الحل مع القنوات الفضائية في ماليزيا . . ؟؟
. . السّــلآلآم عليــكم ورحمة الله وبركاته . .
أخواني وأخواتي مبتعثي ماليزيا كما تعلمون أنه في دولة ماليزيا تم إحتكار المجال الفضائي من قبل شركة أسترو AStRo . . ولا توجد إلا قناة الأوائل ART وتعرض لبعض القنوات العربية لساعات معينة :( خسرت على الاشتراك وما حصلت فايده . . صرت من الطفش أتابع برنامج من سيربح المليون النسخه الصينيه :( الأجوبه طالعه عندي بالشاشه شخابيط وحروف صينية وأجلس أحط اصبعي على خدي وأقول أتوقع الجواب رقم 3 :123: . . وإلا أتابع برنامج الهند هذا الصباح (( الله يذكرك بالخير يا مريم الغامدي مذيعه فقدتها :( ))) ولا أتابع مسلسل ماليزي وبتقولون شلون عرف انه مسلسل لأني أشووفهم كل يوم يمثلون بمكان واحد ما يغيرونه .. واذا ضحكوا أحاول أبغى اعرف ليش ضحكوا وبالأخير أضحك على نفسي . . وأنا إنسان طبعي بيتوتي ما أحب أروح أطلع كثير . . حتى السوبرماركت أتكاسل أروح له . . الله يحسن الخاتمه . .
فياليت إذا أحد يعرف طريقة أقدر أشوف فيها الأقمار عربسات والنايل سات ؟؟ أكون شاكر له . . لأن حسب علمي إن موظفين السفارة هم اللي عندهم تصريح بكسر الإحتكار . .
وإذا قناة المجد أقدر أركبها . . خاصة قناة القرآن الكريم . . وقناة البداية علشان إذا زهقت أجلس أقرا الدردشة اللي بأسفل الشاشه مع هالحريم وخلطات الشعر ونصايحهم الذهبيه :) وإدعوا لي ومن هالكلام . . ولا روتانا زمان . . ولا قناة فنون . . المهم اي قناة عربية وبس . .
ولكم جزيل الشكر . .
رد: الحل مع القنوات الفضائية في ماليزيا . . ؟؟
شوف هذا الموقع ممكن يفيدك
http://www.qassimy.com/tvlive/
قنوات عربيه بس لازم تكون متصل بالنت وتشوفها عن طريق الكمبيوتر
http://www.jumptv.com/ar
وهذا الموقع فيه كل قنوات العالم
مشاركة: الحل مع القنوات الفضائية في ماليزيا . . ؟؟
اقتباس:
شخابيط وحروف صينية وأجلس أحط اصبعي على خدي وأقول أتوقع الجواب رقم 3 :123: . . وإلا أتابع برنامج الهند هذا الصباح (( الله يذكرك بالخير يا مريم الغامدي مذيعه فقدتها :( ))) ولا أتابع مسلسل ماليزي وبتقولون شلون عرف انه مسلسل لأني أشووفهم كل يوم يمثلون بمكان واحد ما يغيرونه .. واذا ضحكوا أحاول أبغى اعرف ليش ضحكوا وبالأخير أضحك على نفسي .
خخخخخخخخخخخخخخخخخخخخخخخخخخخخخخخخخخخخخخ
شر البلية ما يضحك
اخوي مشكلتك مشكلة الوالده طااااااااقه من الطفش لا رحنا الجامعة
ولا هي تتشرط ما تبي مثلك اي قناة عربية !!
تبي قناة mbc 4:D
تقول مسلسلاتي طافتني
فللللللله عايشة حياتها :p
ماعلينا نرجع لموضوعك صدق والله الواحد وده يحس بجو عربي لو بس الصوت يكفي
اخبار ما ندري عنها الا بالنت
حتى اذان الحرم ما نسمعة !!
ياااااليت من الاخوان يلقى لنا حل للمشكلة
ومااا يهم السعر ندفع بسسسسسسسس على شيء محرز
مو عرض بساعات معينه
رد: الحل مع القنوات الفضائية في ماليزيا . . ؟؟
اختي روض نجد ادخلي للموقع الي وضعته بردي
جنب تي في
انا لمن كنت ببريطانيا كان مونسني لكن الحين صار برسوم
تراه ممتاز والصوره واضحه
وقصيمي نت كان ببلاش بس ما ادري ايش صار له لكن ممكن مشكله فنيه مؤقته ويرجع يعرض
http://www.qassimy.com/tvlive/
http://www.jumptv.com/ar
جربوا هذه المواقع ممكن تفيدكم
وانا انشاء الله لاوصلت ماليزيا بشوف حل واذا لقيت وبدلكم عليه لاني زي والدتك ياروض نجد ما اقدر استغني غن ام بي سي 4
مشاركة: الحل مع القنوات الفضائية في ماليزيا . . ؟؟
انا والله جاني الفني حق الاسترو يركب الرسيفر سألته عن القنوات العربية قالي يا حبيبي تبغى اركبلك ابشر, بس الله لا يهينك ادفعلي 7000 سبعة الاف رنجت ماليزي,
وحتى لو ركبت والجيران شافوا الدش راح يبلغون عنك وتقع في مسائلات انت في غنى عنها لانه ممنوع.
