فزعتكم يا طلاب ماليزيا.. لاهنتم

معقول ما احد عنده اي رد يا اخوان..؟

على الاقل باعرف مواعيد القبول للفصل الاول والثاني..

حياك الله يا استاذ ابو فيصل
ارجوا الله ان يوفقك و يحقق مرادك يارب
اتوقع التقديم للفصل الثاني لهذه السنة على الأبواب بس و الله مو متأكد متى
بالنسبة لــ نظام الكورسات على حسب علمي يتضمن رسالة بحثية للتخرج و يعرف بنظام "Mix Mode"
ادخل على موقع جامعة العلوم الماليزية USM و ادخل على IPS "Institute of post graduate" و شوف مواعيد التسجيل
و بما انك ما شاء الله معلم لغة انجليزية ان شاء الله ما حتلاقي صعوبات في التصفح و بعدين ادخل من هناك على السكول "الكلية" هنا يدلعونها و يسمونها سكول ,
التي ترغب الدراسةفيها و تلااااااقي كل المعلومات بخصوص دراسة الماستر و هل فيه ميكس مود او بحثي و كمان تشوف المواعيد , و بعد ما تستقر على رأي
تجهز اوراقك و عيوني لك اقولك بعدين كيف تقدم و و و و و ..... و لـــــــــــــــــكــــــــن المقااااااااااااااااااابل :" دعوه ان الله يسهل امورنا " ,
و ان شاء الله ما نقصر معاك بإذن الله

حياك الله اخوي مشعل.. والله يوفقك ويسعدك.. واذا الله راد وانقبلت بهالجامعه لك فوق الدعوة عزومه باي مطعم تختاره هههه

بالنسبة للجامعه لقيت التخصصات وافكر بتخصص TESOL والدراسة مقسمة لفصلين وتبدا بمنتصف العام تقريبا
بالنسبة لمواعيد التسجيل مكتوب في سبتمبر لكن مو كاتبين شي عن الفصل الثاني..؟

شوف الرابط هذا
Academic Calendar

لما حملت التقويم الدراسي لقيته باللغه الماليزيه ..؟ ومافهمت شي طبعا
http://registry.usm.my/senat/Data/Si...a_20122013.pdf

بما انك بنفس الجامعه اخوي تقدر تتاكد لي من عندهم متى اخر موعد اقدر اسجل فيه في كلية The School of Educational Studies
Master ofEducation (M.Ed.) by coursework تخصص English Language Education/TESOL
بالنسبة لشروط القبول مكتوب جيد للبكالريوس معدلي مقبول ..؟ لكن عندي خبرة بالتدريس اكثر من سنتين مثل ماهم طالبين
وباتاكد من باقي المتطلبات هل تشمل توفل..؟

بالنسبة للاوراق شهادة الثانوي-وثيقة تخرج-كشف درجات-تصوير اوراق الجواز-ختم الاوراق من وزارة الخارجية السعودية-ووزارة التربية
ممكن اجهزها خلال 3 او 4 ايام لكن باتاكد الحق التسجيل او لا..؟

