مغتربه جديده ..

مرحيا
أم رولا أنصحك تكتبي موضوعك هذا في ( منتدى الطلبة السعوديين في كوالالمبور ) لأنك بتحصلين ناس كثير مثل حالتك وخصوصا من ناحية المريول والعباية
..
بالنسبة لمعهد الجامعة الإسلامية مسموح فيه النقاب وبالعكس يفضلوا لبس النقاب وعندهم حرص على هذي الأمور

بالتوفيق يارب.

مسااء الخيير ,,,,

هههههههههههههههه اختي القهوى والتمر حطيها بالشنطه تكفي او حطيها بكرتون واشحنيها انا مرره وانا طالع من السعوديه كنت ماخذ شنطه كبييره وحاط فيها بيتنا كامل ههههههههههه مارضو يطلعوها لان وزنها طلع زاايد مرره , اطريت اني احطها بكرتون من محل التغليف حق المطار واشيلها معاي ودفعووني عليها حموله زايده اذا ماخاب ضني يا 150 او 250 حوول هالمبلغ

اكيييد عادي لبس العبايه والنقاااب ورااح تشووفي كثيييير لابسيين سواء من الماليزيين ولا من العرب

بنتك الله يحفظها على حسسب اذا كنتي بدخلها المدرسه السعوديه الي هناك ولا مدارس نموذجيه ,, اذا بدخليها المدرسه السعوديه فأتوقع نفس المريول الي تلبسه ,
اغلب المعاهد الي مريت عليها ماشفت فيها حضااانه ,,, وبالنسبه للمعاهد الممتازه بماليزيا عندك اركان , برتش كانسل اتوقع هذي افضلها

بالنسبه للسكن : الافضل من راايي اذا مافي احد هناك ويضبطلك السكن فأحسنلك انك اول ماتروحي تستاجري فندق , واليوم الثاني تنزلي تدوري شقق وان شاء الله راح تحصلي من اول يوم لان الشقق على قفا من يشيل
ملياانه بكل مكاااان ,,, رووحي لاقرب عمااره واسألي السكورتي الي عند البااب اذا في شقق فاضيه ولالا وهو بيدقلك على الناس الي تبغى مستأجريين


شووفي ام رولا هالموقع يمكن يفييدك بالسكن Mudah.my - Malaysia's Largest Marketplace وهذا Find Room For Rent / Homestay / Short Term Rental / Sublet in Malaysia, Kuala Lumpur, Ampang, Bangsar, Cheras, Setapak, Damansara, Petaling Jaya, Subang Jaya, and Penang | iBilik (formerly known as CariBilik)

مشكوووورين ماااقصرتوو💐


( تمت المشاركة باستخدام تطبيق مبتعث )

[COLOR="#FF0000"][COLOR="#B22222"]وعليكم السلام اختي ام رولا والله يحييك بين اهلك والله يسهل امرك وامرنا جميعا ,,, حبيت افيدك لاني كنت زيك ابحث عن معلومات علشان الواحد يطمأن ويكون على دراية قبل مايجي ما يتبهذل زينا وخصوصا انه معك اطفال
وش رايكم في أفضل معهد؟ انا حاليا ادرس بمعهد الجامعة (السلباد ) لاني مقبولة دراسات عليا المعهد لاباس فيه الي يدرسون فية ماليزيين ,يعتمد على مجهودك انت اولا واخرا وبشكل عام اللغة الانجليزية تعتمد على مجهود الشخص . وماعندي خلفية بالمعاهد الثانية بس بعض صديقاتي يمدحون المعهد النيوزيلندي .
هل يوجد في المعاهد حاضنه ؟ اذا بتدرسين بالجامعة الاسلامية يوجد حضانة وتمهيدي بوسط الحرم الجامعي وكمان في المجمع الي انا فية حضانه وروضة اطفال وهذا المجمع PV8 مع العلم انه قريب من الجامعة الاسلامية والمدرسة السعودية يعني بالوسط
وش أفضل المجمعات السكنيه تكون قريبه ن الملحقيه والمدارس السعوديه والجامعه الاسلاميه ؟ مثل ماقلت 8 PV
وهل أفصل مريول بنتي من هنا واذا هنا كيف الموديل والالوان? مادري تجين وكل شي هنا موجود لاتخافين .
وش تنصحوني من ناحيه العبايه في الجامعه هل البس غير الاسود مثلا كحلي بني رصاصي ؟ يااختي انا بالعباية السوداء ومنقبة بالجامعة بالعكس هم يفضلون ها الشي ويحترمونك اكثر لانك ببلد مسلم والناس ماتستغرب العباية السوداء ولك الحرية بلبس اي لون .
هل لبس النقاب ممنوع ف الجامعه والمعاهد مع العلم حاليا بدرس ف معهد الس والجامعه الاسلاميه كيفهم مع النقاب ؟ مثل ماقلت لك عادي جداااااااا كانك بالسعودية
وطريقه الشحن لان ناوين ناخذ اغراض من هنا من ناحيه الاكل تمر ومعاميل القهوه وقهوه ؟ الاكل كل شي موجود مايحتاج تشحني معلبات لانه هنا اسواق عربية كثيير بس جيبي القهوة والمعاميل حقتها والتمر .
والله يوفقنا وياك ,,,

يسلمووو بنت الاصااايل
بردتي قلبي
عقبال مااقابلك هناك♥️
بسألك معهدك وين قريب من ايش لاني انا زرت ماليزيا مرتين بس الغربه غيير
والسكن اللي انتي فيه كثيير يمدحونه بسألك ارضيه سيراميك والا باركيه والا موكيت


( تمت المشاركة باستخدام تطبيق مبتعث )

طيب وش السالفه مع المواعين وش اخذ معي



( تمت المشاركة باستخدام تطبيق مبتعث )

مواعين ؟؟؟ ايش ناويه عليه ؟؟ مفطحات وكذا ههههههههههههههههههه


ام رولا ترى انتي رايحه ماليزيا مو الفضاء ,, في اسوااق ابوريالين هناك وفي بقالات عربيه تبيع كل شيء زي الي بالسعوديه مايحتاج تروحي وتاخذي معاكي مطبخك ههههههه
خذيها من هنااك كل شيء متووووفررر

الله يجزاك خير مانبي الا دعوة ,, شوفي ياحبيبتي اذا انتي مقبولة بالجامعة فانتي اذن بمعهد السلباد داخل حرم الجامعة بمنطقة اسمها جومباك ( شوي عن منطقة KLCC السياحية ) والسكن الي انا فية كل الشقق سراميك فيها شقق صغيرة وفيها شقق كبيرة ( اما مؤثثة او غير مؤثثة ) وهي حلووة ونظيفة واقرب للجامعة الاسلامية و اننم لما تجون لكم الاختيار واذا تبون نشوف لكم شقة ابشري خلي زوجك يتواصل مع زوجي هذا افضل من انك تجين وتتبهذلي انت وزوجك تدورون شقق لاني والله تبهذلنا اول ماجينا بالمواصلات وانا معي طفلتين بصراحة مانساها ,,,,,
المواعين هنا فية كل شي بس بصراحة انا جبت معاي ترامس قهوة وشاي لان النوعية هنا مو ذيك الزود وكمان جيبي فناجيل وكاسات ومحافظ اكل ووو قدر الضغط , وطحانة قهوة والصحون هنا موجود بس اذا بتجيبين جيبي شي بسيط حق غربة ههههههه

الله يسعدك اختي ماقصرتي


( تمت المشاركة باستخدام تطبيق مبتعث )