على فكره فيه قناة في الاسترو ان بصراحه انبسطت عليها اسمها Animax لا تفوتكم
رد: مشاركة: الحل مع القنوات الفضائية في ماليزيا . . ؟؟
اقتباس:
المشاركة الأصلية كتبت بواسطة انيس الود
انا والله جاني الفني حق الاسترو يركب الرسيفر سألته عن القنوات العربية قالي يا حبيبي تبغى اركبلك ابشر, بس الله لا يهينك ادفعلي 7000 سبعة الاف رنجت ماليزي,
وحتى لو ركبت والجيران شافوا الدش راح يبلغون عنك وتقع في مسائلات انت في غنى عنها لانه ممنوع.
على فكره فيه قناة في الاسترو ان بصراحه انبسطت عليها اسمها Animax لا تفوتكم
ليش كم غرامتها
انا ركبتها ببريطانيا بنفسي بس يبغالك تتعب شوي اما ادفع له 7000 رينقت على توجيه الصحن كبيره شوي
رد: الحل مع القنوات الفضائية في ماليزيا . . ؟؟
أخوي Kass يعطيك العافيه والانترنت للحين ما ركبت وإذا ركبت تحصلك خمس الآلاف شخص يستخدموونـه معــاك :( . . وبحكم إني إلى الآن ما استقريت بسكن معين . . كل شووي رايحن لشقه جديده مع عفشي اللي كله كيس رز شعلان وصندوق تمر وقهوه وهيل وشرّاب واحد لونه أسود طالع أبيض من كثر ما اغسله . . ما عندي نت . . فا انا ابغى طريقة أشووف فيها مثل الناس قنوات :(
وبعدين فرق بين إنك تشووفه من النت و بين انك انك تشووف من الستالايت يعني يا يقطع او يشوش .. عاد مافيه شيء نحركه يمين ولا يسار اذا وشوش ما لك الا تجلس تطالع لين يرجع البث . . وتخيل عاد هالموقف وانت جالس تشووف فلم ووصلت للنهاية تبغى تعرف وش بيصير !!!
اختي روض نجد شكرا لك . . والله يطول بعمر والدتك ويحفظكم لها . . وانا والله اذا مره ما فيه شيء ولا حتى MBC 2 على الأقل القناة الثانية ولا قناة الساحه الشعبيه :107: . .
إذا أنتوا فوق الأربعه تعلموا لعبة البلوت ولا بنت السبيت :)
وللمعلومية جميعكم .. هناك غرامة ومسائله قانونية إذا ثبت إنك مركب ساتلايت غير ستالايت أسترو . . ((( هييييييييه يا زمن الله يذكرك بالخير يا مقصود كم مرتن طمرت بسطحنا مركب لمبيه ومغير الصحن اللي طقته الرطوووبه والصداأ :( ))
أخوووي أنيس . . ما عليك من هالكلام ترى نصابين كلهم . .. وحاولوا ينصبون علي بس أنا فهمتهم وعلى طول سكرت بوجههم الباب . . يبون فلوووس بس للأسف :(
أنا شكلي توصلت لفكره بس أول شيء بروح أسئل عنها الخبير العالمي في فك وتركيب جميع انواع الدشوش حتى الأنتل مافيه مشكله يركبه وصاافي قزازه د - عبدالمقصود وأرجع أقولها لكم . . بس إن شاء الله أحصل حل . .
يا عالم طفشت وأنا أتابع أشرطة خالتي قماشة و مسلسل عاد ولكن وبلونه و درب الزلق ومحمود ومحيميد اللي جايبها معي من السعودية :(
لنا لقاء . .
رد: الحل مع القنوات الفضائية في ماليزيا . . ؟؟
يووه الله يعينكم والله
زههههههق كذاااااااا
:(
اقتباس:
يا عالم طفشت وأنا أتابع أشرطة خالتي قماشة و مسلسل عاد ولكن وبلونه و درب الزلق ومحمود ومحيميد اللي جايبها معي من السعودية :(
خلي اهلك يرسلوا لك أشياء ثاانية :D
عسى حتى باستراليا نفس المشكلة ؟؟:rolleyes:
مشاركة: الحل مع القنوات الفضائية في ماليزيا . . ؟؟
مشكووووور اخوي Kssa على هالمواقع ونحتري نجدتك لا جيت :D
اقتباس:
قالي يا حبيبي تبغى اركبلك ابشر, بس الله لا يهينك ادفعلي 7000 سبعة الاف رنجت ماليزي,
وحتى لو ركبت والجيران شافوا الدش راح يبلغون عنك وتقع في مسائلات انت في غنى عنها لانه ممنوع.
ممكن ادفع 7000 بس اما اني ادفع وبعدها يشيلونه هذه مستحيل
وبعدين لا تصدقهم كثيييييير حاولوا ينصبون يبون فلوس بس ماراح يجي منهم شيء يعني لا تعلق املك على 7000
اقتباس:
يا عالم طفشت وأنا أتابع أشرطة خالتي قماشة و مسلسل عاد ولكن وبلونه و درب الزلق ومحمود ومحيميد اللي جايبها معي من السعودية :(
خخخخخخخخخخخخخخخخخخخخخ اما انت تحفففففه
ارحم من الوالدة اللي جايبه معها اشرطة الشيف أسامة والشيف انطوان
اقتباس:
عسى حتى باستراليا نفس المشكلة ؟؟:rolleyes:
لا ماشاء الله ياغادة استراليا مسموح ما عليها مشاكل
انا مدري وش الحكمة من منعها !!! وكل هالعرب والسعوديين في ماليزيا وما عطوهم تصريح !!:confused:
رد: الحل مع القنوات الفضائية في ماليزيا . . ؟؟
تراهن للبيع اللي بيشريها :104:
لنا عودهـ