انتظرك اخوي وباقي الاخوان لاهنتم

الله يوفقك اخوي ابو فيصل و ان شاء الله تنقبل في الـ USM حتى نعزمك احنا لأنه هذا واجبكم علينا ,
ان شاء الله الإسبوع هذا انا حـ اروح للـ IPS و بسألهم شخصياً متى يبدأ التسجيل للـ سمستر الجديد و إمكانية القبول بتقدير مقبول مع خبرة التدريس ,
و لا تخاف ان شاء الله تلحق التسجيل لأنه فيه معانا هنا تقريبا 3 شباب يدرسوا في معهد لغة و ينتظرون التسجيل حتى يقدموا ,
نصيحة اخوي ابو فيصل حاول تقدم على اكثر من جامعة اذا طموحك عالي و ناوي ان شاء الله تكمل دراسة , فحاول يكون عندك اكثر من خيار ,
فيه ناس اشوفهم في المنتدى يجيبوا قبولات بس "بمقابل" , شوف اذا كان يجيبوا لك قبول بمعدل مقبول "انا ما اعرفهم و لا أضمنهم",
و ان شاء الله ربي يسهلها و يقبلوك في USM من غير مقابل
اسأل الله ان يوفقنا و اياكم الى ما يحب و يرضى
بالنسبة للـي مكتوب في الكاليندر و انه سبتمبر يبدأ تسجيل الطلاب يقصدون الطلاب اللي قدموا في شهور جون و جولاي اللي مضت
و جاهم قبول . و في 1 و 2 سبتمبر يبدأ اجراءات تسجيلهم و احنا كنا معاهم هذاك الوقت , فهذا التاريخ ما يخص اللي يسجلون للسمستر الثاني
اذا فيه تسجيل ماستر للسمستر الثاني حيكون خلال الشهر و الاسابيع القادمة و هذا اللي بروح اتأكد منه في الــ IPS ان شاء الله الاسبوع هذا
وفقك الله

ما تقصر اخوي مشعل والله يبيض وجهك وهذا العشم فيك طال عمرك..
بالنسبة للتسجيل لقيت جامعة مالايا مفتوح فيها التسجيل للفصل الثاني واخر موعد للتسجيل 2نوفمبر .. وباخليها الخيار الثاني
لان الماستر عندهم كورسات وبحث او بحث يعني ماعندهم نظام شامل "كورسات فقط"
لكن جامعتكم هي خياري الاول.. وانتظرك اخوي تمر عليهم وتشوف متى التسجيل..
لانه لو كان مفتوح الان راح اجيهم بنفسي واسجل ا
لاني فكر طالما اني مالحقت الفصل الاول اني استفيد من هالثلاث شهور الي قبل الفصل الثاني باني اسجل بمعهد الجامعة للغة اذا كان كويس
واخذ كروسات اكاديميه.. واسجل من نفس الجامعه بدل النت.. ايش رايك..؟؟

واذا عندك خلفية عن الفرق بين الجامعتين ( جامعتكم وجامعة مالايا ) ياليت توضحهم لي من ناحية موقع الجامعتين وايهم افضل في التعامل وطبيعة التدريس بالجامعتين..

والله يجزاك عنا كل خير

وجهك ابيض اخوي ابو فيصل ,
و الله يا غالي ما اعرف عن جامعة مالايا او غيرها انا هنا في جزيرة بينانغ في ماليزيا مكان الجامعة تقريبا من 8 شهور عشان كذا ما اقدر افتيك ,
ان شاء الله يوم الإثنين او الثلاثاء بإذن الله امرهم و ارد لك خبر بإذن الله , انت قدم في كل الجامعات و شوف كمان الاخوان اللي هنا اذا يقدروا يجبون لك قبولات ,
القصد تكون عندك خيارات كثيرة , لإنه لا قدر الله ممكن "يدقرون" لك في المعدل و ان شاء الله ربنا يسهلها , اذا تفكر تجي فـ الموضوع في الاول و الأخير راجع لك ,
انا ما اقدر اقول تعال و ان شاء الله تحصل قبول و و و , و الله كل اللي اقدر انصحك فيه قدم في اكثر من جامعة صحيح هو خيار الكورسات الكل يبحث عنه لكن حتى ,
تكون في السيف سايد, فكرة تجي ماليزيا قبل ما يبدأ السيمستر سواء جاك قبول في USM او اي جامعة اخرى اصلا هذا اللي يعملونه معظم الطلاب , معهد الجامعة ممتاز للمستويات
المتقدمة بس كل شي يعتمد على الشخص و إجتهاده , اسأل الله ان يوفقنا و اياك يااااارب ,
بالنسبة لـــ USM كـ جامعة بما انك سألتني انا اشوفها من ارقى الجامعات و تعتبر الثانية على مستوى ماليزيا و يقولن ممكن تصير الأولى ,<< وجهة نظر شخصية
فيه معانا اخوان و زملاء و حبايب و تقدر تقول شي منهم قرايب يسب و يسخط في الجامعة و جامعات ماليزيا و ماليزيا و اهلها و يجيب لي إحباط يوم بعد يوم و هم كل ما قابلتهم
سب و سخط , لكن للإمانة ما شفت شي من كلامهم و الاحظ التقصير من كثير منا للأسف , هذا لا يعني انه ما في اغلاط و سلبيات في الجامعة او المجتمع لكن و الله لا يقارن
بالإيجابيات , و فوق هذا كله "جميع السلبيات مهما كانت مستحيل تطغى على طموح و حلم إكمال الدراسة لو كان هناك طموح حقيقي "
الله يوفقكنا و اياك الى ما يحب و يرضى ,

