???
صباح النور
طبعا تغير نظام الجامعة حاليا وشرط اساسي التوفل بالنسبة لتخصص ادارة اعمال والــــ els او التوفل بالنسبة لتخصص التربية الخاصة.
لازم تدرسي لغة انجليزية في معهدالـــ els شرط اساسي على مايجي قبولك من الجامعة.
اما بالنسبة لدراسة الــــ els تستغرق حسب مجهودك ممكن تختبرين الحين وتحصلين على الدرجة المطلوبة . المدة الزمني تختلف وليس هناك فترة معينه. انا اعرف طلاب جابو معدل في الــels معدل 5/10 لترقية من ماجستير للدكتوراة. وشهادة الـــels مهمة لك مستقبلا لترقيتك من ماجستير الى دكتوراة ان شاء الله وشهادة الـــels تحصلين عليها الحين افضل ما تحصلين عليها بعد الماستر. اما بالنسبة لتكاليف الدراسة في المعهد ماعندي علم لكن بستفسر وارد لك خبر بكافة التفاصيل.
طبعا التقديم في الجامعة في شهر 8 يعني انتظري 4 شهور او مايقاربها حتى يجي قبولك وقت ما يجي قبولك وانتي وقتها عندك شهادة الــــــ els ادرسي على مايجي قبولك مايجي قبولك الا وامورك تيسرت ومعك شهادة الــــ els .والدراسة تبدا في شهر 7 يعني في شهر july .
نظام الجامعة تغير السنة هذي ولازم من شهادة الـــ els وتستفيدين منها مستقبلا واما بالنسبة انك تدرسين اللغة الانجليزية بالجامعة الاسلامية فهذا لا يمكن انك تقدمين بشهادة اللغة الانجليزية التابعة للجامعة الاسلامية الى الجامعة الوطنية الماليزية وحاليا لا يمكن تدرسين اللغة الانجليزية بداخل جامعة ukm. مع العلم ان قبولك في تخصصك شرط اساسي الــــ els او التوفل وما راح تسفيدين شي من دراستك اللغة الانجليزية بداخل الجامعة الاسلامية لان الطلاب كلهم عرب واكثرهم سعوديين ومن الصومال والسودان وقليل من البوسة ومن نيجيريا وهذا هو الواقع يا اختي محتارة وانتي لك الخيار في ذلكز ودراسة اللغة الانجليزية في الجامعة الاسلامية صعبة شوي وانا اعرف طلاب الى يومك هذا ولم يجتازو اللغة الانجليزية. لكن اسهل لك وافضل الـــ els مستقبلا وانا حاليا مجبر اني احصل على شهادة الـــ els لترقيتي من ماستر الى دكتوراة.
تحيات/ طالب دراسات عليا في الرياضيات البحتة
مع تمنيانا لك بالتوفيق
صباح الانوار هلا اخوي
طيب انا مابي اسافر وادرس في els الين يجيني قبول من الجامعه اجي على ضمان عرفت
يعني يجيني القبول اجي وادرس في els وبعد ماخلص ادخل في الجامعه يصير كذا؟؟؟ لاني لو بجي راح اجي على شهر 10 ان شاء الله
بس فتره دراستي لغه ماتاخرني عن دراسه التخصص؟؟
انا من الحين بسجل في الجامعه حتى يجيني القبول بدري ان شاء الله ايش رايك ؟؟؟
مشكوووووووور وجزاك الله خير والله يوفقك ياااارب ...
مشكور اخوي ماقصرت والله وانا بسجل من الحين بالجامعه
السلام عليكم
اخوي عندي كم سؤال وياليت تساعدني
هل الجامعه تعادل الدبلوم ؟
انا قسم محاسبه هل يوجد هالقسم؟
ولك جزيل الشكر
THE ANGEL