استشارة عن الدراسة في ماليزيا ...

السلام عليكم
لاهنتم استشارة ان شاء الله بسيطة عن ماليزيا ....
اخوي يفكر بدراسة الهندسة في ماليزيا
ابغا اعرف التكلفة السنوية كدارس ع حسابه الخاص ؟؟؟اتوقع راح تكون سنة لغة وبعدين هندسة ؟
عارف ان السؤال عام ولازم احدد اي مدينة واي جامعة واي تخصص في الهندسة والسكن ووو ؟؟لكن المشكلة ما اعرف شي عن ماليزيا وجامعاتها؟
لو بالامكان تقدير التكلفة السنوية ولو في نصائح بخصوص جامعة او مدينة او حتى تخصص مشكوورين مقدما ..
سؤال ثاني هل يعامل خريج الهندسة من ماليزيا مثل اللي تخرج من اي دولة عربية او حتى السعودية من ناحية الرواتب والتوظيف ؟؟
والف شكر ؟؟؟

وعليكم السلام ورحمة الله وبركاته

اول سؤال ينسأل هو أي تخصص في الهندسة , يعني هندسة مدنية ؟ كهربائية ؟ معمارية ؟؟ ترى تفرق من تخصص لتخصص
التكلفة السنوية وكل الأسعار اللي بذكرها تقريبيه , مثلا دراسة الهندسة الكهربائية في جامعه خاصة بيكلفك 64000 رينجت خلال الأربع سنين , اما الدراسة في جامعه حكومية بيكلفك تقريبا 35 الف رينجت خلال الأربع سنين , لكن الجامعات الحكومية قبولها شوي صعب , وما ينقبل فيها الا الللي درجته بالثانوية جدا جيدة

لو أخوك كانت نسبته بالثانوية جيدة خله يجرب حظه ويقدم في جامعه حكومية , منها أرخص ومنها تعتبر من وجهة نظري أفضل ..
ونصيحتي خل أخوك اول شيء يجي يدرس لغة لفترة معينة , ست شهور مثلا أشوفها كافية , وفي نفس الوقت هو بيشوف البلد وبيعرف الجامعات , أهم شيء إذا جاء يدرس الإنجليزي , بعد فترة المعهد حاول انه يختبر يا ( توفل ) أو ( ايلتس ) , لأن كل الجامعات تطلبها في التسجيل ..

وملاحظة قبل لا أنسى , انا اشوف وهي وجهة نظري , إذا أخوك بيجي يدرس إنجليزي في ماليزيا , فتعتبر جيدة وليست ممتازة , على الأقل بيلاقي ناس يقدر يتكلم معهم على عكس لو درس بمعهد عندكم , وبالنسبة للجامعات , مثلا لو انقبل في جامعه حكومية , بيكون الاغلبية من الطلاب ماليزين , فبعض الدكاترة يجي يتكلم نص انجليزي ونص ماليزي .. حبيت أذكر ذي الملاحظة عشان ابري ذمتي :D

أتمنى إني افدتك باللي عندي , وبالتوفيق :D

ما قصرت يالغالي ع ردك ....
بالنسبة للتخصص هو لسا محتار بالنسبة للتخصص بس معدله ان شاء الله عالي فاتوقع مافي مشكلة من هالناحية ...
بالنسبة للجامعات هل في جامعات بعينها ينصح بها ؟؟ وبالنسبة للتخصص هو اكيد على رغبة الشخص بس وش افضل تخصصات الهندسة واغلاها وارخصها من حيث الرسوم (عارف انها كثيرة ومتفرقة ) ؟
ومرحلة اللغة تنصح بستة اشهر طيب المعهد بيكون مستقل ولا تبع جامعة ؟؟ وفرضا كم راح تكلف الستة اشهر (دراسة و سكن و اكل وشرب وموصلات ) ؟

سؤال ثاني هل يعامل خريج الهندسة من ماليزيا مثل اللي تخرج من اي دولة عربية او حتى السعودية من ناحية الرواتب والتوظيف ؟؟
عارف اني طولت عليك السموحة منك يالغالي

اقتباس:

---

المشاركة الأصلية كتبت بواسطة swwal

ما قصرت يالغالي ع ردك ....
بالنسبة للتخصص هو لسا محتار بالنسبة للتخصص بس معدله ان شاء الله عالي فاتوقع مافي مشكلة من هالناحية ...
بالنسبة للجامعات هل في جامعات بعينها ينصح بها ؟؟ وبالنسبة للتخصص هو اكيد على رغبة الشخص بس وش افضل تخصصات الهندسة واغلاها وارخصها من حيث الرسوم (عارف انها كثيرة ومتفرقة ) ؟
ومرحلة اللغة تنصح بستة اشهر طيب المعهد بيكون مستقل ولا تبع جامعة ؟؟ وفرضا كم راح تكلف الستة اشهر (دراسة و سكن و اكل وشرب وموصلات ) ؟

سؤال ثاني هل يعامل خريج الهندسة من ماليزيا مثل اللي تخرج من اي دولة عربية او حتى السعودية من ناحية الرواتب والتوظيف ؟؟
عارف اني طولت عليك السموحة منك يالغالي

---

اول شيء اللي باكتبه هنا هي وجهة نظري ، بعض الطلاب يوافقني وبعضهم لا .. فانت حاول انك تسال اكثر عدد من الطلاب عشان تكون الصورة لك ولاخوك واضحه قبل حتى لا يقرر يدرس بماليزيا ..

