تكفون فزعة ياطلاب سنغافورا ابي قبول من جامعة....

تسلم ياخوي /محمد السالمي awad
والله ماتصدقك شلون انا محتاج القبول لازم اجيبة قبل شهر ولا تطير البعثه من والله حرام
تكفون المساعده
واللي يامر في انا حاضر بس بسرعة تكفونننننننننن
ردوو تكفون

السلام عليكم ورحمة الله وبركاته ،،

الى الأخ صلووحي .. بما انني من اول دفعة مبتعثة لدولة سنغافورة .. بالنسبة لخطاب القبول من جامعة سنغافورية (لديك اختيارات متعددة ويوجد عدد محدود فقط معترف بها من قبل وزارة التعليم العالي) ليست من السهل الحصول عليها في خلال يوم وليلة ،، حيث قبولنا في الجامعات اتت بعد فترة طويلة جدا ، حتى لم يتم الاختيار سوى على عدد محدود جدا من الطلاب والطالبات ..

وخطاب القبول للجامعة كلها قبول مشروط وانصحك اذا عندك خلفية باللغة الانجليزية ولديك القدرة على اجتياز اختبار التوفل بحيث الدرجة اعلى من 70 او 71 في اختبار التوفل عبر الانترنت ، يكون الافضل وبالتالي تجي على سنغافورة وتبدا دراسة الجامعة بمباشرة ..

وواضح من موضوعك انك مستعجل لكن للاسف اجراءات القبول سواء في معهد او جامعة يأخد فترة طويلة ، ليه ( من غير ليه) !! وبالنسبة لتكاليف الحياة المعيشية غالية جدا مقارنة بالراتب المعطى لنا من فئة ب ، بالكاد تكفي مصاريفنا المعيشية لولا وجود اهلنا كمساندة مادية ومعنوية .

وبالنسبة ان اللغة الاساسية في سنغافورة هي اللغة الانجليزية (للاسف اكتشفنا شي آخر) ان اللغة المتعارف عليها هي لغة سينجليش يعني انجليزي بلا قواعد وبلا أسس !! ، اسلوب الحياة مريحة ولكن غالية لتوفر جميع الخدمات المعيشية على مستوى عالي ، وايضا توفر الخدمات الطبية الممتازة ولكن باسعار غالية !

الصراحة اجد ان اسلوب الحياة في سنغافورا للطلاب والطلاب الغير متزوجين افضل من المتزوج .. لان المتزوج يجد ان تكاليف المعيشة غالية جدا خاصة في وجود اطفال في مراحل دراسية ، حيث لا يوجد سوى مدارس انترناشيونال وتكاليفها غالية جدا .

ونصيحة الي يكون موظف براتب ممتاز ، لا يغامر عشان البعثة ويطلع لسنغافورة للدراسة ، ترى الشغلة ماتستاهل ، قد يكون اختيار بلد آخر افضل منها مثل استراليا ونيوزيلندا وامريكا وبريطانيا (دول لغتها الرسمية الانجليزية) .


وشكرا..

كل عام وانتم بخير (بعد ماجاء العيد)
اشكرك يااخت بنت بسبوسة
على المعلومات عن سنغافورا وصراحة من كلامك واضح انها غالية مره بس اكيد مو اغلى من
بريطانيا
انا مبتعث الى بريطانيا وغاليه مره مره لكن الاهم وهي الحياه في بريطانيا كيبة مره وممله وبرد وماديين مره عموما في اوروباء هذا الكلام .وبعدين تعلم اللغة في بريطانيا صعب شوي لانه مو منتشر مره مثل الامريكي بعدين الشعب شوي متكبر (مايعطي وجه مو كلهم بس الاغلب )
على العموم اشكرك على نصيحتك
وطبعا امريكا اكيد هي الافضل (بس) مايحتاج اقولك الاسباب
يعني انا الحين شلت من راسي بريطانيا وامريكيا بس لاتخليني اشيل سنغافورا

