المشاركة الأصلية كتبت بواسطة ON_LY
ثانكس عالمرور
عالعموم الارزاق بايد الله وبكلامكم احسكم تقللون من قيمتي وتحسسوني بالتحايل مع ان بطريقه ولا بثانيه العبره بالامتحانات يعني حضور ولا بغير حضور العبره بالفاينل وجهدك بالمذاكره (( بوقت الامتحان يكرم المرء او يهان ))
واكيد ماكون نايمه ببيتنا ناطره الامتحانات بدون دراسه ,, ابي بس طريقه حضور واما عن دراستي للمنهج فراح اتفق مع مدرسيين خصوصيين بالكويت يدرسوني اول ب اول وبوقت الامتحانات اقدم حالي حال غيري ومادري اذا بنجح ولا برسب اساسا
اتمنى تكون فهمتوا وجهه نظري وهذا اولا
ثانيا وحده من صديقاتي تقولي جامعه ملتيميديا في ملاكا مو بسايبر متساهلين بالحضور الى جانب ممكن احد يحضر اسمك وانتي ببيتكم
هل هالكلام صحيح؟
تقبلوا مروري
اهلا اختي
ما قصدنا نقلل من قيمتك ابدا اختي الكريمة لكن قصدنا نشرح لك الوضع بأختصار
بالنسبة لي لما قلت "
الجامعات المتساهلة هذه تلقيها بالهند" ما كان المقصود التهكم او السخرية من سؤالك ولكن انا فعلا اقصد ان هذا النظام موجود في بعض جامعات الهند و لي اصحاب كثير يدرسون على هذا النظام و معتمدين على المدرسين الخصوصيين (يا رخصهم في الهند)
كلامك صحيح, ممكن طالب يحضر يوميا ولا يفقه شي و طالب اخر يدرس في بيته و يحصل نتايج افضل
لكن هذا الكلام موجود بشكل رسمي و نظامي فقط في الجامعات اللي تدرس بنظام الانتساب او التعليم عن بعد
اما الجامعات التي فيها نظام الانتظام اللي يعتمد على الانتظام بالحضور, فما تقدر تجازف بسمعتها و تتساهل في الشي هذا
بالنسبة لكلام صديقتك فهذا التساهل مو ممكن يصير من طرف الجامعة لكن ممكن بعض المحاضرين يتساهل بالنسبة للغيابات او يكتفي بتمرير ورقة الحضور على الطلبة من دون ان يتأكد من الحاضرين وبالتاي اي من الحاضرين ممكن يسجلك حضور و هذا الشي يحصل في اي جامعة
في حالتك انتي فكري بالتالي
اولا في التخصص راح يكون عندك 30-40 مادة يعني طيلة الـ4 سنوات راح ممكن يدرسك 20-30 مدرس وكل واحد يختلف عن الآخر.
هل ممكن ان كلهم يكونوا متساهلين او من النوع اللي ذكرته لك او ذكرته صديقتك؟
ولو كانوا من هذا النوع, هل راح تكلفي طالب انه يحضر كل المواد على مدى السنوات عشان يسجلك حضور؟
ثانيا, لو فرضنا ان الجامعة تساهلت في السنة الاولى
هل تضمني تساهلها في السنوات اللي بعدها؟
ثالثا, الدراسة في الجامعات ما تعتمد على المنهج الموجود في الكتب و لكن على المشاريع و الاسايمنتس الدورية على مدى السمستر الدراسي لكن مادة. وفي بعض المواد لبعض التخصصات نسبة الاسايمنتس من الدرجة النهائية ممكن يكون 40% او اكثر فالحضور في هذه الحالة مهم
فحتى لو احد قال لك انهم متساهلين فكري لقدام لو ان التساهل هذا راح او قل او انقلب الى تشدد كيف راح يكون وضعك و مستقبلك بعد ما قطعتي سنة من الدراسة!
فجامعة معترفة (بالعادة ممتازة) و متساهلة في نفس الوقت ممكن صعبة شوي (في ماليزيا)
بالتوفيق
July 8th, 2012, 03:24 PM
واتمنى من الي يمرون على موضوعي يساعدوني لو برفع الموضوع على اقل تقدير
بدايه :
1- خريجه علمي ثانويه عامه بنسبه 73% وانجليزتي الحمدلله قويه وماخذه بالايلز 7 وحابه ادرس على حسابي ,, هل من الممكن تقبلني كليه الهندسه بالجامعات الماليزيه الخاصه؟
2- بحكم وظيفتي ماني قادره احضر للجامعه الا شهر الى 40 يوم بالكورس ,, هل من الممكن ذلك؟؟
3-هل الجامعات الماليزيه معترف فيها بالكويت عند استخراج قبولي باحدى جامعاتها؟ ووين اقدر اصدق قبولي عشان مايضيع علي تعب الدراسه وفلوسها اذا احد يقدر يسألي فيها واكون شاكره له
بالاخير حابه اكرر شكري للمنتدى من قائمين واعضاء وانشالله اكون ضيفه خفيفه عليكم
تقبلوا مروري