اخوي مشعل مريت الجامعه اليوم..؟

المعذرة منك ابو فيصل على التأخير , و الله غصب عني ,
المهم طال عمرك رحت لهم , واستفسرت منهم و قالت لي انه التقديم لدراسات الكورسات و الميكس مود
مرة وحدة في السنة "يعني الإنتاك حق سبتمبر" , و لــــكــــن
على حسب ما قالت لي انه في بعض السكولات تطلب طلاب للسمستر الثاني و هذا يعلن عنه قسم التسجيل و القبول IPS
نهاية الشهر هذا او نهاية الشهر القادم على موقعهم ,
يعني طال عمرك اذا السكول "الكلية" اللي انت ترغب تسجل فيها نزلت تسجيل للسمستر الثاني تقدر تقدم ,
و اسأل الله ان يوفقنا و اياكم و يقدر لنا و لك الخير حيث شاء ...

الله يجزاك خير ويوفقك لكل ماتتمناه على جهودك وتعبك اللي تقدمه للاخوان وبدون مقابل.. يعلم الله ان الدعوة بالغيب تسوى الدنيا ومافيها

باسالك اخوي مشعل مدام انك تدرس هناك..
لفيت بموقع جامعة يو او الي فاتحين القبول فيها.. وبيني وبينك حسيت انهم مرة متشددين بالطلبات وكانهم جامعة هارفرد .. بصراحه

وهالشي بصراحة خلاني ارجع افكر بالاردن رغم انها اغلى.. يعني رسوم الماستر بالاردن ما تقل عن 35الف ريال من غير مصاريف المعيشة والسكن

فمن شروطهم للماستر بالنسبة لجامعة اليو ام ان التوفل ما يقل عن 550 وكاتبين ممكن بدون توفل ان الواحد ياخذ كورسات انجليزي الين ماجيب الدرجة
وبيني وبينك خايف يستغلون هالنقطه ولو درست بالمعهد 3 او اربع شهور يقولون لا ماجبت الدرجة عشان ترجع وتاخذ كورسات زيادة
يعني من خلال خبرتك بالديرة.. هل عندهم استغلال بهالطريقة..؟
لانهم كاتبين انه من بداية السنة القادمه 2013 جميع الطلاب لازم ياخذون كورسات تقييم مستوى حتى الي سوو اختبار توفل واحتمال وركز على كلمة احتمال
ان الطالب الي جايب بالتوفل 600 انه ممكن مايحتاج للتقييم.. هنا حسيت بان الدعوة قلبت تجارة بحته وهالشي خوفني..؟

ايش رايك انت.. وكمان راي الاخوان الي يحبون يبدون وجهة نظرهم.. لان الموضوع فعلا فيه خطورة خصوصا للي بيدرس على حسابة الخاص
وعنده اجازة محددة بعدد معين وميزانة معينة واتكلم بصفة عامه مو بالنسبة لي فقط