بأبدأ بمرحلة اللغة ، انا افضل ان الطالب اذا جاء ماليزيا يدرس بمعهد خارجي افضل من معهد داخل الجامعه ، ايجابياتها ، ان المعهد الخارجي معروف انه افضل من الجامعه ، المعهد الخارجي غالبا يكون فيه المدرسين لغتهم الام انجليزية ، والمعاهد يكون فيها نشاطات ورحلات تخلي الطالب يسولف كثير ومنها ينطلق لسانه باللغه ،وبرضه في هذي الفترة الطالب يبحث عن الجامعات عن قرب ويسأل اهل الخبرة ، وبعدها يشوف الجامعه اللي تناسبه ، بس ملاحظه مهمه ، اذا درس بمعهد خارجي لازم لما تنتهي فترة اللغه انه يختبر يا اختبار التوفل او الايلتس ، لان كل الجامعات تطلبها كشرط اساسي لدخول الكليه ، فاذا كان ما معاه وحده من هذي الشهادتين بيضطر انه يختبر اختبار تحديد مستوى في نفس الجامعه، وغالبا اللي يختبر هذا الاختبار يجبرونه انه يدخل كورس لغه في نفس الجامعه ( وفي نفس الوقت في ناس تقدر تعدي اختبار اللغه اللي من الجامعه ، لكن انا اللي اشوفه ان الاغلبيه يجبرونهم انهم يدخلون كورس واحد على الاقل ) .. لكن اذا جاء وسجل على طول بالجامعه بدون ما يكون معاه لا توفل ولا ايلتس ، يمكن الجامعه ما تعجبه ( وهذا الشيء اللي صار معي اول ما جيت هنا ) ، فبيكون دفع مبلغ كبير حق التسجيل وبعدها ما يرتاح بالجامعه ، فاشوف ان الافضل معهد خارجي يكتشف فيها الجامعات بنفسه .. لكن في نفس الوقت الايجابية الوحيدة اللي اشوفها انا في معهد الجامعه انك تلعب على المضمون ، لانه غالبا كورس اللغه في الجامعه سهل انك تتجاوزه ، وبكذا تكون ضمنت تدخل الكليه ، لانه بعض الطلاب ما يقدر يجيب الدرجة المطلوبة بالايلتس او التوفل ، فلما يجي الجامعه ويختبر اختبار تحديد المستوى بالجامعه ، يجبرونه يدخل لغه من جديد .. وبالنسبة للفترة على حسب اجتهاد الشخص ، لكن غالبية الطلاب ياخذونها من ست شهور الى سنة ، وطلاب كثير اعرفهم سوو نفس الحركة وبعدها اختبروا الايلتس وقدروا يجيبون الدرجة المطلوبة ..

بالنسبة للتخصصات ترجع للشخص نفسه ، والجامعات ما تقدر تحددها الا اذا حددت التخصص اول ، بعض الجامعات تكون سمعتها عندنا بالدول العربية جدا جيدة ، لكن لما تجي هنا تكتشف العكس ، او يكون نظامها التدريسي سيء .. فلازم تسال عن كل الجامعات قبل لا تفكر حتى بالتسجيل، بعض مكاتب التسجيل عندكم يجي يمدح لك جامعه معينه ، لكن لما تجي هنا تكتشف العكس . لان المكتب ياخذ عموله من الجامعه على كل طالب ، عشان كذا تلاقيه يمدح جامعه معينه وهي بالاساس سيئة ..

وسؤال الاخير في تعامل طالب الهندسة من ملليزيا زي اللي يعامل كخريج من الجامعه العربية ، بصراحع ما عندي ادنى فكره عنها ، انا لسى طالب فما اقدر افيدك فيها بصراحه ..

التكلفه تقريبا اكل شرب ومواصلات وسكن ( بدون رسوم دراسة ) لمدة شهر من 1200 رينجت الى 1500 رينجت ، وبالخير هي تعتمد على مصاريف الشخص نفسه

اتمنى اني افدتك ، واي سؤال حنا بالخدمه ;)

انا بضيف على كلام اخوي الكثيري..
بالنسبة لرسوم الجامعات قي الهندسة تترواح ما بين 3 ونصف الف دولار الى 5 الف دولار ... سواء جامعات حكومية او خاصة

اقتباس:

---

المشاركة الأصلية كتبت بواسطة osman1

انا بضيف على كلام اخوي الكثيري..
بالنسبة لرسوم الجامعات قي الهندسة تترواح ما بين 3 ونصف الف دولار الى 5 الف دولار ... سواء جامعات حكومية او خاصة

---

قصدك في الترم ولا في السنة ؟؟

مشكور يالغالي ع ردك صراحة استفدت
وان شاء الله اذا في اي استفسارات اخرى انك ماتقصر ويانا