يعني الحين انا محتار بين سنغافورا وماليزيا واستراليا (على الترتيب)
بس مشكلت القبول في استراليا يطول مره علشان كذا انا اخترت سنغافورا وماليزيا في اول الموضوع مادري ايش رايك يمكن تفيديني اكثر
بالنسبه تقولين للقبول يطول صح معك حق انه يطول بس لما الواحد يجي لمهمه اقصد لم الجامعة يعطونه قبول بسرعه . اذكر اننا في بريطانيا كان القبول يجلي خلال ثلاث اسابيع بس رحنا احنا لم الجامعة وجبنا القبول في يوم .رحنا لمهم اليوم قالو تعالو بكرا خذو القبول
جبنا اربع قبولات كلهن نفس الطريقة قبولين من جامعة وحده وقبول من كليه وقبول من جامعة اخرى

اشكرك يا اخت بنت بسبوسه (وش الاسم ذا-ياملقوف اسكت)
نسيت اقول بالنسبة اني اعرف عنقليزي
ما اعرف الا ياس ونو بعد مادري وش معناهن (لاتصدقين عاد مره)

معليش طولت شوي (شوي طولت قوه اصابعي جاهن شد عضلي )

على العموما ماشكوره يا اخت بنت بسبوسه انتظر الرد وشكرا

يا بختك وانت دراستك في بريطانيا على الاقل الناس تتكلم انجليزي صح ، شرايك نجي نبدل تحول انت على سنغافورا وانا على بريطانيا !!

على سيرة الكئابة ، ترى هنا انا بديت امل الصراحة ومعهد اللغة للاسف ماعطونا اجازة زي العالم والناس غير يوم واحد يتيم ومعاها نص يوم مضاف لها الويك اند !! واختك في الله سحبت عليهم يومين ونص عشان يتأدبوا تاني مرة ويعطونا اجازة (عاد كأنه غيابي بيأثر فيهم انتي ووجهك) !!

هنا يحاولوا يقنعونا انه الدراسة صعبة بالجامعة (مدري هل الكلام داه صحيح ولا لا) لانه لسه مابديت الدراسة فيها بسبب اللغة ، وانصحك تتعلم انجليزي صح لانهم هنا ماعندهم لعب ، ولو تعمل داون لاود لمعجم المصطلحات الانجليزي في دماغك يكون أفضل >>> طيب يا فالحة كان انتي اشطر

اصلا مو مضيعني هنا غير الـvocabulary ..

عموما انصحك انك تبدأ تراسل بالايميل او بالاتصال الهاتفي على مكاتب القبول بالجامعات السنغافورية ، حاليا انا في الجامعة الوطنية ، وهي جامعة كمكان للسكن روعة وكل شي فيها وخدماتهم مريحة وأمان جدا ، وكل الطلاب والطالبات من دول متعددة مثل الهند وباكستان وروسيا واوروبا الشرقية ومن دول لآسيا المجاورة ، السعوديين فيها محدود جدا فقط 5 فقط !! ولو تجي انتا بنصير 6 وبعدها جزيرة سنغافورا حتغرق وتختفي من خارطة العالم !!

وفيه الجامعة الثانية نانيانج ، مشكلتها انها بعيدة لكن فيها تخصصات غير موجودة بالوطنية وهي ايضا ممتازة من ناحية الدراسة ، وكل الجامعتين في المراحل المتقدمة بالنسبة لترتيب الجامعات على مستوى العالم او المستوى الاسيوي .

وفيه جامعة ثالثة وهي جامعة SMU تختص فقط بدراسة الادارة وأفرعها ، وايضا ممتازة بس في وسط المدينة وحجمها محدود جدا وسكنها ايضا محدود وصغير مقارنة بالوطنية .

بالنسبة لترتيبك للدول فأنا اقترح التالي : استراليا ، سنغافورا ، ماليزيا ..

ولعلمك اغلب طلاب دولة سنغافورا الممتازين ومعدلاتهم عالية بيدروسوا برااا البلد !!! سواء في استراليا او نيوزيلندا او بريطانيا وامريكا ..

اتمنى اكون افدتك ،،،

وبالنسبة للنك نيم (بنت بسبوسة) البسبوسة (طبق حلى معروف ) اعتقد تعرفه ومافي داعي اشرح ، واذا محتاج شرح ماعندي مانع اشرحها لك بالتفصيل الممل المرة القادمة ... !!

