وش الحل ؟؟؟؟؟؟؟؟؟؟؟؟؟؟

وعليكم السلام

اخوي هذي وجهة نظري الشخصيه واتمنى من الاعضاء اللي يدرسون في ماليزيا يكتبون رايهم في الدراسه هناك بكل صراحه.
انا مبتعث هناك بس مقدم على التحويل واول سبب للتحويل هو اللغه الانجليزيه وضعف المدرسين وكثرة الطلاب العرب واما الشعب والله ماعنده عند جدتي في اللغه واللي يقول غير كذه كذاب ومن الطبيعي انك تلقى في اي دوله شريحه تتكلم الانجليزي ولكن هذه الشريحه قليله جدا هذا بالاضافه الى سوء الاكسنت حقهم..

وهذي نظرتي الشخصيه

وغير كذه اخوي ترى كثير من المبتعثين في ماليزيا حولوا الى دول تتكلم انجليزي

وانا انصحك تروح اذا تقدر وتشوف الوضع بنفسك

السلام عليك اخوي .. انا مبتعث فبرنامج الملك عبدالله واخترت ماليزيا لكن والله الشاهد اني متندم اني اخترته
العيشه هنا سهلة لكن اللغة الانجليزية ماراح تتعلمها بسهوله لان اللغة الرسمية هي المالاي والماليزي العادي مايعرفها .. نصيحة اذا تبي مستوى عالي بالتعليم رح لدولة ثانية .. والله العالم

انتم خوفتوني انا ناوية اروح ماليزيا للماجستير بس اللغة مو مشكلة انا شوي في اللغة تعلمت من هنا في السعودية لان الحريص رائح يتعلم بس سوألي مستوى التعليم اهم شي عندي هل هو فاشل لاني مابي ادرس ماجستير هنا لاني التعليم هنا موب ذاك ازود ودي بمستوى اعلى
ياليت الي عنده فائدة يفيدنا
وترا على فكره كل من راح لاي دولة في البداية اقل شي سنة لازم مايعجبه الوضع خاصة لانه حاط في باله شي