November 10th, 2013, 03:03 AM
السلام عليكم ورحمة الله وبركاته..
كيفكم أعضاء مبتعث ؟ أتمنى تكونوا في أتم الصحة والعافية
أول شيء أحب أقدم نفسي لكم وأعرفكم عن وضعي عشان تكونوا بدراية عن حالي قبل لا تعطوني أي رأي أو نصيحة ..
أنا من مواليد السعودية لكني غير سعودية ، درست هنا واتخرجت من الثنوي قسم علوم طبيعة بنسبة 100% ما شاء الله
واختبار القدرات 92 والتحصيلي 81
ما عندي توفل ولا ايلتس ومستوايا في الانقلش متوسط درست في معهد بيرلتز ليفل 4 وجبت 92%
قدمت على منح في الجامعات الاهلية وما اتأهلت وأغلب الجامعات همها الفلوس!
وقدمت ع الحكومي وحدة جامعة ادتني انتساب دين او عربي والتانية لسى قبولها ما جا
وفوق دا ادا جا القبول ما في التخصص اللي اباه
الزبدة انا ابى ادرس "هندسة معمارية" بإذن الله تعالى ..
ففكرت في جامعات برا كنت ابى اقدم ع الجامعة الامريكية في الشارقة منحة بس الكلام مطول ونا كدا ضيعت ترم وما ابى اضيع كمان وكمان
فما عندي جامعة تناسبني أسعارها وفي بلدة آمنة إلا الجامعة الاسلامية وعرفت انها عالمية ومعتمدة فاطمنت ..
حاليا انا اليوم بابا بيرسل اوراقي باذن الله..
عندي أسئلة كتتتتتتتير أتمنى ألاقي مين يجاوبني عليها واعذروني لأني حأطول وأفصفص وألق لق كتير ..
.
.
.
● إذا جا القبول بإذن الله .. وحددنا الموعد وسافرنا هل الجامعة مسؤولة عن استقبال الطالب او الطالبة يعني في نظام معين لدا الشيء؟
● بالنسبة للسكن حسب ما قرأت إنو أغلب السكن من غير نظام تكييف إلا بعضها صح دا الكلام ولا لا؟ وإيش أفضل السكن الانفرادي ولا مع شخص؟
● بالنسبة لغسيل الملابس قرأت إنو السكن الفاخر بيدوا غسالة تشتغل بالعملة النقدية ! ايش وضع دي الغسالة ؟ وومافي مغسلة او شيء تتولى دي المهمة؟
● إيش الخدمات اللي بيقدمها السكن أعلى درجة ؟ وإيش الأنشطة اللي بينظموها على مدار اليوم أو الأسبوع؟
● هل الجامعة تقوم برحلات للطلاب الدوليين أو اللي قاعدين في سكنها ولا يقعدوا محبوسين في الجامعة؟
● بيسمحوا إنو نخرج من الحرم الجامعي في أي وقت ولا في أوقات معينة ولا ما بيسمحوا نهائي؟ خصوصا البنات ﻷني بنت وأبى أعرف؟
● هل البنات لهم أوقات يكونوا فيها لحالهم يعني لمن أشيل ملابسي هل أشيل ملابس عادية ولا كلها مسترة وعبايات ..إلخ؟
● هل خدمة الانترنت متوفرة في السكن؟
● طبعا بما إنو ما عندي توفل فحيختبروني هناك ، أبى أعرف ماهية الاختبار؟ وكيف يحددوا النتيجة يعني ايش القرارات اللي يتخدوها؟