وين يابختي .انا كنت مثلك ما ابغا الا بريطانيا بس بالاخير طلعت بريطانيا سمعة بس
والناس هناك صح يتكلمون انجليزي (بس مايعطون وجه يعني ايش الفايده)
يعني احنا مانتكلم معه غالبا ماتكلم الا مع الهنود والباكستانيين والاوربيين
وبعدين موضوع اننا نبدل انسيه الحين انا جاء علشانك (لا تصدقين موافق على التبديل وبشده)

بعدين على سيره الكائبة تخيلي الساعه 5 الشوراع فاضية والمحلات مغلقة (حلوه مغلقة)
والمطاعم تقفل الساعة 8 يعني من الساعه 5 او قل 5ونص فاضين ما تدري وين تروح ولا تجي
بس جالس قدام الانترنت بس او في بعض الايام تروح لم احد اصحابك بس وانا الصراحة ما خلاني ارجع غير الكائبه ولاتنسي البرد يعني اصلا البرد مايخلي الواحد يتحرك بس جالسين في البيت

وبعدين لا يهمونك اذا قالو الدراسه صعبه بس كلام .اذكر يوم كنت في اول ثانوي اول يوم دراسي يجي لمنا المدرس يقول الحين انتم دخلتو مرحله صعبه والدراسه في الثانوي صعبه ومادري ايش بعد(خرابيط) . وفي اول يوم دارسي من ثاني ثانوي يقولون لنا ترا فتره اول ثانوي فتره لعب وسهله الحين في ثاني ثانوي الجد واثبات الذات(من الخرابيط- وين كلامهم قبل سنه ) .وفي اول يوم دراسي في ثالث ثانوي >>> عاد افهميها مليت وانا اكتب صرحه


تقولين اجل مافي الا 5سعوديين >>صراحة مااحب الكثيرين مره ولا احب القليلين مره
بعدين ان سنغافورا تغرق ايش دراك اني سمين يمكن مو سمين ولاتعرفيني اصلا (تقل بدينا نتخانق ) بس نستنتج من كلامك انك سمينه مره والجزيره في خطر لو يجي اي احد يمكن تغرق>> اخس يانويتن اجل تستنتج (نمزح اهم شي لاتزعلين)

بالنسبه ابساك الجامعة الوطينه الي انتي فيها وين في العاصمه (على طاري العاصمه وشي عاصمتهم) و الجامعة الثانية نانيانج يعني كم تبعد او في نفس العاصمه .والجامعة ثالثة وهي جامعة SMU تختص فقط بدراسة الادارة >>> لالالا الادراه تبي ناس راعين كشخه ولسان طويل ونسه توليف وانا مانب فاضيلهم -اخس يا الوليد


نجي عاد للي ودي افتح موضوع خاص علشانه
البسبوسه ادري ان البسبوسه حلى معروف بس ماعمري اكلته (واحد يلمح) بس ليش بنت البسبوسه يعني مثلا
انا النك نيم حقي صلووحي مفهومه يعني اسمي اكيد خالد >>> ياظريف انت وجهك
بس بنت البسبوسه ومادري انتي تحبين البسبوسه او ماتعرفين تطبخين الا بسبوسه (بس مو معقوله اكيد تعرفين تسوين بيض) او اول طبخه تسونه كانت بسبوسه

المهم انا عندي راي ايش رايك تسوين لي بسبوسه و خلاص لاتعلمينن ليس اسمك كذا>>>
احسن راي لو انا منك كان سويتله وخلصت وريحت بالي من اسئلته الممله -انت جاء تبي قبول ولا بسبوسه انت خشك

المهم امي تنادين اكيد تبي تكزن (ترسلن) يالله مع السلامه>> ياخوفي انك زعلانه ليش اسئلك ليش النك نيم حقك اسمه بنت البسبوسه وتجين تساليني ايش اسم امك من الحين خوذي الاجابه اسمها ترى اسمها (هيش)>> ياكثر بربرك امك تناديك
سلام