بالنسبة للسكن .. اكيد عندكم خبرة عن المجمعات السكنية اللي قريبة من الجامعه .. انا ابي شقة مفروشه يكفي غرفة وصالة .. واهم شي عندي تكون نظيفة وفيها سيكيورتي.. ابي اعرف الاسعار واسماء المجمعات السكنية ..وهالشقق يكون كل شي فيها .. مواعين وكواية وغلاية .. واللا يحتاج احسب حسابي ..؟؟
السكن القريب من الجامعه اغلبنا سكن فيه .. وتقدري توصلي الجامعه مشي 20 دقيقه او بتاكسي 5 دقايق ياخذ منك 5 رينجت..
نظيفه وفيها سكيورتي والمصاعد تشتغل ببطاقه ومسابح وبعضها فيها جيم واماكن للعب الاطفال
الاسعار على حسب
الغير مؤثثه من 1000 الى 1200 رينجت
المؤثثه من 1700 الى 2000
وبالنسبه للوحدات متساويه كل الشقق عباره عن صاله كبيره واخره المطبخ وثلاث غرف صغار ودورتين مياه وانتي بكرامه وحده منهم بداخل غرفة النوم..
اسماء المجمعات IVORY هذي اكبر وافضل وحده واي تاكسي تركبي معاه يوصلك لها وموقعها ممتاز والمناظر اللي تطل عليها مره حلوه ..ومتكامله الخدمات وفيها جيم واماكن لعب اطفال ..
الثانيه DESA AIRMAS
هذي جديده واقرب للجامعه ومو كبيره مثل الاولى يمكن تلاقي شقق بصعوبه وخاصه مؤثثه الحين مافيه ابدا .. بس نظيفه جدا لكن مافيها جيم ولا اماكن لعب اطفال ..
وفيه مجمع ثالث جنب الثاني واقرب منه للجامعه نسيت اسمه.. وفيه كثير ساكنين فيها الطلاب بس مااعرف اسمائها ولا مواقعها وعلى فكره لو سألتي الجامعه على طول يفيدونك بالنسبه للسكن ويقدمون لك مجمعات واسعار ..
الشقق المؤثثه فيها كل شي بالنسبه للاجهزة لكن اوني الطبخ مو بذيك الكثره ترى يعني اذا بتجيبي شي قليل يساعدك غي البدايه او اذ جيتي تشتري من هنا الباقي..
ثاني شي .. وش صار على القنوات العربية .. ما صار شي جديد ؟؟
والله ماجبت خبرها لكن باسأل لك بس ماسمعت جديد ... الي معانا باقي زعلانين على القنوات
شريحة الجوال من وين طلعتوها ؟؟
اول ماوصلنا الجامعه عطونا شرايح بس غيرتها غاليه للسعوديه طبعا شركات الجوال في ماليزيا كثيره تبدأ من 012 الى 019 ماادري عن الأفضل لكن انا شريحتي 017 رخيصه مره داخل ماليزيا و للسعوديه الدقيقه ب1 رينجت و20 سنت والرسايل مررره رخيصه ب25 سنت ..
واسمها HOTLINK
اسألي تلاقيها بكل مكان وبالسوبر ماركت اهم شي جيبي جوازك يسجلونها فيها و5 دقايق والشريحه معك ...
اذا كانت دراسة المعهد تبدأ 10 سبتمبر .. متى يكون امتحان تحديد المستوى ؟؟ بنفس اليوم واللا يحتاج اروح قبل ؟؟
اول ماتجين يسكنونك الجامعه بالفندق 3 او 4 ايام وكل صباح يجي لك سواق يوديك ويرجعك
للفندق طبعا هم راح يختبرونك ويفتحون لك حساب ويسوون لك امورك .. تطمني ..
واذا على استقبال المطار اذا وصلتي بينانغ قبل 5 العصر بتلاقين من يستقبلك, بس بعد 5 العصر يخلص دوام الموظفين ومايستقبلك احد بس تاخذي تاكسي وتطلعين الفندق وتلاقي غرفه محجوزه باسمك ..
رقم الموظف اللي ياخذ رقم الرحله وتاريخ وموعد الوصول اسمه أنيد ويتكلم عربي
0060194220175
سارا-الرياض August 7th, 2007, 08:42 AM
7 "
August 6th, 2007, 04:00 AM
مراااااحب ياشعب بينانج ..:85:طلبتكم .. تكفون لا تفشلوووووني ..
وبصراحة اشوفكم راعيين فزعاااات ..
السالفة وما فيها .. انا تبع الدفعة الاولى بس تأخرت بسبب ظروف صحية .. وان شاء الله انا جاية بيننج يوم 4 سبتمبر .. وودي اني الاقي احد اكلمه عشان اعرف عن السكن والأمان وكيف المواصلات ماني عارفة كيف اتصرف اذا وصلت .. اللي عرفته منكم ان الجامعه بتسكنني في فيستانا اول اسبوع..
والصراحة ولا يهونون الباقين سارا الرياض وبنت السعودية الكل يمدحهم .. فلا تقصرون معاي
الله يوفقكم ويسعدكم .. ويسهل الدراسة عليكم ويخليها تمر بسرعه يارب :89:
عبووووورة