● بالنسبة لمعهد اللغة عندهم سمعت من كتير انو ماهو كويس وانو سيء والكادر التعليمي مستواه ضعيف وانو اغلب الطلاب بيفشلوا في دا المعهد وانو الافضل ندرس في معهد خارجي زي المعهد الامريكي .. هل كل دا الكلام صح؟ خصوصا إني مرة متخوفة من دا الشيء ومرة صعب او بالاصح مستحيل ادرس ف مكان تاني غير هنا لاني بنت وصعب ادبر لنفسي سكن برا واقعد رايحة جاية بالتاكسي وكدا ، الجامعة مأمن حيكون متوفر كل شيء أفيدوني في دا الخصوص؟
● كيف نظام معهد اللغة مستويات ولا كيف ﻷنو بابا يعرف واحد مستواه صفر في الانقلش وحاليا بيدرس في المعهد لكن انا مستوايا كويس نوعا ما بس مو مرررة بروفيشنال يعني ، فكيف الوضع هل يحطوني في مستوى يناسبني وفي مدة اللي انا احتاجها ولا نظامهم موحد؟ كم مدة الدراسة ؟ اقل مدة واقصاها ؟ وهل الفترة دي كافية لاجادة اللغة باذن الله؟
● كم تكلفة دراسة اللغة في الجامعة ؟
● الجامعة فيها نظام منح لطلاب البكالوريوس؟! ولو في كيف طريقة التقديم لها؟
● هل الجامعة فيها نظام مكافآت ؟ وهل هي لفئة محددة ولا جميع الطلبة؟
● في مول او سوبر ماركت في الجامعة ؟ هل بتتوفر فيه كل الاحتياجات الخاصة؟
● في بنات كتير من جنسيات متنوعة ؟ في بنات من السعودية ؟
● عندك أي معلومة إضافية ممكن تفيدني ؟!
..
ومع كل دي الأسئلة حاسة انو لسى في راسي اسئلة بس ناسيتها .. عموما أتممننننى من كل قلبي احد يرد عليا وياريت تكتبو اللي عارفينو انو صح ..
وادا كان مجرد تخمينات وافكاركم الخاصة فاكتبولي انو دا رأيكم الخاص ..
بأستناكم على امل الاقي ردود اليوم ..
كل امتناني لكم / يوم سعيد ♥
Sent from my GT-N8000 using مبتعث mobile app
November 10th, 2013, 03:03 AM
السلام عليكم ورحمة الله وبركاته..كيفكم أعضاء مبتعث ؟ أتمنى تكونوا في أتم الصحة والعافية
أول شيء أحب أقدم نفسي لكم وأعرفكم عن وضعي عشان تكونوا بدراية عن حالي قبل لا تعطوني أي رأي أو نصيحة ..
أنا من مواليد السعودية لكني غير سعودية ، درست هنا واتخرجت من الثنوي قسم علوم طبيعة بنسبة 100% ما شاء الله
واختبار القدرات 92 والتحصيلي 81
ما عندي توفل ولا ايلتس ومستوايا في الانقلش متوسط درست في معهد بيرلتز ليفل 4 وجبت 92%
قدمت على منح في الجامعات الاهلية وما اتأهلت وأغلب الجامعات همها الفلوس!
وقدمت ع الحكومي وحدة جامعة ادتني انتساب دين او عربي والتانية لسى قبولها ما جا
وفوق دا ادا جا القبول ما في التخصص اللي اباه
الزبدة انا ابى ادرس "هندسة معمارية" بإذن الله تعالى ..
ففكرت في جامعات برا كنت ابى اقدم ع الجامعة الامريكية في الشارقة منحة بس الكلام مطول ونا كدا ضيعت ترم وما ابى اضيع كمان وكمان
فما عندي جامعة تناسبني أسعارها وفي بلدة آمنة إلا الجامعة الاسلامية وعرفت انها عالمية ومعتمدة فاطمنت ..
حاليا انا اليوم بابا بيرسل اوراقي باذن الله..
عندي أسئلة كتتتتتتتير أتمنى ألاقي مين يجاوبني عليها واعذروني لأني حأطول وأفصفص وألق لق كتير ..
.
.
.
