بلييييييز ساعدوني وردو عليا لانو سفري خلاص قرب وابي منكم معلومات تفيدني بلييييييز

ياعيني محد عطاني رد مفيد ترى من جد احتاج مساعدتكم سفري قرب عطوني رأيكم بليييييييييييييييز وجاوبوني على استفساراتي

المعهد البريطاني

1300 ريال تقريبا بالشهر

هذا اللي اعرفه اما الاسترالي !! ما اعرف عنه حاجه

معهد المجلس الثقافي البريطاني يهتم بالمحادثة بشكل مركز، لكن عدد ساعات الدراسة لايقارن بمعهدELS لأن دورات الأخير مكثفة (30ساعة في الاسبوع)، وبالنسبة للفيزا لازم تكون دراسية وتاخذ في السفارة في الرياض أربع أيام بالكثير، وعشان ماتضيعين وقت لأنك حتجلسي شهرين بس، ممكن تعملي التسجيل في الفرعين اللي بالرياض، وبالنسبة للسكن وبرضه مادامك حتجلسي شهرين، يعني مافيه مجال لمضعة الوقت في هذا بكم وذاك أرخص، أنصحك تاخذي فاوتشر للشهرين من وكالة السفر والسياحة لشقق تكون قريبة من البرجين التوأم لأن المعهدين قريبين منه، وأهم شي تكون آمنه وعليها حراسة على مدار اليوم والله يستر عليك ويحفظك

اوكي اخوي اشكرك على ردك عليا بس ابي التوضيح اكثر بالنسبة للفيزا يقولو مو لازم فيزا لانو الفتره اللي راح اجلسها مو اكثر من شهرين ونص فمني عارفه

الماليزيين عندهم تساهل في هالموضوع شرط أن الدراسة لا تتجاوز الشهرين بالفيزا السياحية
وبعد الشهرين حاولي معهم إن وافقوا ممتاز على الخمسة عشر يوم الزيادة، رغم إني سمعت من كثير من اللي درسوا بالصيف رفض المعاهد الدراسة بفيزا السياحة لأكثر من شهرين، بس برضه حاولي وذكريهم بأنك إمرأه مسلمة وجاية من السعودية وفيك من ريحة مكة والمدينة، ومايمنع تتكلمين عن أمهات المؤمنين، ( ترى ما أمزح ) الجانب الديني عند الماليزيين المسلمين المالاويين مايقدرون يقاومونه لحبهم للإسلام ولإعتزازهم به ولإعتقادهم العميق بأنه السبب الأول في عزتهم وتطور بلدهم. والله يستر عليك ويوفقك
لا أنسى إحرصي على موضوع السكن من السعودية وشرط يكون راقي ونظيف وآمن وقريب من سكنك.

أنا طالب في معهد اي ال اس في كوالالمبور والمعهد بصراحة لا يرضي طموحي ولا أنصح به فنسبة العرب كبيرة جدا وكثرة عدد الساعات الدراسية لا يعني جودة المادة الدراسية والمدرسين أغلبهم ماليزيين من أصول هنديه وهناك بعض البريطانيين والأمريكان أيضا والتركيز شديد على الحضور والغياب والتأخير وهي نقطة جيده ولكن هناك استغلال للمبتعثين فهم يتعمدوا وضعهم في مستويات متدنية ليضمنوا دراستهم لفترة أطول وبالتالي زيادة الدخل المادي للمعهد وأنا مجبر عليه لأني مرافق لأختي المبتعثة وأرغب في أستغلال فترة تواجدي بشئ مفيد وبالنسبة للفيزا السياحية فالسعودي يحصل تلقائيا عليهامن المطارولمدة 3 شهور يمكن ترتيب أمور تحويلها الى فيزا طالب في هذه الفترة بعد الوصول لماليزيا وبدأ الدراسه والمعهد يقدم هذة الخدمه مقابل رسوم معينه بالاضافة الى رسوم الدراسه للمستوى الواحد 1400 رينجت ماليزي وهو ما يعادل الريال السعودي تقريبا والتسجيل سهل وبسيط