انا هالحين ادرس بكندا ابي احول لماليزيا

غريبه اخوي

يعني المتعارف عليه الناس بيحاولو انهم يحولو من اي دوله لكندا بالذات لانو سمعتها طيبه و ناسها طيبين

انا ان شاءالله مبتعث لكندا و جابولي الوزاره قبول معهد في مونتريال

بالله عليك تقولي ليش تبغا تحول و هل فيه اشياء ضايقتك و كيف مونتريال ؟؟

انت بتدرس قسم ايش و في اي جامعه و في مدينه ؟؟؟

يعني من الاخر ابغا اعرف هل تنصحني احول و لا اكمل ؟؟؟ ( مع انو مافي فرصه دحين بس على الاقل ابغا اخذ معلومات )

و الله يوفقك

هلا والله خووي والله كندا حلووووووه مره وناس احلى من الطيبين
بس البرد مشكلة والله لي

وانت الله يعينك بمنتديار تاصل الدرجة ال 25- تحت الصفر
ادرس بزنز انا وبفانكوفر

الرجاء من الاخواااااااان الفاده
علشان ابي ابدا باجراء الفيزا

يطولي عمرك عيدين ويعطيك الف غافية

اخ فاهد الاخ عيدين كفى ووفى ومااقدر ازيد على كلامه بس نصيحه لا تسيب كندا انا مبتعثه هنا في ماليزيا وجالسه احاول اني اروح استراليا ..ماليزيا مو بطاله لكن كدراسه واستفاده اكيد انه كندا افيدلك صح هنا المكافأه حلوة وتقدر كل شهر تطلع مدينه غير وتتمشى في البلد كلها بس اعتقد اننا جايين ندرس يعني الاهم تكون قويه في الدراسه..وانا ليا قريبتي في كندا تقول اول شتاء مر عليها لبست كل الملابس فوق بعض لكن تاني سنه خلاص اتعودت وصارت تطلع عادي جاكيت خفيف يعني ..معليش طولت عليك بس حبيت انصحك...



على فكرة انا كنت اكتر وحده اشجع على ماليزيا بس لما تشوف وتعيش مو زي لما تيجي اجازة وترجع..





الله يوفق الجميع..

توفي الله يعطيك العافية
بس انا عندي ضرف يمعنني والله عن البرد والا ادري مافيه مغارنة

والاخ عيدين ماقصر
بس يقوللي القبول يتاخر يجلس الى شهرين وش سالفتهم وليش التاخير

فعلا قبولات ماليزيا وسنغفورا تتأخر كثير بدليل ان المرحلة السابقة في الابتعاث اخر ناس ذهبو هم سنغفورا والمرحلة الحالية سنغفورا وماليزيا ما جا لهم ولا اي قبول.

حرام المقارنه بين كندا وماليزيا في اللغه والدراسه الأكاديميه انا اشوف الناس يحولون من ماليزيا الى بريطانيا وكندا...... البلد سياحيه واذا تبغى توفر كم قرش والقرار الأخير لك شوف ايجابيات وسلبيات كلا الدولتين

لعل من الأفضل في معظم الأحيان أن ينتهي من دراسة واتقان اللغة الانكليزية بشكل ممتاز من خلال ممارسة الكتابة والقراءة جيدا في كندا وبعدها يمكن التحويل إلى ماليزيا.
هناك عدد من الاعضاء أشاروا بعدم التحويل إلى ماليزيا إذا كانت هناك فرصة في جامعة متقدمة تعليميا أكثر .. وارى أنهم محقون ولكن الأمر يتعلق بالتخصص في كثير من الأحيان وبما اذا كان الطالب لا يزال في مرحلة البكالوريوس أم الدراسات العليا . بعض التخصصات مثل ادارة الأعمال قد يمكن دراستها في ماليزيا مع أن الأفضل والأصح سماع رأي من يدرس هذا التخصص في ماليزيا فرأيه سيكون عن اطلاع لا عن تخمين. معظم من يشكون في ماليزيا طلبة دراسات عليا لم تتوفر تخصصاتهم المطلوبة أو قبلوا بنظام البحث وهم محقون في شكواهم ... والشكوى الأكثر سوءا هي من الطلبة في مرحلة اللغة وهم محقون في غالب الأحيان إلا اذا سجلوا خارج الجامعة على نفقتهم الخاصة وكانوا جادين ومهتمين في الدراسة ومستعدين لبذل جهد كبير وخاص.