● إذا جا القبول بإذن الله .. وحددنا الموعد وسافرنا هل الجامعة مسؤولة عن استقبال الطالب او الطالبة يعني في نظام معين لدا الشيء؟
● بالنسبة للسكن حسب ما قرأت إنو أغلب السكن من غير نظام تكييف إلا بعضها صح دا الكلام ولا لا؟ وإيش أفضل السكن الانفرادي ولا مع شخص؟
● بالنسبة لغسيل الملابس قرأت إنو السكن الفاخر بيدوا غسالة تشتغل بالعملة النقدية ! ايش وضع دي الغسالة ؟ وومافي مغسلة او شيء تتولى دي المهمة؟
● إيش الخدمات اللي بيقدمها السكن أعلى درجة ؟ وإيش الأنشطة اللي بينظموها على مدار اليوم أو الأسبوع؟
● هل الجامعة تقوم برحلات للطلاب الدوليين أو اللي قاعدين في سكنها ولا يقعدوا محبوسين في الجامعة؟
● بيسمحوا إنو نخرج من الحرم الجامعي في أي وقت ولا في أوقات معينة ولا ما بيسمحوا نهائي؟ خصوصا البنات ﻷني بنت وأبى أعرف؟
● هل البنات لهم أوقات يكونوا فيها لحالهم يعني لمن أشيل ملابسي هل أشيل ملابس عادية ولا كلها مسترة وعبايات ..إلخ؟
● هل خدمة الانترنت متوفرة في السكن؟
● طبعا بما إنو ما عندي توفل فحيختبروني هناك ، أبى أعرف ماهية الاختبار؟ وكيف يحددوا النتيجة يعني ايش القرارات اللي يتخدوها؟
● بالنسبة لمعهد اللغة عندهم سمعت من كتير انو ماهو كويس وانو سيء والكادر التعليمي مستواه ضعيف وانو اغلب الطلاب بيفشلوا في دا المعهد وانو الافضل ندرس في معهد خارجي زي المعهد الامريكي .. هل كل دا الكلام صح؟ خصوصا إني مرة متخوفة من دا الشيء ومرة صعب او بالاصح مستحيل ادرس ف مكان تاني غير هنا لاني بنت وصعب ادبر لنفسي سكن برا واقعد رايحة جاية بالتاكسي وكدا ، الجامعة مأمن حيكون متوفر كل شيء أفيدوني في دا الخصوص؟
● كيف نظام معهد اللغة مستويات ولا كيف ﻷنو بابا يعرف واحد مستواه صفر في الانقلش وحاليا بيدرس في المعهد لكن انا مستوايا كويس نوعا ما بس مو مرررة بروفيشنال يعني ، فكيف الوضع هل يحطوني في مستوى يناسبني وفي مدة اللي انا احتاجها ولا نظامهم موحد؟ كم مدة الدراسة ؟ اقل مدة واقصاها ؟ وهل الفترة دي كافية لاجادة اللغة باذن الله؟
● كم تكلفة دراسة اللغة في الجامعة ؟
● الجامعة فيها نظام منح لطلاب البكالوريوس؟! ولو في كيف طريقة التقديم لها؟
● هل الجامعة فيها نظام مكافآت ؟ وهل هي لفئة محددة ولا جميع الطلبة؟
● في مول او سوبر ماركت في الجامعة ؟ هل بتتوفر فيه كل الاحتياجات الخاصة؟
● في بنات كتير من جنسيات متنوعة ؟ في بنات من السعودية ؟
● عندك أي معلومة إضافية ممكن تفيدني ؟!
..
ومع كل دي الأسئلة حاسة انو لسى في راسي اسئلة بس ناسيتها .. عموما أتممننننى من كل قلبي احد يرد عليا وياريت تكتبو اللي عارفينو انو صح ..
وادا كان مجرد تخمينات وافكاركم الخاصة فاكتبولي انو دا رأيكم الخاص ..
بأستناكم على امل الاقي ردود اليوم ..
كل امتناني لكم / يوم سعيد ♥
Sent from my GT-N8000 using مبتعث mobile app